Vera - 01.04.1998, Blaðsíða 19

\
Verður allt nýtt?
Það gjörbreytir konum að ala barn, svo mjög að móðirin er allt
önnur manneskja en konan sem hún var fyrir þungun. Þetta er
rauði þráðurinn í nýrri bók bresku blaðakonunnar Kate Figes,
sem sjálf er tveggja barna móðir, „Life After Birth: Wbat Even
Your Friends Won't Tell You About Motherhood.” í viðtali við
Newsweek kveðst Figes sjálf hafa vaðið í villu og svíma um á-
hrif barnsburðar á konur, talið hann breyta litlu og því orðið
fyrir áfalli þegar hún eignaðist fyrsta barnið sitt. Figes rædi við
120 breskar mæður á átján mánuðum þegar hún vann að bók-
inni og allar höfðu þær sömu sögu að segja, fæðing barns gjör-
bylti lífi þeirra. Breytingin var sálfræðileg, líkamleg, féiagsleg
og ekki síst kynferðisleg. Allt var orðið nýtt. 1 bókinni rekur
Figes ný viðhorf til móðurinnar og ber þau saman við eldri við-
horf. Þá víkur hún einnig að þeim breytingum sem verða á lífi
karlmanns við að verða faðir, hve misvel þeim gengur að axla þá
ábyrgð sem föðurhlutverkið leggur þeim á herðar og rekur þær
breytingar sem verða iðulega í kynlífi og öðrum samskiptum
karls og konu þegar barn ryðst inní tilveru þeirra.
Byggt á Newsweek
Kona Jospin hvetur Frakkd
Sylviane Agacinski er þekktur rithöfundur og heimspekingur í
Frakklandi. 1 nýjustu bók sinni, Stjórnmálum kynjanna, færir
hún rök fyrir þeirri sannfæringu sinni að konur geti bætt
franskt þjóðfélag. Þær verði því að láta meira til sín taka hér
eftir en hingað til, láta rödd sína heyrast. Innan við 10 af
hundraði fulltrúa á franska þjóðþinginu eru konur. Agacinski
vill að hlutur kvenna verði aukinn með því að úthluta þeim sæt-
um til jafns við karlmenn á framboðslistum á þingi og í ríkis-
stjórn. Lionel Jospin forsætisráðherra Frakklands er sömu
skoðunar, sem er kannski engin tilviljun því hann er eiginmað-
ur Agacinski. Þrátt fyrir sjálfstæði sitt hefur Agacinski mátt
sæta því að athygli Frakka beinist fremur að henni sem eigin-
konu forsætisráðberrans en sem virtum heimspekingi sem varð
fyrir djúpum áhrifum af hugmyndum Simone de Beauvoir og
nam við hlið Jacques Derrida og Michels Foucaults. Og það
kom mörgurn á óvart þegar hún féllst á að láta taka mynd af
sér í eldhúsi þeirra hjóna 1995. Þá reyndi Jospin að verða for-
seti en hafði ekki árangur sem erfiði. Þau giftust seint, 1994, en
fram að því hafði Agacinski lifað í samræmi við þær hugmynd-
ir de Beauvoir og sínar að konan yrði að velja á milli frama í
starfi og hjónabands.
Byggt á Newsweek.
Vilji og vandvirkni
í verki!
Prentsmiðjan Grafík hf. Smiðjuvegi 3, 200 Kópavogi ■ Sími 554 5000 ■ Fax 554 SS81
19
v€ra