Fréttablaðið - 06.10.2011, Blaðsíða 30
6. október 2011 FIMMTUDAGUR30
Ástkær móðir okkar, tengdamóðir,
amma og langamma,
Margrét Björnsdóttir
Blöndal
frá Siglufirði,
andaðist að morgni 28. september á St. Franciskus-
spítalanum í Stykkishólmi. Jarðarförin fer fram frá
Grafarvogskirkju föstudaginn 7. október kl. 13.00.
Ólöf Birna Blöndal Sveinn Þórarinsson
Jósep Ó. Blöndal Erla Harðardóttir
Ásbjörn Ó. Blöndal Jóhanna Guðmundsdóttir
Sigurður Ó. Blöndal Linda Björk Guðmundsdóttir
Guðrún Ó. Blöndal Friðrik Jón Arngrímsson
ömmubörn og langömmubörn.
MOSAIK
Hjartkær eiginmaður minn, faðir,
tengdafaðir, afi og langafi,
Sverrir Sigurðsson
Svavarsson
Suðurgötu 18b, Sauðárkróki,
lést á heimili sínu þriðjudaginn 27. september 2011.
Útförin fer fram frá Sauðárkrókskirkju laugardaginn
8. október n.k. kl. 11.00.
Sigrún G. Halldórsdóttir
Magnús Sverrisson Ásta P. Ragnarsdóttir
Jóhann M. Sverrisson Leidy Karen Steinsdóttir
Halldóra Ragna Einarsdóttir Gunnlaugur Eiðsson
Gísli Arnar Elínarson
barnabörn og barnabarnabörn.
Eiginmaður minn og faðir okkar,
Ólafur Pálsson
verkfræðingur,
Brekkugerði 4,
andaðist á hjúkrunarheimilinu Eir þriðjudaginn
4. október.
Anna Sigríður Björnsdóttir
Björn Ólafsson
Sigríður Ólafsdóttir
Marta Ólafsdóttir
Unnur Ólafsdóttir
Páll Ólafsson
Kjartan Ólafsson
Sveinn Ólafsson
timamot@frettabladid.is
Á morgun, föstudaginn 7. október,
mun Stöð 2 vera með beina söfnun-
arútsendingu frá Listasafni Íslands í
samstarfi við SEM samtökin, Samtök
endurhæfðra mænuskaddaðra. Safnað
verður fyrir viðgerðum á húsnæði sem
þjóðin gaf SEM samtökunum árið 1989
í söfnunarútsendingu sem jafnframt
var sú fyrsta í sjónvarpssögunni hér-
lendis. Nauðsynlegar viðgerðir á hús-
inu eru orðnar aðkallandi en það ligg-
ur undir skemmdum. Áhugahópur um
bætta umferðarmenningu tekur þátt í
söfnuninni en meðlimir hópsins stóðu
að söfnuninni árið 1989.
„Þegar ég slasaðist árið 1980 bjó ég
á Grenivík og starfaði sem sjómaður,“
segir Víðir Þorsteinsson en afleiðingar
umferðarslyss fyrir Víði voru þær að
hann lamaðist fyrir neðan brjóstkassa.
Víðir starfar sem hugbúnaðarsérfræð-
ingur hjá HugurAx og hefur gert í 30
ár. Hann var fyrsti íbúi húsnæðisins að
Sléttuvegi 3 og starfaði um tíma sem
formaður SEM.
„Eftir að hafa dvalið á Borgarspítal-
ann fór ég á Grensásdeild þar sem ég
var í endurhæfingu í eitt og hálft ár. Þá
flutti ég aftur á Grenivík en var aðeins
í mánuð. Það kom fljótt í ljós að það var
ómögulegt fyrir mig að vera þar því
aðgengið var ekki til staðar og mikill
snjór.“ Þegar Víðir kom í bæinn fékk
hann pláss í húsnæði Sjálfsbjargar, í 10
fermetra herbergi, þar sem hann dvaldi
í átta ár. Þar kynntist hann eiginkonu
sinni en hún bjó sjálf á Fálkagötu. Þá
voru aðstæður þannig að Víðir fékk
hjálp lögreglunnar við að heimsækja
hana, sem bar hann upp á aðra hæð þar
sem hún bjó. „Ég var góðkunningi lög-
reglunnar,“ segir Víðir og brosir. Þegar
Víðir fékk íbúð í SEM-húsinu fluttu þau
hjónin inn ásamt þá tveggja ára syni
sínum, Friðjóni Víðissyni.
