Akranes - 01.02.1943, Blaðsíða 6
14
AKRANES
AKPANESS
Flestir skipverjarnir voru frá Akranesi,
man ég sérstaklega eftir þessum, segir
Geir: „Ásbirni og 'Sigurði í Melshúsum,
Jóni Ottasyni, Kristjáni Ólafssyni, Halldóri
skáldi Benjamín, Ásbirni snikkara Magn-
ússyni, Jóhannesi á Bakka, Bjarna Þor-
steinssyni, Árna Bergþórssyni. Stýrimaður
var Tómás Ólafsson Bræðraparti. Tvær
vertíðir voru og báðir eigendurnir með,
báðir duglegn sjómenn, Guðmundur Ás-
björnsson, nú forseti bæjarstjórnar Keykja
víkur, Þórður Erlendsson Reykjavík, Ottó
N. Þorláksson o. fl. Þá voru og nokkrir
ungir piltar af Akranesi, Bjarni Ólafsson,
síðar skipstjóri, Halldór Einarsson Bakka,
Þórður Ásmundsson Háteig, Ágúst Ás-
björnsson, Jón Ásbjörnsson, bróðir hans,
Jón Ólafsson Litlateig, síðar skipstjóai,
Símon Sveinbjörnsson skipstjórh Sigurðui
Sigurðsson Mel og Jónas Jóhannesson, og
var hann „kokkur“.‘‘ Geir segir ennfrem-
ur, að þeir hafi fiskað í meðallagi og oft-
ast fengið heldur góðan fisk. Þegar þetta
var, voru ekki fleiri dekkskip á Akranesi,
segir Geir. Alltaf var Geir til húsa á Litla-
teig, og lætur vel af þeirri veru. „Mér féll
vel við Akurnesinga“. segir Geir ennfrem-
ur, „þeir voru ágætis sjómenn og höfðu
mikinn áhuga á að „bjarga sér“. Þeir
höfðu margir svolítinn búskap. Á vetr-
um gerðum við sjálfir við seglin, og feng-
um að vera með þau í Templarahúsinu.
Við verzluðum við Edinborg, þá var verzl-
unarstjóri þar ívar Helgason, fiskur var
allur verkaður á Akranesi. í vertíðarbyrj-
un 1902 sendi Þorsteinn á Grund mér
vísnaflokk, þar í er þetta:
„Þann vinaflokk með hermannshag
er Harald frá oss leiðir,
vér kveðjum nú án kvíða í dag
því kólga loftsins heiðir,
og aldrei dragi sorta að sól
í sinni hraustra drengja
því vænst við dagsins veldisstól
skal vonir allar tengja“.
Eitt árið var Jón á Haukagili hrepp-
stjóri á Akranesi, hann sendi mér og
nokkrar vísur, þar í var þessi undir lag-
inu Gamli Nói, voru þær sungnar á sam-
komu: „Ægir kóngur, Ægir kóngur, er í
skapi flár, aðgangsharður er hann^ ef í
svarra fer hann. Hann sem stendur honum
snúning, hann má vera knár“.
Hvað sem líður vísunni um hina „kátu
kalla“, er Geir ágætlega hagorður, en hann
flíkar lítt skáldskap sínum, en heyrt hef
ég hjá honum ágætis vísur. Eitt sinn kom
vinur Geirs til hans og varpaði fram þess-
um fyrri parti:
„Ég er eins og allir sjá
orðinn máttarlinur“.
Þá svarar Geir:
„Ef þér Iiggur lífið á,
leitaðu til mín, vinur“.
Mér er kunnugt um, að Geir hefur gert
meira en að yrkja þennan síðari part. Hann
hefur verið „praktiseraður“ hjá honum á
lífsleiðinni í mörgum tilfellum. Hér minn-
ast allir Geirs^sem gæða drengs og ágæts
félaga.
Framhald.
Það sorglega slys
vildi hér til hinn 31. janúar, að Eiríkur
Sigríksson frá Krossi drukknaði. Hann var
35 ára að aldri. Giftur maður og átti 1
barn.
Fiskveiðarnar.
Þess var getið í síðasta blaði, hve tíð
hafi verið slæm s.l. haust. Aftur á móti
hefur nú í janúar verið hér óvenjuleg
öndvegistíð, þar sem bátar hafa farið 23
róðra og þar af 21 í samfelldri lotu. Ekki
er þó hægt að segja að eins viðri alstaðar
á þessum hólma, því mótsett við þetta hef-
ur fyrir Vesturlandi, a. m. k. til sjávarins
Verið mjög ervið tíð. Aðeins einu sinni
minnast menn hér að rónir hafi verið 22
róðrar í lotu. í þessum mánuði stunduðu
19 bátar veiðar. Fóru 4 þeirra 23 róðra.
