Organistablaðið - 01.09.1991, Blaðsíða 29

Frá ritnefnd
Smári Ólason hefur nú yfirgefið landið til framhaldsnáms við háskólann
í Lundi og vil ég þakka honum fyrir samstarfið, en hann var með í undirbún-
ingi og skipulagningu þessa tölublaös fram undir lokaundirbúning.
Sendið inn fréttir. Ritnefnd vill hvetja alla organista til að senda inn frétt-
ir af starfinu hjá sér, sérstaklega nú þegar tími aðventu og jólatónleika fer
að ganga í garð og undirbúningur kominn í fullan gang. Næsta blað kemur
væntanlega út í nóvember (unnið í október) og væri þá gaman að geta birt
lista yfir væntanlega desember tónleika í flestum kirkjum. Jafnt í þéttbýli
sem dreifbýli. Gerum blaðið okkar að góðri sagnfræðilegri heimild um
kirkjulistarstarf i landinu og gefum öðrum kost á að vita hvað við erum að
gera og okkur á að vita hvað hinir eru að gera. I síðasta blaði láðist að geta
um heimilsföng ritnefndar og biðjum við velvirðingar á þessum byrjenda-
mistökum okkar.
í sambandi við röð á fréttum tókum við þá stefnu að hafa prófastsdæmin
í sömu röð og gert er bæði hjá söngmálastjóra og biskupsstofu, það er að
byrja á Múlaprófastsdæmi og halda síðan suður með ströndinni og vestur
með suðurströndinni og áfram þar til endað er í Þingeyjarprófastsdæmi.
Gömul blöð. Nú er unnið aö talningu og flokkun allra þeirra eintaka sem
eru til á lager. Því miður eru sum tölublöð alveg uppurin en mismikið til af
öðrum tölublöðum (allt frá nokkrum eintökum upp í nokkur hundruð). Rit-
nefnd vill hvetja alla þá sem áhuga hafa á að fá eldri tölublöð að hafa sem
fyrst samband við undirritaðan (skriflega) og panta. Ég hef ákveðið að
geyma fyrstu pantanirnar til 25. september og númera þær jafnóðum
og þær koma inn og afgreiða þær svo í þeirri röð sem póststimpill
segir til um dagsetningu pöntunar. Eftir 25. sept. 1991 verða pantanir
afgreiddar jafnóðum og þær berast. Þessi tilhögun er höfð á til þess að
hlutlaus úthlutun fari fram á þeim tölublöðum sem aðeins telja örfá eintök.
Ekki er um að ræöa að neinn geti fengið öll áðurútgefin tölublöð Organista-
blaðsins, því eins og áður sagði eru sum tölublöð alveg uppurin. Verðið
hefur ekki verið ákveðiö en ég á ekki von á öðru en að því verði mjög stillt
í hóf. Pantanir verða afgreiddar og sendar í póstkröfu.
Afmælis og minningargreinar. Nokkrir organistar hafa átt stórafmæli
að undanförnu. Nokkrar afmælisgreinar bíða því birtingar í næsta blaði svo
og nokkrar minningargreinar.
Efnisyfirlit. Sú stefna var tekin á fyrstu árum Organistablaðsins að gefa
út efnisyfirlit yfir hverja fimm árganga og hefur svo verið síðan. Ýmist hafa
þessi yfirlit verið gefin út sérstaklega eða felld inn í tölublað (5. árg. 3.tbl.).
Undirritaöur vinnur nú að efnisyfirliti fyrir árganga 16-20, og vonast til að
geta sent það út með næsta blaði.
Kær kveðja
Jón Ólafur Sigurðsson
ORGANISTABLAÐIÐ 29