„Við fluttum inn árið 1991, um leið
og þeir hleyptu okkur inn. Þetta breytti
öllu. Strákurinn okkar fékk sitt eigið
herbergi í þriggja herbergja íbúð. Ég
var heppinn og hef alltaf getað unnið
og eftir tíu ár vorum við búin að ná að
safna okkur fyrir eigin húsnæði. Það
eru ekki allir það heppnir að geta unnið
eftir mænuskaða og íbúar hússins þurfa
á því að halda að húsnæðið sé lagfært.“
Víðir segir andrúmsloftið hafa verið
afar gott í húsnæðinu og öll aðstaða létt
fjölskyldunni lífið sem og öðrum íbúum
hússins. Hins vegar komu gallar á hús-
næðinu sjálfu fljótt í ljós. „Skemmdir
komu fljótlega í ljós og það fór strax
að vera kostnaður við að laga svalir og
annað. Eftir að ég flutti í burtu og kom
í heimsókn eftir dálítinn tíma fékk ég
algert sjokk yfir að sjá hvað húsið var
illa farið og nokkrar íbúðir hreinlega
óíbúðarhæfar.“
Þeir sem lenda í alvarlegum slysum
og hljóta mænuskaða búa sjaldnast
í húsnæði sem hentar hjólastólum.
„Maður veit aldrei hvað gerist. SEM
samtökin eru ein af fáum samtökum
þar sem við vonumst eftir að fá sem
fæsta meðlimi í en það veit enginn hvað
gerist hjá manni sjálfum eða fjölskyldu-
meðlimum. Áður fyrr voru þetta bara
umferðarslys en sumir íbúar SEM húss-
ins hafa lent í hestaslysi, skíðaslysum
og slasast í sundlaugum þótt flestir séu
lamaðir eftir umferðarslys.
Þarna er frábær aðstaða svo sem bíl-
skýli með aðgengi beint í lyftu en það
þarf að gera húsið þannig að íbúum líði
vel í því.“
Víðir skorar á þá sem lent hafa í
slysum og lamast að hafa samband við
SEM samtökin sem séu boðin og búin
til að létta undir með fólki og svara
spurningum og aðstoða.
Í útsendingu föstudagskvöldsins geta
landsmenn hringt beint inn í söfnunina
eða gefið ákveðna upphæð með því að
hringja í símanúmer og verður þá til-
tekin upphæð skuldfærð á símreikning
viðkomandi. juliam@frettabladid.is
LANDSSÖFNUN Í BEINNI ÚTSENDINGU: FYRIR VIÐGERÐUM Á SEM-HÚSINU
Mikilvægt svo íbúum líði vel
ILLA FARIÐ „Skemmdir komu fljótlega í ljós og það fór strax að vera kostnaður við að laga svalir
og annað. Eftir að ég flutti í burtu og kom í heimsókn eftir dálítinn tíma fékk ég algert sjokk við
að sjá hvað húsið var illa farið og nokkrar íbúðir hreinlega óíbúðarhæfar,“ segir Víðir Þorsteins-
son, fyrsti íbúi SEM-hússins. FRÉTTABLAÐIÐ/VILHELM
Merkisatburðir
1659 Hollenskt kaupskip sekkur í höfninni í Flatey á Breiðafirði.
1863 Stofnað er félag til að byggja sjúkrahús í Reykjavík. Konur
safna fyrir sjúkrahúsinu, sem tekur til starfa við Aðalstræti
árið 1866.
1895 Vígt er samkomuhús Hjálpræðishersins í Reykjavík. Húsið
er gamli spítalinn við Aðalstræti.
