Morgunblaðið - 01.06.2010, Síða 4

Helgi Bjarnason
helgi@mbl.is
Óvíst er hvort samstaða næst um
samstjórn allra flokka í bæjarstjórn
Norðurþings. Farið var yfir helstu
mál á fundi flokkanna í gær. Þar kom
fram að fulltrúi Vinstrihreyfing-
arinnar – græns framboðs vildi ræða
áform um virkjun og stóriðju í ná-
grenni Húsavíkur í sínum hópi áður
en haldið yrði áfram.
Meirihluti Framsóknarflokks og
Sjálfstæðisflokks hélt í bæjarstjórn
Norðurþings, Framsókn bætti við
sig manni og hefur fjóra fulltrúa en
Sjálfstæðisflokkurinn tapaði manni
til Þinglistans sem fyrrverandi bæj-
arfulltrúi flokksins leiddi og hefur D-
listinn tvo fulltrúa. Samfylking og
VG eru með sinn manninn hvor
flokkur.
Framsóknarflokkurinn ákvað að
kanna möguleika á samstjórn allra
flokka. „Ég heyrði það á fólki í kosn-
ingabaráttunni að það vildi að sveit-
arstjórnin reyndi að vinna eins vel
saman og hægt væri. Við vildum
verða við því kalli,“ segir Gunnlaugur
Stefánsson, oddviti framsókn-
armanna. Hann vonast til að fulltrúi
VG komi sem fyrst að borðinu með
hinum framboðunum. Víða eru hafn-
ar formlegar eða óformlegar við-
ræður um myndum nýrra meirihluta.
Framsókn í lykil-
stöðu í Ölfusi
Meirihluti Sjálfstæðisflokksins í
bæjarstjórn Ölfuss klofnaði undir lok
kjörtímabilsins og nú fékk sér-
framboð undir merkjum A-listans
tvo fulltrúa eins og flokksframboðið.
Framsóknarflokkurinn er einnig
með tvo fulltrúa. Hafnar eru við-
ræður á milli fulltrúa Framsókn-
arflokksins og A-listans um mögu-
leika á myndun meirihluta í
bæjarstjórn. Sveinn Steinarsson,
oddviti framsóknarmanna, reiknar
með að málið skýrist í dag eða á
morgun.
Meirihluti Framsóknarflokks og
Samfylkingar í sveitarstjórn Skaga-
fjarðar hélt velli. Viðræður
eru hafnar um endurnýj-
un samstarfsins. Stefán
Vagn Stefánsson, odd-
viti framsóknarmanna,
segir það eðlilegt fyrsta
skref að ræða við Sam-
fylkinguna og
kanna mögu-
leikana.
VG hikar vegna stóriðju
 Viðræður hafnar um „þjóðstjórn“ í Norðurþingi  Víða lögð drög að samvinnu
 Sjálfstæðismenn ræða ekki saman í Ölfusi  B og S í viðræðum í Skagafirði
Reykjavík
Æ
Viðræður um meirihlutamyndun, formlegar og óformlegar
S
Kópavogur
S
V
X
Y
Hafnarfjörður
S
V
Grindavík
B
D
Ölfus
B
A
Fjarðabyggð
D
B
Fljótsdalshérað
B
Á
Norðurþing
B
D
S
V
Fjallabyggð
S
B
Skagafjörður
B
S
Ísafjarðarbær
D
B
Borgarbyggð
B
S
V
Akranes
S
B
V
Þ
(Allir)
4 FréttirINNLENT
MORGUNBLAÐIÐ ÞRIÐJUDAGUR 1. JÚNÍ 2010
Sigrún Björk
Jakobsdóttir,
oddviti Sjálf-
stæðisflokksins á
Akureyri, hefur
ákveðið að víkja
sem oddviti
flokksins. Ólafur
Jónsson tekur
sæti hennar í
bæjarstjórn. Í yf-
irlýsingu frá í
gær segist Sigrún gera þetta í ljósi
mikil fylgistaps flokksins í kosning-
unum á laugardag, en flokkurinn
fékk aðeins einn mann kjörinn,
hafði fjóra. Formaður fulltrúaráðs
sjálfstæðisfélaganna á Akureyri
hefur einnig sagt af sér.
