Morgunblaðið - 14.06.2011, Blaðsíða 10
10 DAGLEGT LÍF
MORGUNBLAÐIÐ ÞRIÐJUDAGUR 14. JÚNÍ 2011
Nú þegar sumarið er komið fara eig-
endur vélknúinna hjóla á stjá. Ef þú
ert einn þeirra, eða bara áhugamaður
um sportið, þá ætti motocross.is að
vera eitthvað fyrir þig. Á síðunni er
að finna mikið af gagnlegum upplýs-
ingum svo sem hvar má keyra, hve-
nær og hvar mótorkross-námskeið
eru haldin, keppnisdagatal og stað-
setning þar til gerðra hjólabrauta.
Jafnframt er töluvert magn skemmti-
legra mynda og tengla. Þá er mjög
öflugt spjallsvæði á síðunni, þar sem
spjallað er um allt sem tengist mót-
orkross. Síðan var stofnuð árið 1998
og hefur síðan þá vaxið mikið og er í
dag orðin öflugasti mótorkrossvefur
landsins. Vefurinn er í eigu Vélhjóla-
íþróttafélagsins Vík, sem er jafn-
framt stærsta akstursíþróttafélagið
á Íslandi. Endilega kíktu á þessa yf-
irgripsmiklu síðu um þessa skemmti-
legu hjólaíþrótt.
Vefsíðan www.motocross.is
Morgunblaðið/Sigurður Jökull
Stuð Margir fá mikla útrás með því að tætast um á stórum hjólum.
Vendi mínu kvæði í mótorkross
Skannaðu kóðann
til að fara inn á
vefsíðuna.
Áheitasöfnunarverkefnið „Meðan
fæturnir bera mig“ er nú í fullum
gangi en söfnuninni lýkur 16. júní.
Verkefnið gengur út á að tvenn hjón
hlaupa hringinn í kringum landið og
safna áheitum fyrir Styrktarfélag
krabbameinssjúkra barna. Hægt er
að leggja söfnuninni lið með því að
senda sms í símanúmerin 904-1001
fyrir 1000 kr., 904-1003 fyrir 3000
kr. eða 904-1005 fyrir 5000 kr. Þá er
hægt að stykja söfnunina með
greiðslukorti eða millifærslu á
mfbm.is. Í janúar 2010 greindist
þriggja ára sonur Sveins og Signýjar
með hvítblæði og hefur hann gengið í
gegnum strembna lyfjameðferð en er
í dag á batavegi. Þau hjónin ákváðu
að hlaupa hringinn í kringum landið
til styrktar krabbameinssjúkum
börnum og fengu í lið með sér vin-
ahjón sín. Í dag hlaupa kapparnir frá
Hvammstanga að Bifröst. Nánari
upplýsingar er að finna á mfbm.is.
Morgunblaðið/Árni Sæberg
Áheit Hlaupið til styrtar krabbamein-
sjúkum börnum.
Endilega …
Meðan fæturnir bera mig
Kristín Heiða Kristinsdóttir
khk@mbl.is
Þ
egar fólk rær þá tekst
það á við sjálft sig og
náttúruöflin. Það er
sterk upplifun að fara
út á bát og upplifa sig í
nýju umhverfi, takast á við vind
og öldur og þurfa að beita lík-
amanum á annan hátt en venju-
lega. Þetta er áskorun, að fara út í
eitthvað sem þú veist ekki alveg
hvernig mun vera. Fólk lærir nýja
hluti um sjálft sig og getur meira
en það heldur. Fólk kemur í land
skælbrosandi og margir eru hissa
á hversu auðvelt þetta er. Þetta er
tilfinningaleg og andleg áskorun,“
segir Óttarr Hrafnkelsson,
starfsmaður Sigluness, en þar
verður í sumar í fyrsta sinn boðið
upp á siglinganámskeið fyrir full-
orðna, 17 ára og eldri.
