Neytendablaðið - 01.04.2000, Blaðsíða 8
Húsnæði
Neytendasamtökin
í málaferli
Fyrir nokkru ákvað stjóm Neytenda-
samtakanna að standa að baki tvenn-
um málaferlum neytenda, annars vegar
vegna gjaldþrota ferðaskrifstofu, ístra-
vels, og hins vegar gegn kjúklingafram-
leiðanda vegna margfrægrar kampýló-
bakteríusýkingar.
ístravel - Ráðuneytið
sinnir ekki áliti umboðsmanns
Ferðaskrifstofan ístravel ehf. stöðvaði
rekstur sinn í ágústmánuði 1996. Nokkrir
félagsmenn Neytendasamtakanna voru í
hópi þeirra sem höfðu greitt fyrir ferðir
hjá fyrirtækinu, og lýstu þeir kröfum í
tryggingarfé ferðaskrifstofunnar ásamt
fleiri viðskiptamönnum. Samgönguráðu-
neytið, sem sá um uppgjör á tryggingar-
fénu, svaraði félagsmönnum okkar á
þann veg að trygging ferðaskrifstofunnar
hafi aðeins dugað fyrir heimflutningi far-
þega og væri því ekki unnt að verða við
greiðslukröfum þeirra.
I kjölfarið leituðu þessir félagsmenn
til Neytendasamtakanna og óskuðu þau
eftir áliti umboðsmanns alþingis á mál-
inu. Niðurstaða hans fékkst nú í mars og
er á þann veg að hann telur of langan
tíma hafa liðið frá gildistöku laga nr.
81/1994, sem fólu meðal annars í sér
breytingar á reglum um tryggingar ferða-
skrifstofa, þar til samgönguráðuneytið
gerði ferðaskrifstofunni að láta í té upp-
lýsingar til að nýjar ákvarðanir yrðu
teknar um tryggingar ferðaskrifstofa.
Einnig telur hann að ráðuneytinu hafi
ekki verið heimilt að veita þeim sem
staddir voru erlendis á vegum ístravels
ehf. forgang fram yfir þá sem greitt
höfðu inn á ferðir með ferðaskrifstof-
unni. Telur umboðsmaður að samgöngu-
NEYTENDASTARFER ÍALLRA ÞÁGU
ráðuneytið hafi átt að láta hlutfallslega
skerðingu ganga jafnt yfir alla sem áttu í
hlut og gerðu kröfu í tryggingarféð. Um-
boðsmaður beindi svo þeim tilmælum til
ráðuneytisins að það tæki mál þessara fé-
lagsmanna Neytendasamtakanna til end-
urskoðunar kæmi fram beiðni þess efnis
og leitaði leiða til að rétta hlut þeirra.
I kjölfar álits umboðsmanns Alþingis
fóru Neytendasamtökin fram á það við
ráðuneytið að það endurskoðaði mál
þessara félagsmanna samtakanna með
hliðsjón af áliti umboðsmanns. Sam-
gönguráðuneytið svaraði Neytendasam-
tökunum á þann veg að það teldi ekki
ástæðu til að aðhafast frekar í málinu.
Einn af þeim féiagsmönnum sem til
okkar leitaði óskaði eftir því við Neyt-
endasamtökin að þau styrktu hann í
málaferlum sínum gegn samgönguráðu-
neytinu, og samþykkti stjórn Neytenda-
samtakanna það fyrir nokkru, eins og
áður er sagt. Nú er verið að undirbúa
málaferlin og lætur Neytendablaðið fé-
lagsmenn samtakanna fylgjast með gangi
mála. Málaferlin munu hafa verulega
þýðingu fyrir þá mörgu sem lýst höfðu
kröfu í tryggingarfé ferðaskrifstofunnar
ístravels ehf. en fengu ekki greitt upp í
kröfur sínar. Einnig munu þessi málaferli
skapa mikilvægt fordæmi.
Sýktir kjúklingar - Reykjagarður
neitar skaðabótum
Umræðan um kampýlósýkta kjúklinga
fór varla fram hjá neinum síðastliðið
sumar en þar létu Neytendasamtökin
verulega til sín taka. Að lokum auglýstu
samtökin opinberlega eftir fólki sem
hefði sýkst af kampýlóbakteríunni með
það í huga að láta reyna á ábyrgð fram-
leiðanda matvörunnar. Fjöldi manns
hafði samband við samtökin og var
greinilegt að margir höfðu farið illa
vegna hinna sýktu kjúklinga. Starfsmenn
samtakanna fóru í gegnum þau mál sem
bárust og var valið það mál sem líklegast
þótti til árangurs.
í því máli var um að ræða ferskan
Holtakjúkling sem var framleiddur af
Reykjagarði hl'. Tveimur dögum eftir að
kjúklingurinn var matreiddur veiktust
þeir sem borðuðu hann heiftarlega. Við
rannsókn kom í ljós að um var að ræða
sýkingu vegna kampýlóbakteríu. Þessi
veikindi höfðu svo í för með sér bæði
fjárhagslegt tjón og veruleg óþægindi.
Neytendasamtökin sendu Reykjagarði
hf. bréf þar sem þau gerðu kröfu um
skaðabætur fyrir hönd áðurnefndra aðila
á grundvelli laga um skaðsemisábyrgð. I
kjölfarið hófust samningaviðræður Neyt-
endasamtakanna og Reykjagarðs en þær
báru ekki tilætlaðan árangur. Þá var
ákveðið að höfða mál. Verið er að undir-
búa rekstur þess og mun Neytendablaðið
fylgjast grannt með framvindunni.
Niðurstaða málsins hefur væntanlega
mikið fordæmisgildi þar sem ekki hefur
áður reynt á það fyrir dómstólum hver
bótaábyrgð framleiðanda matvöru er í
málum sem þessum. Telst matvara ekki
gölluð þegar í henni eru bakteríur sem
valda matarsýkingu hjá neytendunum?
Og ef hún telst gölluð - ber þá ekki
framleiðandi vörunnar ábyrgð á fram-
leiðslugöllum hennar og afleiðingum
þeirra?
Frumherji hf
Frygg hf.
Hampidjan hf.
Hans Petersen
Herragaröurinn, Kringlunni
og Laugavegi13
Húsasmiöjan hf.
Húsavíkurkaupstaóur
HúsgagnahöHin ehf.,
Bíldshöföa 20
Ingvar Helgason hf.
íslandsbanki hf.
ísleifur Jónsson ehf.
ístak hf.
Kolaportiö ■ Markaöstorg
Kringlan
Litaver
Metró - Málarinn -
Veggfóörarinn
Olíufélagiö hf., ESSO
Olíuverslun íslands hf.
Orkuveita Reykjavíkur
Osta- og smjörsalan
Sparisjóöirnir
Steinar Waage hf., Domus
Medica og Kringlunni
Strax, matvöruverslanir
TM-Húsgögn
Vátryggingafélag
íslands hf.
VISA ísland
Öndvegi ehf.
8
NEYTENDABLAÐIÐ - apríl 2000