Sigrún hættir sem
oddviti á Akureyri
Sigrún Björk
Jakobsdóttir
Hjálmar Sveins-
son, sem skipaði
fjórða sæti á lista
Samfylkingar-
innar í Reykja-
vík, ætlar ekki að
víkja af listanum.
Hjálmar sagði í
kosningasjón-
varpi RÚV að
hann myndi taka
sér tíma til að
meta stöðuna að lokum kosningum
eftir tap Samfylkingarinnar í borg-
inni. Hann segir að fjölmargir hafi
hvatt hann til að halda sæti sínu á
listanum og verða þar með fyrsti
varaborgarfulltrúi.
Tekur fjórða sætið
sem varamaður
Hjálmar
Sveinsson
Steinunn Valdís
Óskarsdóttir
sagði í gær af sér
þingmennsku.
Hún ávarpaði
þingmenn við
sama tækifæri og
hvatti þingheim
til að taka til
endurskoðunar
vinnubrögð og
vinnulag.
„Þeirra sem starfa í stjórnmálum,
bíður vandasamt verkefni. Það felst
í að gera þær umbætur í samfélag-
inu, sem líklegar eru til að lækna
sárin sem hrunið hefur valdið. Til
að svo megi verða þarf víða að
brjóta odd af oflæti og leita eftir
megni að því sem sameinar okkur
sem manneskjur fremur en því sem
sundrar,“ sagði Steinunn Valdís.
Vinnubrögð verði
endurskoðuð
Steinunn Valdís
Óskarsdóttir
Baldur Arnarson
baldura@mbl.is
Óhætt er að segja að Framsóknar-
flokkurinn logi stafnanna á milli í
borginni.
Flokkurinn nánast þurrkaðist út,
fékk aðeins 2,7% atkvæða, og skýrði
Einar Skúlason, oddviti flokksins,
útkomuna meðal annars með því að
bandamenn forvera hans, Óskars
Bergssonar, hefðu ekki stutt kosn-
ingabaráttuna.
Mikil sárindi urðu í kjölfar odd-
vitaskiptanna í haust en þrátt fyrir
það telur Óskar gagnrýni Einars á
flokksbræður sína ósanngjarna.
Margir sem höfðu ekki
trú á framboði Einars
„Ummælin eru ósanngjörn gagn-
vart þeim sem studdu Einar í barátt-
unni. Hins vegar verður að segjast
að það voru margir sem höfðu ekki
trú á framboðinu eftir oddvitaskipt-
in.“
Óskar telur jafnframt að Einar
hafi beitt óeðlilegum aðferðum til að
ná oddvitastöðunni en hann hafi þá
verið skrifstofustjóri þingflokksins.
„Það er ekki rétt hjá Einari að
þetta hafi verið prófkjör. Þetta var
kjörfundur þar sem við áttum ekki
von á því að það yrði barist um odd-
vitasætið. Við ákváðum að halda
kjörfund þar sem við hleyptum öll-
um flokksbundnum félagsmönnum
að til að raða á listann og undirbúa
málefnaskrána fyrir vorið. Við ætl-
uðum að hafa tíma fyrir okkur.
Hans framboð kom í rauninni ekki
fram fyrr en kjörskráin var lokuð.
Þannig að ég hafði aldrei tök á að
safna liði á móti honum. Því var ekki
um raunverulegt prófkjör að ræða
heldur var þetta kjörfundur sem
endaði með allt öðrum hætti en lagt
var upp með,“ segir Óskar.
Guðni Ágústsson, fyrrverandi for-
maður Framsóknar, er ekki í vafa
um að harðvítug prófkjörsbarátta
Einars Skúlasonar og lokaðrar klíku
í flokknum á bandi hans hafi skaðað
flokkinn í sveitarstjórnarkosningun-
um.
Uppskáru eins og þeir sáðu
„Þegar menn hiklaust í lokuðu og
vitlausu prófkjöri slátra sínum besta
manni, þá uppskera þeir með þess-
um hætti. Óskar friðaði Reykjavík af
miklum átökum sem voru og þeim
var að ganga það mjög vel, honum og
Hönnu Birnu Kristjánsdóttur.
