Teningur - 01.10.1991, Blaðsíða 23

hvoru á til að eyða munnþurrkinum
eftir reykingarnar. Svo kom ég auga á
Palla og ég herti upp hugann og gekk
til hans. Ég var í vandræðum með
hvað ég ætti að segja, en svo bara
hrökk það útúr mér:
„Hæ,“ sagði ég, og rétti honum pel-
ann. „Þetta er vodki og kók.“
Palli var dálítið óöruggur fyrst, en
fékk sér svo sopa og það rösklega. Ég
spjallaði við hann og hann tók því svo
vel að ég var undrandi.
Þegar hann talaði fangaði hann at-
hygli mína svo gersamlega og ég
þurfti ekki einusinni að skilja orðin.
Ég bara stóð þarna og horfði og hlust-
aði á Palla einsog hann væri spenn-
andi kvikmynd.
„Komdu. Ég þarf að sýna þér sold-
ið,“ sagði ég loks, og benti Palla á að
fylgja mér.
Við gengum meðfram skólanum.
Bara að ganga við hliðina á Palla
nægði til að mér leið vel.
Við fórum fyrir hornið á skólanum
og ég benti Palla á að fylgja mér inní
lítið tveggja metra hátt þaklaust virki
sem upphaflega átti að vera ösku-
tunnugeymsla, en var óspart notað
sem úti-reykstofa. Ég hallaði mér að
veggnum og dró upp hasspípuna
mína. Palli stóð andspænis mér for-
vitinn uppfyrir haus einsog krakki.
„Viltu í pípu?“ spurði ég, og brosti
án þess að hafa ætlað mér það.
Palli hristi hausinn. „Nei. Ég reyki
ekki einusinni sígarettur.“ Hann rétti
fram höndina. „Má ég aðeins sjá?“
Ég rétti honum pípuna.
P Y N T I
„Þetta er sílúm,“ sagði ég. „Svona
hasspípur heita sílúm.“
Palli handlék pípuna einsog hún
væri dýrgripur.
„Ég skírði þessa,“ hélt ég áfram.
„Þegar ég er dán, þá heitir hún Dr.
Troublekiller en þegar ég er hress þá
heitir hún Dr. Feelgood."
Palli hló og ég var ánægður yfir því
að hafa komið honum til að hlæja.
„Hvað heitir hún núna?“ spurði
Palli.
„Ég veit það ekki,“ sagði ég og við
lilógum og ég vissi að nú var Palli orð-
inn vinur minn.
Ég dró svart filmubox uppúr vas-
anum og Palli rétti mér pípuna. Ég
hellti hassblöndunni úr boxinu í píp-
una og þjappaði.
„Ertu alveg viss um að þú viljir
ekki smá?“
„Já. Ég get ekki reykt. Ég myndi
bara hósta.“
Ég fýraði í pípunni og rétti Palla
pelann. Hann fékk sér nokkra sopa.
Ég fékk mér smásopa til að eyða
þurrkinum í munninum.
Ég var svo skakkur að allt umhverfis
mig iðaði einsog hlaup. Palli stóð
andspænis mér og ég fann vodkaþef-
inn af andardrætti hans. Ég tók um
axlirnar á honum og færði hann undr-
andi uppað veggnum. Svo tók ég
utanum hann og kyssti hann á munn-
inn og tungan dansaði inní munnin-
um á honum einsog fiðrildi. Ég fann
að þetta var í fyrsta sinn sem ég var í
raunverulegum faðmlögum og mér
varð Ijóst að ég myndi aldrei vilja
sleppa þessu taki. Ég hætti að hugsa.
GAMEISTARINN
Þá fann ég að Palli ýtti á axlirnar á
mér og ég kom til sjálfs mín, herti
takið utanum hann og kyssti hann
einsog óður um allt andlit. Hann
byrjaði að berjast um og ég lét hann
lausan. Hann starði á mig og ég varð
hræddur þegar ég sá undrunar- og ótta-
svipinn á andliti hans. Það var einsog
hann hefði sett upp grímu til að
hræða mig og andartak langaði mig til
að teygja höndina fram og rífa af
honum grímuna. Hann bara stóð
þarna og horfði á mig og sagði ekki
orð og ég fór allur að skjálfa einsog
mér væri ískalt og ég réð ekkert við
mig svo að ég settist uppvið vegginn.
' >
21