Fréttablaðið - 16.12.2011, Side 74

16. desember 2011 FÖSTUDAGUR54
BÓK FYRIR ÞÁ SEM LESA EITTHVAÐ
KATTARGLOTTIÐ, fyrsta smásagnasafn
Benedikts Jóhannessonar, er komið út. Bókin
hefur vakið nokkra athygli enda sést hér ný hlið
á Benedikt sem hefur um árabil skrifað greinar í
blöð og tímarit. Sögurnar fjórtán eru af ýmsu tagi
og eiga nánast það eitt sameiginlegt að vera stuttar.
Þó má segja að margar söguhetjur lendi í óþægi-
legri aðstöðu sem þær basla við að koma sér útúr
með misjöfnum árangri.
Á nánast hverri síðu leynist lítil moli sem hægt
er að velta fyrir sér og hafa gaman af. Lesendur
hafa lýst því að þeir hafi skellt upp úr við lesturinn
meðan aðrir kíma í hljóði. Sumar sögurnar hafa
sakleysislegt yfirbragð en grunsemdir vakna um
að ef til vill búi eitthvað dýpra að baki.
Stundum er sögusviðið Reykjavík nútímans, en í öðrum sögum er komið við í Stokkhólmi
og New York sem og ókennilegum stöðum sem erfitt er að festa hönd á hvar eru.
HEIMUR HF. Borgartún 23, 105 Reykjavík. Sími: 512 7575
Robert Downey Jr. segist ekki
vera aðdáandi framhaldsmynda
þrátt fyrir að hafa leikið í Iron
Man 2 og Sherlock Holmes: A
Game of Shadows, sem er á leið-
inni í bíó. „Mér finnst leiðin-
legt að segja það en venjulega
eru framhaldsmyndir leiðin-
legar, en þessi er það þó ekki,“
sagði hann. Guy Ritchie leik-
stýrir framhaldsmyndinni eins
og þeirri fyrri og Downey segir
að honum hafi tekist enn betur
upp en síðast. „Þetta er spennu-
og ævintýramynd en grínið er
aldrei langt undan, sem er alltaf
skemmtilegt.“
Ekki hrifinn
af framhaldi
LEIKA SAMAN Robert Downey Jr. ásamt
mótleikara sínum í Sherlock Holmes,
Jude Law.
„Okkur var tilkynnt það um dag-
inn að við værum að fá okkar
fyrstu gullplötu. Seint koma
sumir,“ segir Stephan Stephen-
sen, eða President Bongo, liðs-
maður GusGus.
Þrátt fyrir að hafa verið starf-
andi síðan 1995 og selt plötur
sínar í yfir hálfri milljón eintaka
úti í heimi samanlagt fékk hljóm-
sveitin GusGus sína fyrstu gull-
plötu hérlendis afhenta í gær.
„Þetta er rosalega gaman,“ segir
Stephan. „Við höfum selt yfir 200
þúsund af einni plötu úti en hérna
heima er kúrfan öfug.“
Aðspurður segist Stephan vera
mjög ánægður með nýju plötuna
Arabian Horse, sem hefur selst í
yfir fimm þúsund eintökum hérna
heima og var nýlega tilnefnd til
Norrænu tónlistarverðlaunanna.
„Það er mjög skemmtilegt hvern-
ig þetta small allt saman, hverj-
um sem það er nú að þakka.“
Hljómsveitin heldur tónleika á
Nasa á laugardagskvöld. Högni
Egilsson stígur á svið með sveit-
inni, en hann er nýkominn til
landsins eftir að hafa samið tón-
list fyrir leikritið Hróa hött í
London síðustu vikur.
„Það er gott að sjá strákinn
aftur. Það er æðislegt að vera
með svona ungan fola í bandinu.“
Húsið verður opnað kl. 21 og mun
DJ Margeir spila í einn og hálfan
tíma. Stundvíslega kl. 22.30 stíg-
ur GusGus á svið og lofar Stephan
hörkustemningu. „Við erum fun-
heit og vel smurð.“
- fb
16 ára bið GusGus
eftir gullplötu á enda
LOKSINS Hljómsveitin GusGus fékk loksins afhenta sína fyrstu gullplötu í gær.
FRÉTTABLAÐIÐ/ANTON
Kex Hostel hefur opnað listamönnum húsa-
kynni sín í desember og á þriðjudagskvöldið
var röðin komin að tónlistarmanninum Snorra
Helgasyni og rithöfundinum Óttari Norðfjörð
að deila verkum sínum. Margir lögðu leið sína
á Kex til að hlusta á Óttar lesa upp úr nýjustu
skáldsögu sinni Lygaranum og Snorra spila
ljúfa tóna frá plötu sinni Winter Sun.
MARGMENNI
Á KEXMAS
GÓÐIR GESTIR Ragnheiður Lárusdóttir, Helga Hafsteinsdóttir,
Alexander Jóhannesson og Sigurður Dagsson, fyrrverandi lands-
liðsmarkvörður, nutu kvöldsins.
GAMAN Þuríður Sölvadóttir og Berg-
sveinn Alfonsson mættu á Kexmas.
BROSANDI Ólafía Jónasdóttir og Sunna Lind Sima brostu til
ljósmyndara.
STUND MILLI STRÍÐA Þær Heiða
Helgadóttir og Diljá Ámundadóttir voru
að sjálfsögðu á Kex Hosteli, en Heiða
er einmitt systir Snorra Helgasonar tón-
listarmanns.
LISTAMENN Þeir Snorri Helgason og Óttar Norðfjörð tróðu upp fyrir áhorfendur á Kex Hosteli og eru hér
ásamt Kristjáni Frey Halldórssyni.
FJÖR Bryndís Björgvinsdóttir rithöfundur, Baddi úr hljómsveitinni
Jeff Who og Jón Þór Finnbogason skemmtu sér vel.
FRÉTTABLAÐIÐ/STEFÁN