Þetta eru afleiðingarnar af því
áfalli að fórna honum, fyrst og
fremst. Þetta var aðför að manni í
lokuðu prófkjöri sem var varla lög-
legt, alla vega siðlaust. Ég heyrði um
það talað að á 12. stundu hefði klíkan
á bandi Einars Skúlasonar komið
með 200-300 nöfn og menn áttu eng-
ar varnir,“ segir Guðni sem telur
flokkinn þurfa að skerpa línurnar til
að laga stöðuna á landsvísu.
Reykvíkingar létu
glepjast af lýðskrumi
Guðni harmar að kjósendur í
borginni skuli hafa látið glepjast af
lýðskrumi og „Silvíar Nótt-heil-
kenni“, þar sem verið sé að hæðast
að áhorfandanum án þess að hann
átti sig á því.
„Ég hef trú á því að Jón Gnarr sé
að búa til heimskvikmynd um það
þegar aulinn hertekur heila borg. Ég
held að hann sé að leika. Hann er
borgarlistamaður og hefur fengið
peninga til að gera kvikmynd og hún
snýst um það þegar aulinn tekur
borg og verður borgarstjóri.
Hann er miklu greindari og snjall-
ari maður en hann birtist í viðtals-
þáttum. Honum datt aldrei í hug að
hann næði þessum árangri.“
Framsókn gekk klofin út á vígvöllinn
 Einar Skúlason sakaður um óheilindi í oddvitaslag Framsóknar  Fyrrverandi formaður Fram-
sóknar telur flokkinn hafa „slátrað sínum besta manni“ í borginni  Telur Jón Gnarr vera í gamanmynd
Óskar Bergsson Guðni Ágústsson
„Ég nenni ekki að sitja í minni-
hluta. Ef maður tapar þá fer
maður út,“ segir Ólafur Rögn-
valdsson sem hættir í bæj-
arstjórn Snæfellsbæjar nú að
loknum kosningum eftir 28 ára
samfellda setu í sveitarstjórn
Neshrepps og Snæfellsbæjar, all-
an tímann í meirihluta. Ólafur
hættir þó ekki vegna þess að
hann hafi fallið því hann gaf
ekki kost á sér til endurkjörs en
Rögnvaldur sonur hans tók við
baráttusætinu og Sjálfstæðis-
flokkurinn vann mikinn meiri-
hluta.
Ásbjörn Óttarsson
þingmaður hætti
einnig, eftir 15 ára
starf.
Minnihlutinn lagði
mikið undir.
Magnús Stef-
ánsson,
fyrrverandi alþingismaður og
ráðherra, var í baráttusæti lista
hans og bæjarstjóraefni. Sjálf-
stæðismenn fengu tæp 60% at-
kvæða og J-listinn rúm 40%.
Kristinn Jónasson verður því
áfram bæjarstjóri.
Hlutirnir snerust við í Stykkis-
hólmi. Þar náði L-listinn meiri-
hlutanum sem Sjálfstæðisflokk-
urinn hefur haft samfellt í 36 ár.
Munaði sex atkvæðum.
„Þetta er góð tilfinning og
gaman að fá að spreyta sig á
þessu frá hinni hliðinni,“ segir
Davíð Sveinsson, bæjarfulltrúi L-
listans, sem hefur átt sæti í
bæjarstjórn í 20 ár og allan tím-
ann í minnihluta.
Hann segir að eitt helsta
tromp listans hafi verið að stilla
ungri konu, Gyðu Steinsdóttur,
upp sem bæjarstjóraefni.
helgi@mbl.is
Reynslubolti hættir eftir 28 ár
ÓLÍKT HLUTSKIPTI FRAMBOÐANNA Á SNÆFELLSNESI
Davíð
Sveinsson
Ólafur
Rögnvaldsson
„Auðvitað hef-
ur maður
áhyggjur af því
að fylgið sé
ekki meira. Við
fengum um tíu
prósenta fylgi í
alþingiskosn-
ingunum í vor,
hér í borginni.
Auðvitað hlýtur maður fyrst og
fremst að skoða þá tölu og
stefna að því að jafna árang-
urinn í alþingiskosningunum
og bæta við,“ sagði Einar
Skúlason, oddviti Framsóknar í
borginni, í samtali við Morg-
unblaðið 4. des. sl. Annað kom
á daginn.
Stefndi hátt
BROSTNIR DRAUMAR
Einar
Skúlason