Þrjár vinnustöðvar um borð
„Foreldrar þeirra 300 barna,
sem við erum með á siglinga-
námskeiðum á hverju sumri,
spyrja mikið um slík námskeið
fyrir fullorðna og þetta er svar
okkar við því. Á fullorðinsnám-
skeiðunum getur fólk lært að sigla
á einni tegund af bát, hvort sem
það er skúta, seglbátur, kajak,
kanó eða vélbátur. Þeir sem velja
skútuna læra grunntökin í siglingu
á 8 metra langri seglskútu með
föstum kili en við erum líka með
námskeið á litlum eins manns
seglbátum með lausum kili. Á
seglskútunni eru að lágmarki
þrjár vinnustöðvar um borð, einn
stjórnar stýrinu, annar stjórnar
stórseglinu og einn stjórnar fram-
seglinu. Þetta þarf allt að vinna
Fólk getur meira
en það heldur
Í Siglunesi í Nauthólsvík er nú í fyrsta sinn boðið upp á siglinganámskeið fyrir
fullorðna. Fólk getur lært að sigla skútu, seglbát, kajak, kanó eða vélbát. Það er
tilfinningaleg áskorun að fara út á sjó og takast á við vatn og vind.
Seglskúta Hún er 8 metra löng með föstum kili og þrjá þarf til að stjórna.
Hið árlega sundnámskeið sunddeildar KR hefur verið fast-
ur liður í sumarstarfi KR í fjölda ára. Fyrsta námskeiðið af
fjórum byrjaði síðastliðinn mánudag með tilheyrandi gus-
um og gleði. Hvert námskeið stendur yfir í tvær vikur og
fer sundkennslan fram daglega. Námskeiðsgjald er 6500
kr. Þau námskeið, sem eftir eru, fara fram 20. júní, 4. júlí
og 8. ágúst. Teknir eru fimm hópar á hvert námskeið og
byrjar fyrsti hópurinn klukkan 09:00 og stendur hver
sundtími yfir í 40 mínútur. Hægt er að skrá sig í síma 690-
6500 eða með því að senda skilaboð á sund@kr.is. Þrír til
fjórir kennarar verða með hverjum hópi og þrír til fjórir
sundmenn úr KR í lauginni. Þetta er gert til þess að veita
börnunum sem besta leiðsögn og jafnframt til að gæta
fyllsta öryggis.
Þá er farið með börnunum í gegnum klefana þeim til að-
stoðar. Gríðarleg ásókn hefur verið í námskeiðin síðast-
liðin ár og fer því hver að verða síðastur að skrá sig. Nám-
skeiðin eru samstarfsverkefni sunddeildar KR, Íþrótta- og
tómstundaráðs Reykjavíkurborgar (ÍTR) og Sundlaugar
Vesturbæjar. Þeir sem lokið hafa sumarnámskeiðum fá
forgang á vetrarnámskeiðin sem sunddeild KR er einnig
með á sínum snærum.
„Það hefur verið mjög gott samstarf bæði við Sundlaug
Vesturbæjar og frístundaheimilin,“ segir Jóhannes Bene-
diktsson, formaður sunddeildar KR. „Foreldrar hafa byrjað
daginn á því að fara með krakkana niður í sundlaug og að
sundtíma loknum eru þeir sóttir af starfsmönnum frí-
stundaheimilanna.“
Nánari upplýsingar um sundnámskeið á vegum sund-
deildar KR er að finna á síðu deildarinnar: www.kr.is/sund.
Sundkennsla
Gusur og gleði á sundnámskeiðum KR
Morgunblaðið/Ásdís
Sund og sæla Þessar stúlkur skemmtu sér vel í Vest-
urbæjarlauginni eins og svo margir aðrir hafa gert í gegn-
um tíðina.
Skógarhlíð 18 • sími 595 1000 • www.heimsferdir.is
Birt með fyrirvara um prentvillu. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Bodrum Tyrklandi
21. júní í 11 nætur
Frá aðeins 129.800 með „öllu inniföldu“
Kr. 129.800 – 11 nætur með „öllu inniföldu“
Netverð á mann, m.v. 2 fullorðna og 1 barn, 2 - 11 ára á Hotel Bellacasa Hotel **** 21. júní í
11 nætur með öllu inniföldu.Verð m.v. gistingu í tvíbýli kr. 144.900
Góð gisting - Hotel Bellacasa ****
Heimsferðir bjóða frábært tilboð á allra síðustu sætunum í 11 nátta
ferð til Bodrum í Tyrklandi 21. júní. Í boði er frábært sértilboð á Hotel
Bellacasa **** með “öllu inniföldu” á ótrúlegum kjörum. Bellacasa er gott
og vel staðsett hótel í Gumbet sem býður fjölbreytta þjónustu og góðan
aðbúnað. Gríptu þetta einstæða tækifæri og skelltu þér í frábæra ferð til
Bodrum og njóttu lífsins á hreint ótrúlegum kjörum. Aðeins örfá herbergi
í boði - bókaðu strax!