Eining - 01.01.1959, Blaðsíða 10
10
E I NING
i
E I N I N G
MánaöarblaS um bindindis- og menningarmál.
Ritstjóri og ábyrgðarmaður: Pétur Sigurðsson.
Blaðið er gefið út með fjárstyrk frá ríkinu og stórstúku íslands.
Öll bréf til blaðsins og ritstjórans skulu send í Pósthólf 982,
Reykjavík, en ekki til afgreiðslunnar, Suðurbraut 6, Kópavogi.
Síini blaðsins er 1 59 5G.
Árgangur blaðsins koslar 30 kr., en í lausasölu 3 kr. livert eintak.
Nýr áfangi
a* pp er runniS nýtt ár, nýr áíangi í lífi einstaklinga og
| þj’óða, nýr starfsdagur meS ný tcekifeeri. Á þá vel við að
semja nýja áœtlun, vinna ný heit og endurnýja hin
góðu áform, í trú á fyrirheit drottins um nýjan kraft með
hverjum nýjum degi,
Árið 1959 rann upp bjart — fagurt — hreint, fremur kalt,
Állt er þetta vel fallið til að vekja af dvala, vekja fögnuð og
þakklœti og eyða kveifarskap og drunga. — Gefi Guð öllum
mönnum ár friðar, farsœldar og nýrra og glcesilegra sigra á
öllu því, sem enn þjáir mannkynið. — Nýr heimur, farscelt
mannkyn skal stefnumark okkar vera. Minna heldur sálum
okkar ekki heitum. Ekkert minna getur látið hugsjónaeldinn
loga glatt. Ekkert minna getur magnað okkur til dáða.
Um leið og ég óska öllum kaupendum og lesendum Eining-
ar blessunar Guðs og farsceldar á nýja árinu, flyt ég þeim
innilegustu þakkir fyrir góð viðskipti, þau hafa aldrei verið
betri en á árinu sem leið.
Gleð ile gt nýtt ár.
Pétur Sigurðsson.
Ávarp fil þjóðarinnar
Þriðja þing Landssambandsins gegn áfengisbölinu haldið
í Reykjavík dagana 9. og 10. nóv. sl. vill vekja athygli allra
landsmanna á því ískyggilega ástandi í áfengismálum meðal
þjóðar vorrar, sem enn ríkir og í vaxandi mæli. Sífellt hæklca
þær upphæðir stórkostlega, sem þjóðin ver til áfengiskaupa,
og lítur út fyrir, að ekki verði langt að bíða, að sú fjárhæð
fari fram úr hálfu öðru hundraði milljóna króna á ári. Vantar
þá ekki orðið mikið á, að til áfengiskaupa fari þúsund krónur
á hvert mannsbarn á landinu, eða 5000 kr. á fimm manna
fjölskyldu, og sé meðtalið það fé, sem fer fyrir smyglað
áfengi, mun ekki fjarri sanni, að þessi sé áfengisskattur þjóð-
arinnar orðinn í dag, og þó ekki nema sá hluti hans, sem
greiddur er í peningum til að afla þess. Ótalið er’þá allt hið
gífurlega tjón, sem áfengið veldur með glötuðum vinnu-
stundum, slysum, sjúkdómum og beinni sóun efnisverðmæta
Allt er þetta þó aðeins ytra borð áfengisbölsins, og hitt enn
geigvænlegra, sem birtist í siðferðislegri upplausn, glataðri
heimilishamingju, glæpum og töpuðum manndómi. Þegar á V
allt þetta er litið, verður ekki ofmælt, enda mál margra vitr-
ustu manna meðal menningarþjóða, að áfengið sé sá versti
bölvaldur, sem nú herjar mannkynið, fyrir því má enginn
loka augum né varpa frá sér ábyrgðinni í þeirri sérgóðu
sjálfsblekkingu, að þetta sé honum óviðkomandi og gagns-
laust um það að fjasa. Sagan hefur sýnt, að áfengisnautnin
hefur komið heilum þjóðum á kné, og er enn að gegnsýkja
svo sumar þekktustu menningarþjóðir heims, að það veldur
leiðtogum þeirra mjög alvarlegum áhyggjum.
Hér þarf íslenzkt almenningsálit að rísa á móti voðanum, w
áðurenlengraverðurfariðáþessari braut.Þjóðin þarf að vakna
til meðvitundar um það, að það er hverjum manni vansæm-
andi að skerða vit sitt og heilbrigði með áfengisnautn. Hver
maður á að hafa gát á því, að sóa ekki dýrmætum fjármun-
um sínum og þjóðarinnar fyrir mannspillandi nautnalyf, og
verða um leið valdur að enn meiri sóun andlegra og efnis-
legra verðmæta. Hver þegn þjóðfélagsins er ábyrgur í þessu
efni gagnvart sjálfum sér og þjóðarheildinni. En um leið ber
að gera þær kröfur til ríkisvaldsins, að það gefi ekki spilling- ►*
unni undir fótinn með síaukinni sölu áfengra drykkja.
Stefna ber að því staðfastlega, að losa ríkissjóð við það
að vera háður tekjum af áfengisverzlun, með það takmark
í huga, að öll áfengisverzlun verði niður lögð. Jafnframt verð-
ur að gera þá kröfu til ríkisvaldsins, að það hagi ekki þannig
úthlutun erlends gjaldeyris, að leiði beinlínis til áfengis
smygls, eins og reynsla síðustu tíma bendir til. Og meðan
leyfð er lögleg meðferð áfengis í landinu, verður einnig að
krefjast þess, að stranglega sé gætt cillra lagafyrirmæla um *
þau efni, og hvergi séð í gegn um fingur við ólöglega áfengis-
sölu, heldur tekið með festu og vægðarlaust á öllum áfengis-
lagabrotum.
Þessum kröfum skýtur þingið til allra landsmanna, og
mælist til þess, að þeim verði sem víðast og oftast á lofti hald-
ið, ekki aðeins í samþykktum funda og félaga, heldur einnig
manna á milli af hverjum einstaklingi við öll tækifæri.
Heitir Landssambandið á alla Islendinga, sem sjá í hvert
óefni stefnir í þessum málum, að veita bindindismálinu lið- 4
sinni isitt og vinna að því að umskapa almenningsálitið
í þessum efnum.
Bindindið er mannsmótið fijálft. Bindindissöm þjóð er
sterk þjóð.
F. h. fráfarandi stjórnar
Björn Magnússon.
(prófessor)
STJÓRNI EKKI HINIR RÉTTLAtU HEIMINUM, ÞÁ STEYPA HINIR RANGLÁTU HONUM í GLÖTUN.