1919 Lög sett um stofnun Hæstaréttar á Íslandi. Hann tekur til
starfa um miðjan febrúar 1920.
1942 Húsmæðrakennaraskóli Íslands tekur til starfa undir stjórn
Helgu Sigurðardóttur.
1961 Minnst er hálfrar aldar afmælis Háskóla Íslands og er
Háskólabíó vígt við það tækifæri. Þar var lengi stærsta bíó-
tjald í Evrópu, um 200 fermetrar.
BRITT EKLAND leikkona er 71 árs.
„Hinn fullkomni maður er ekki til. Það er auð-
veldara að finna sér góðan eiginmann.“
Á þessum degi árið 1979 varð Jóhannes Páll
páfi II fyrstur páfa til að stíga fæti inn í Hvíta
húsið í Washington. Fundur hins 39. forseta
og 264. rómverska páfa vakti nokkra athygli
en í tvö hundruð ára sögu Bandaríkjanna
höfðu fáir stjórnmálamenn viljað láta bendla
sig við kaþólsku kirkjuna opinberlega.
Um fjörutíu þúsund manns komu saman
til að berja páfann augum þegar hann hélt
messu fyrir um þúsund presta við dómkirkju
St. Matthews áður en hann hélt til Hvíta
hússins þar sem hann dvaldi síðasta daginn
af ferðalagi sínu um sex bandarískar borgir.
Carter forseti ávarpaði páfann á móðurmáli
hans, pólsku. Þá biðluðu þeir til heimsins
um kjarnorkuafvopnun og aukna hjálp til
þróunarlanda. Athöfnin fór friðsamlega fram
en hálfum tíma fyrir heimsókn páfa var
maður handtekinn sem hafði í fórum sínum
þrjár byssur og hníf.
Páfinn hitti Carter forseta á ný ári síðar
og það ár bauð hann Elísabetu Englands-
drottningu velkomna í Vatíkanið. Árið 1998
hafði Jóhannes Páll páfi annar heimsótt yfir
hundrað lönd og farið hringinn í kringum
hnöttinn 27 sinnum.
ÞETTA GERÐIST: 6. OKTÓBER 1979
Páfinn í Hvíta húsinu
71
Sindri Freysson hlaut í gær Bókmenntaverðlaun Tóm-
asar Guðmundssonar fyrir ljóðahandritið Í klóm dala-
læðunnar. Jón Gnarr, borgarstjóri í Reykjavík, afhenti
Sindra verðlaunin við hátíðlega athöfn í Höfða.
Í umsögn dómnefndar segir meðal annars að Í klóm
dalalæðunnar sé „full af sprengikrafti hugmynda, sjón-
arhorna og myndmáls, en hún stígur ekki fram með
þann kraft sem skjöld sinn heldur leyfir honum að lifa
á bakvið orðin. Þaðan kemur hin mikla vigt bókarinnar
– í því hversu ríkulega lesandinn sjálfur fær að seilast í
skilninginn upp á eigin spýtur.“ Alls bárust 52 handrit að
þessu sinni en í Í dómefnd sátu Davíð Stefánsson, Bragi
Ólafsson og Ingibjörg Haraldsdóttir.
Í verðlaun hlýtur Sindri 600 þúsund krónur en Í klóm
dalalæðunnar kom út á bók á vegum Veraldar í gær.
Sindri Freysson er fæddur árið 1970. Fyrsta skáldsaga
hans, Augun í bænum, kom út 1998, en einnig liggja eftir
hann verk á borð við Flóttann og Sögu mæðra minna.
Sindri sendi síðast frá sér Ljóðveldið Ísland, þar sem
hann túlkaði sögu íslenska lýðveldisins frá upphafi til
hrunsins í ljóðformi.
Sindri hlaut verðlaun Tómasar
VERÐLAUNAHAFI Jón Gnarr, borgarstjóri Reykjavíkur, afhenti Sindra
Freyssyni Bókmenntaverðlaun Tómasar Guðmundsssonar.