Hæsti báturinn fiskaði 125.9 tonn af haus-
uðum og slægðum fiski, sem seldur var
í skip til útflutnings fyrir 73022 kr. Sá
hinn sami fékk 10444 lítra lifrar úr þess-
um fiski. Samanlagður afli allra bátanna
var 1619 tonn, 939.020 kr. virði, eða
hátt upp í 1 milíjón króna. Samanlögð
lifur var 124.572 lítrar. En ekki er mögu-
legt nú að gera sér grein fyrir verðmæti
hennar, þar sem allt er í óvissu um lýsis-
verð. Það sem af er febrúar hafa gæftir
verið góðar og afli sæmilegur.
Or bréfi nýlega mótteknu:
„Ég fékk hjartslátt, þegar ég las það í
síðasta blaði að það lægi við að hætta
yrði við útgáfu blaðsins vegna fjárskorts,
en þá hefðu nokkrir góðir menn lofað að
greiða helmingi meira fyrir auglýsingar en
vera bæri. Heill sé þeim. — Ég ætti mjög
bágt með að vera án blaðsins. —• Blaðið
má ekki hætta mundu það. Ég sendi hér
með kr. 50.00 frá sjálfum mér, ef það
gæti eitthvað^hjálpað, og ég veit, að
fleiri hljóta að vera sama sinnis“.
Blaðið þakkar innilega slíkan velvilja
og fórn, sem þessi ágæti gamli Akurnes-
ingur sýnir því. Það er markmið vort og
mikið áhugaefni að blaðið megi verða
langlíft fyrst faxið var á stað með það.
Að það fari batnandi, stækki og verði
fjölbreyttara. Að það verði á margan
hátt menningarmáleagn: tengilið.ur og
sameiningarmerki allra Ak'urnesinga bæði
heima og heiman.
Leiðrétting og viðauki við Ánnál 1942.
Unglingaskólinn. Lárus Þjóðbjörnsson
tók við handavinnukennslu pilta í stað
Ingimars Magnússonar, en Elinborg Aðal-
bjarnardóttir, kennari við barnaskólann,
annast handavinnukennslu stúlkna eins og
síðastliðið ár.
Iðnskólinn. Óskar Sveiijsson-var ráðinn
teiknikennari í stað Guðjóns Hallgrímsson-
ar kennara (og Sigurðar Guðmundssönar
lögregluþjóns).
Möl frá Galtavík.
Svo sem skýrt hefur verið frá, festi
bærinn s. 1. ár kaup á malarréttindum í
Galtavík, m. a. vegna fyrirhugaðrar hafn-
argerðar. Nokkrar vegaumbætur hafa ver-
ið gerðar til þess að unnt yrði að komast
að mölinni, og er því verki senn lokið.
Nokkrir bílar af möl hafa þegar verið
fluttir til bæjarins og er hún að allra dómi
hið bezta byggingareíni.
Þeim, sem halda vilja blaðinu saman,
skal á það bent, að nokkur tölublöð eru
að verða til þurrðar gengin.
Ef því fyrri kaupendur kynni að vanta
allan árg. eða einstök blöð, er rétt fyrir
þá að koma sér sem fyrst að því að kaupa
þau, áður en upplagið þrýtur.
KNATTSPYRNUFÉLAGIÐ KÁRl 20 ÁRA
Gefur þúsund krónur til Bjarnalaugar og
stofnar húsbyggingarsjóð.
Um síðustu áramót hélt Knattspyrnufél.
Kári hér á staðnum hátíðlegt 20 ára af-
mæli sitt, var þar margt til skemmtunar og
fjölmenni mikið.
Félagið stendur nú með miklum blóma,
hefur keypt sér ræktað land í Garðalandi
og hyggst að koma sér þar upp góðum
grasvöllum til íþróttaiðkana, og er mikill
áhugi hjá félagsmönnum að vinna sem
mest að eflingu ýmissa íþróttaiðkana hér
í kaupstaðnum. A aðalfundi félagsins, er
haldinn var 14. þ. m. vay í tilefni af 20
ára afmæli félagsins, gefnar kr. 1000.00
til Bjarnalaugar, og ennfremur stofnaði fé-
lagið húsbyggingarsjóð með kr. 1000.00
framlagi, og hyggst að koma sér upp í-
þróttahúsi er stundir líða og Var kosin sér-
stök húsbyggingarnefnd. í stjórn félagsins
voru þessir kosnir: Óðinn Geirdal, kaupm.
Guðm. Sveinbjörnsson, hóteleig. Guðm.
Bjarnason, smiður. Jón Jónsson verzlm.
og Ingveldur Albertsdóttir, verzlunarmær.
Það er mjög rausnarleg gjöf, sem félag-
ið hefur hér Iagt fram til Bjarnalaugar, og
sýnir það skilning félagsmanna á þessu
mikla framfara- og menningarmáli bæjor-
búa, og væri óskandi að fordæmi það,
sem hér er gefið, mætti verða til þess að
fleiri kæmu á eftir.
RITNEFND: Amljótur Guðmundsson.
Ól. B. Björnsson.
Ragnar Ásgeirsson.
'Prentverk Akraness h.f.