blaðið - 02.03.2006, Blaðsíða 24

24 I VIÐTAL
FIMMTUDAGUR 2. MARS 2006 blaði6
Galdurinn í tilverunni
BlaSiö/lngó
Hilmar Örn Hilmarsson, tón-
skáld, er önnum kafinn, eins og
svo oft áður. Hann er að vinna
að tveimur verkefnum þar sem
hann leitast við að gera íslensku
goðafræðina aðgengilega. Verkin
eru tónverk og kvikmyndatónlist
við teiknimynd eftir Þrymskviðu.
Þriðja verkefnið er á dagskrá en
Hilmar Örn vill lítið ræða það,
segist vera of hjátrúarfullur til að
geta rætt um vinnu sem ekki er
komin á fullt skrið.
„Tónlistin hefur brauðfætt mig,
hún er líka ástríða mín. Ég ætlaði
mér hins vegar aldrei að enda sem
tónlistarmaður. En það er sama
hvað ég geri, alltaf sný ég aftur til
tónlistarinnar,“ segir hann.
Hvað œtlaðirþúað leggjafyrirþig,
efekki tónlist?
„Ég átti lengi þann draum að verða
rithöfundur. Mér fannst að það gæti
ekki verið tilviljun að ég á sama af-
mælisdag og Shakespeare, Laxness
og Nabokov. Það hlyti að hafa dýpri
merkingu, væru forlög. Þetta setti
á mig ákveðna pressu og ég varð
afar gagnrýninn á allt sem ég skrif-
aði. Svo komst ég að því að Shirley
Temple á afmæli þennan dag. Ég sá
að ég gæti farið sömu leið og hún
og fyrst ég gat ekki farið í pifukjól
og dansað ákvað ég að semja tónlist
fyrir kvikmyndir. Eg fór handan við
orðin og nálgaðist texta í gegnum
tónlist. Góð kvikmynd er galdur:
orð, mynd og hljóð. Það er vett-
vangur sem hæfir mér.
Skáldskapur, tónlist, kvikmyndir
og fornleifafræði hafa alltaf heillað
mig í einhverri mynd. Allt frá því að
ég las Fornar grafir og fræðimenn
hefur mig dreymt um að grafa upp
Trójuborg. Ég hef náð því að stunda
einhvers konar fornleifagröft í
gegnum tónlistina. Ég hef alltaf séð
fortíðina í rómantísku ljósi. Ég hef
áhuga á alls kyns fræðum en gæti
aldrei orðið fræðimaður því ég er
svo mikill rómantíker. Ég yrði 19.
aldar fræðimaður og það yrði hlegið
að mér. Akademían myndi loka á
mig.“
Áhrif Mary Poppins
Þú talar um kvikmyndir, hvaða
kvikmyndir hafa haft áhrif á þig?
„Kvikmyndin Sultur hafði mikil
áhrif á mig. Eftir að hafa séð hana
fylltist ég efasemdum um að ég ætti
að gerast rithöfundur. Hún lagði
grunninn að þvi að ég gerði plan-B.
Onnur kvikmynd varð örlagavaldur.
Það er Mary Poppins. Ég held að ég
hafi verið átta ára gamall þegar ég
sá hana fyrst. Mynd sem hefur þann
boðskap að hægt sé að stökkva inn
í ævintýraheim og dansa við mör-
gæsir. Mynd sem segir okkur að lífið
snúist nú kannski ekki aðallega um
það að vinna í banka frá 9-5. Þetta
er heillandi boðskapur. Ég held að
Mary Poppins hafi haft meiri áhrif á
hippakynslóðina en Woodstock."
Fortíðarþrá og rómantík hlýtur að
hafa kallað á ákveðna óþolinmæði
gagnvart nútímanum. Hvernig
horfirðu á nútímann?
„Mér finnst nútíminn vera nokkuð
leiðinlegur. En eftir því sem árin
líða hefur óþreyjan og pirringurinn
vikið fyrir húmor. Nú finnst mér
ágætt að sitja álengdar á góðum
bekk og fylgjast með þessu sprikli.
Þá verður nútíminn á margan hátt
fyndinn.“
Á einhverju tímabili hlýturðu að
hafa fundið fyrir því að þú œttir
aðfylgja straumnum og vera eins
og allir aðrir. Hvenœr ákvaðstu
að þú ætlaðir að vera þú sjálfur,
sama hvað hver segði?
„Það var ákveðin pressa á mér.
Starfsferill föðurættarinnar er á
þann veg að nokkuð ljóst var að
ég yrði að verða læknir og móður-
ættin lagði einnig áherslu á að ég
legði fyrir mig eitthvað sem væri
praktískt. Að upplagi er ég smáborg-
ari og svo snobbaður að ég myndi
ekki einu sinni heilsa sjálfum mér
á götu. Á einhverju tímabili, ætli
það hafi ekki verið um átján ára ald-
urinn, tókst mér að brjótast undan
eigin fordómum og þeirri hneigð að
vera ráðsettur. Eftir það varð ekki
aftur snúið. Á erfiðum tímum hef
ég stundum setið í kulda og trekki
í útlöndum og hugsað með mér að
ég hefði kannski átt að velja mér
aðra eið og annan starfsvettvang en
ég hverf alltaf til tónlistarinnar. Þar
er ég sáttastur. Sköpunarferlið er
annig að ég vinn mjög oft með fólki.
g þrífst á samskiptum við aðra og í
minum geira er mikið af skemmti-
legu fólki. Það er kannski það sem
hefur haldið mér gangandi."
Ertu þá félagsvera sem lyndir við
allafremur en einfari?
„Ég á erfitt með að lenda upp á
kant við fólk. Ég verð reyndar ein-
rænni eftir því sem árin líða og hef
minni þörf fyrir félagsskap en ég
hafði áður. í mér er samt einhvers
konar félagsmálabaktería og áður
en ég veit af er ég kominn í félags-
skap fólks og farinn að vinna með
því að verkefnum."
Hinfuilkomna mynd
Þú hefur fengið fjöldann allan af
verðlaunum og viðurkenningum.
Skiptir það þig máli?
„Mér finnst alltaf að verðlaunin
séu samneyti við þetta góða fólk.
RAUTT EÐAL GINSENG
Skerpir athygli - eykur þol
1. Meiri virkni. i,_ _ _
_ ... c . Virka m.a. gegn:
2. Mun meiri andoxunarefm. . . . 5 ■
3. Minni líkur á aukaverkunum. Einbeitingarskorti, streitu,
4. Meiri stöðugleiki og mun lengra geymsluþol eða 10 ár þreytu og afkastarýrnun
samanborið við 3ja ára geymsluþol hvíts ginsengs. Einnig gott fyrir aldraða!
www.ginseng.is