Fréttablaðið - 21.12.2011, Síða 12

21. desember 2011 MIÐVIKUDAGUR12
Metal
Íslensk hönnun
Íslenskt handverk
Stefán Bogi gullsmiður
Metal design • Skólavörðustígur 2 • sími 552 5445
VIÐSKIPTI Framtakssjóður Íslands
(FSÍ) hélt eftir um 240 milljónum
krónum af eignum Húsasmiðjunn-
ar þegar hann seldi fyrirtækið til
dönsku byggingavörukeðjunnar
Bygma á mánudag. Samkvæmt upp-
lýsingum frá sjóðnum var þetta gert
til að tryggja skaðleysi hans fyrir
tveimur mögulegum skuldbinding-
um gagnvart íslenskum yfirvöldum
sem Húsasmiðjan stendur frammi
fyrir að þurfa mögulega að greiða.
Verði Húsasmiðjunni gert að greiða
skuldbindingarnar munu þær fyrst
dragast frá kaupverði Bygma, 800
milljónum króna. Ef það dugar
ekki til munu eignirnar sem FSÍ
hélt eftir fara upp í skuldina. Ann-
ars vegar snýst málið um mögulega
endurálagningu opinberra gjalda
vegna meintra skattalagabrota.
Hins vegar er um mögulega sekt
vegna meints samkeppnisbrots að
ræða.
Bygma keypti Húsasmiðjuna á
mánudag og á að greiða fyrir 800
milljónir króna í reiðufé ásamt því
að taka yfir 2,5 milljarða króna
skuldir fyrirtækisins. Í tilkynningu
frá FSÍ vegna sölunnar kom fram
að afrakstur sölunnar myndi renna
til eigenda sjóðsins í samræmi við
reglur hans og samþykktir. Þar
segir einnig: „ekki er á þessari
stundu ljóst hversu há sú upphæð
verður þar sem seljandi mun halda
eftir ábyrgð á tveimur mögulegum
skuldbindingum gagnvart íslensk-
um yfirvöldum, sem urðu til áður en
FSÍ eignaðist fyrirtækið“.
Heimildir Fréttablaðsins herma
að sú endurálagning gæti numið allt
að 700 milljónum króna.
Ástæðu endurálagningarinnar
má rekja til þess þegar félag í eigu
Árna Haukssonar og Hallbjörns
Karlssonar keypti Húsasmiðjuna
sumarið 2002 ásamt Baugi Group,
fjárfestingarfélagi í meirihlutaeigu
Jóns Ásgeirs Jóhannessonar og fjöl-
skyldu. Félagið hét Eignarhalds-
félag Húsasmiðjunnar ehf. Í byrjun
árs 2004 var það sameinað Húsa-
smiðjunni hf. með öllum eignum og
skuldum. Við það hækkuðu skuldir
Húsasmiðjunnar um 4,3 milljarða
króna.
Snemma árs 2005 seldu Árni og
Hallbjörn síðan eignarhluta sinn í
Húsasmiðjunni til nýstofnaðs félags
í eigu Baugs, Saxbygg og Fjárfest-
ingafélagsins Primus, sem var í eigu
Hannesar Smárasonar. Það félag
fékk sama nafn og félagið sem áður
hafði verið rennt saman við Húsa-
smiðjuna, Eignarhaldsfélag Húsa-
smiðjunnar ehf. Í mars 2006 var
það svo sameinað Húsasmiðjunni
hf. með öllum eignum og skuldum.
Við það hækkuðu skuldir Húsa-
smiðjunnar um 2,8 milljarða króna.
Samkeppniseftirlitið hefur verið
með meint samkeppnislagabrot
Húsasmiðjunnar, Byko og Úlfsins til
rannsóknar frá því í mars á þessu
ári. Fyrirtækin eru grunuð um ólög-
mætt verðsamráð við innflutning og
sölu á timbri og annarri grófvöru.
thordur@frettabladid.is
FSÍ hélt eftir 240 milljónum
til að borga sektir og gjöld
Framtakssjóður Íslands hélt eftir á þriðja hundrað milljóna króna af eignum Húsasmiðjunnar þegar hún var
seld til Bygma. Féð á að notast til að greiða endurálagningu skattayfirvalda eða sekt Samkeppniseftirlitsins
ef til þarf. Ekki er ljóst hversu mikið af kaupverðinu, 800 milljónum króna, mun renna til eigenda FSÍ.
HÚSASMIÐJAN Ef fyrirtækið þarf að borga sekt vegna samkeppnislagabrota sem hafa verið í rannsókn frá því í mars munu þær
greiðslur dragast frá kaupverði Bygma. FRÉTTABLAÐIÐ/PJETUR
LÖGREGLUFRÉTTIR
Jólagjöfum stolið
Brotist var inn í tvo bíla í Reykjavík
í fyrradag og jólagjöfum stolið úr
öðrum þeirra. Sem fyrr varar lög-
reglan eigendur og umráðamenn
ökutækja við því að skilja verðmæti
eftir í bílum. Sé það óumflýjanlegt
er mikilvægt að slíkir hlutir séu ekki í
augsýn.
SNÆÐA UNDIR JÓLAMYND Tveir
ávaxtasalar fá sér hádegismat undir
stórri jólaskreytingu í Hanoi, höfuð-
borg Víetnams. NORDICPHOTOS/AFP
NEYTENDUR Verð á jólamat hefur hækkað um allt
að 41 prósent síðan í fyrra. Þegar bornar eru
saman verðkannanirnar sem verðlagseftirlit ASÍ
gerði í desember í fyrra og desember í ár koma í
ljós tuga prósenta hækkanir í öllum vöruflokkum.
Til að nefna dæmi hefur verð á birkireyktu,
úrbeinuðu hangilæri frá SS hækkað um 41 pró-
sent hjá Hagkaupum, 39 prósent hjá Krónunni
og 27 prósent hjá Bónus. Hangilærið er á sama
verði og í fyrra hjá Samkaupum-Úrvali en hefur
lækkað í verði um 7 prósent hjá Nettó.
Þá hafa kartöflur í lausu hækkað um 39 prósent
hjá Nettó, 34 prósent hjá Nóatúni og 33 prósent
hjá Bónus. Tveggja lítra flaska af Egils appelsíni
hefur hækkað um 2 til 13 prósent frá því í fyrra,
mest í Samkaupum-Úrvali en minnst í Nettó.
Þær verðbreytingar sem hér eru birtar miðast
við breytingar á verði verslana milli verð-
kannana verðlagseftirlits ASÍ frá 12. desember
2011 og 20. desember 2010. Í tilkynningu frá ASÍ
segir að rétt sé að taka fram að mæld séu þau
verð sem gildi á hverjum tíma í verslunni og til-
boðsverð geti haft áhrif á verðbreytingar ein-
stakra vara.
- sv
Jólamaturinn hefur hækkað mikið í verði síðan í fyrra samkvæmt ASÍ:
Verð á hangilæri hækkar um 41%
JÓLAMATURINN Jólamaturinn hefur hækkað í verði um tugi
prósenta á milli ára, samkvæmt ASÍ. FRÉTTABLAÐIÐ/GVA
FILIPPSEYJAR, AP Yfirvöld á Filipps-
eyjum sendu í gær yfir 400 lík-
kistur til tveggja borga sem verst
urðu úti í flóðum í suðurhluta
Filipps eyja um helgina.
Samkvæmt nýjustu tölum voru
957 látnir og 49 leitað. Búist
er við að talan hækki enn eftir
því sem líkum er bjargað úr sjó
og eðju í borgunum Iligan og
Cagayan de Oro.
Líkhús bæjanna eru uppi-
skroppa með líkkistur og
formalín til lík smurningar.
Starfsfólk hjálparsveita hefur
kallað eftir vatni á flöskum,
teppum, tjöldum og fatnaði
handa fólki í yfirfullum neyðar-
miðstöðvum. Þar er talið að dvelji
allt að 45 þúsund manns. - óká
957 fundnir látnir eftir flóð:
Líkkistur og
formalín skortir
SORG Í ILIGAN Fólk grætur við fjölda-
útför sem fram fór í filippseysku
borginni Iligan í gærkvöld. FRÉTTABLAÐIÐ/AP
DÓMSMÁL Hæstiréttur hefur
þyngt dóm Héraðsdóms Norður-
lands eystra yfir Gesti Hrafnkeli
Kristmundssyni fyrir hrottalega
líkams árás ásamt öðrum manni.
Hæstiréttur dæmdi Gest í þriggja
ára fangelsi en héraðsdómur hafði
áður dæmt hann í tuttugu mánaða
fangelsi. Þá skal hinn dæmdi greiða
fórnar lambinu rúmar 1,5 milljónir
í skaðabætur.
Hinn árásarmaðurinn, Eyþór
Helgi Guðmundsson, var dæmd-
ur í tveggja og hálfs árs fangelsi í
héraðs dómi.
Mennirnir héldu fórnar lambinu,
sem þeir sögðu skulda sér allt að
milljón króna vegna fíkniefna-
viðskipta, föngnu frá klukkan 21 að
kvöldi sunnudagsins 9. ágúst 2009
þar til klukkan níu morguninn eftir.
Tvímenningarnir börðu manninn
ítrekað, spörkuðu í hann, tröðkuðu á
honum og hótuðu honum. Þeir vöfðu
kaðli um háls hans og hertu að. Þá
börðu þeir hann með ryksuguröri og
smituðu hann af lifrarbólgu-C með
því að stinga blóðugri sprautunál í
eyrnasnepil hans.
Þeir niðurlægðu manninn með
ýmsu móti. Gestur neyddi hann til
að þrífa húsnæðið, meðal annars
baðherbergið þar sem hann lét
fórnar lambið sleikja salernis-
skálina.
Þá hótaði Gestur manninum og
ættingjum hans lífláti eða grófu
ofbeldi, léti hann ekki fjárhæðina
af hendi.
Maðurinn sem fyrir árásinni varð
hlaut mikla áverka við misþyrming-
arnar. Hann hefur áfallastreitu- og
félagskvíðaeinkenni sem verulega
há honum í daglegu lífi, að því er
fram kemur. Einnig segir að hann
sé óvinnufær og lítt virkur vegna
þeirra einkenna, en áfallastreitan
tengist líkamsárásinni. - jss
Hæstiréttur þyngdi verulega dóm Héraðsdóms Norðurlands eystra yfir ofbeldismanni:
Þyngdi refsingu eftir hrottalega handrukkun
HÆSTIRÉTTUR Þyngdi dóm héraðsdóms
verulega.