Bændablaðið - 29.04.2008, Blaðsíða 16

16 Bændablaðið | Þriðjudagur 29. apríl 2008
Hann skein sannarlega við sólu
Skagafjörðurinn þegar útsend-
ari Bændablaðsins renndi niður
úr Vatnsskarðinu daginn eftir að
vorið kom. Ferðinni var heitið að
Löngumýri þar sem boðið var til
veislu. Nemendur á 1. ári á ferða-
málabraut að Hólum höfðu sent
ritstjóra boðskort í fimm rétt-
aða máltíð þar sem Matarkistan
Skagafjörður skyldi vera í aðal-
hlutverki. Hver stenst slíkt boð?
Þetta mun vera fastur liður í
ákveðnu námskeiði sem haldið er
á hverju ári fyrir ferðamálanema
og ber heitið Gestamóttaka, gist-
ing og veitingar. Sú sem stjórnar
þessu námskeiði er Guðrún Þóra
Gunnarsdóttir en að þessu sinni
voru nemendur tíu talsins, allt
konur utan einn, og komu héðan að
þaðan af landinu.
Á námskeiðinu læra nemendur
grunnatriði veitingarekstrar, svo
sem að leggja á borð, reiða fram
mat, samskipti og framkomu, en
einnig um regluverk ýmislegt,
gæðamál og flokkun gististaða,
þjónustustýringu, framsetningu
upplýsinga, öryggi og heilnæmi
matvæla.
Og það skorti ekkert upp á heil -
næmi matarins sem boðið var upp
á. Forréttirnir voru tveir, sítruslegn-
ar rækjur og hrossacarpacio. Eftir
fylgdu tveir aðalréttir, léttsalt-
aður þorskhnakki og sinnepsristað
lambafilé. Í lokin kom svo ávaxta-
kokkteill sem skolað var niður með
kaffi. Himneskt!
Útskrifið þá strax!
Nemendur léku öll hlutverk í veisl-
unni nema tvö. Ein þeirra stjórnaði
veislunni með elegans, önnur var
yfirkokkur og aðrir báru á borð og
snerust í kringum okkur gestina.
Það eina sem fengnir voru aðkomu-
menn í voru kokkurinn og frönsk
kona sem búsett er í Skagafirði sem
valdi vínin og kynnti þau – að sjálf-
sögðu á íslensku.
Gestir stóðu að sjálfsögðu upp
og þökkuðu fyrir sig. Var það mál
manna sem tjáðu sig að þessa nem-
endur þyrfti ekki að prófa frekar,
rektor gæti eins útskrifað þá strax.
Menn voru líka sammála um að
þeir hlökkuðu til að heimsækja þá
ferðaþjónustu sem fengi að njóta
starfskrafta þessara ágætu nema.
Og meðan við röðuðum í okkur
kræsingunum mjakaðist sólin til
viðar og lék sitt fjölskrúðuga lita-
spil úti fyrir gluggum veitingasal-
arins að Löngumýri. Vorið hófst hjá
undirrituðum þetta kvöld og hefði
varla getað verið huggulegra. Fyrir
það er sjálfsagt að þakka og óska
nemunum tíu til hamingju. –ÞH
Smalahundakeppni Austurlands-
deildar Smalahundafélags Íslands
var haldin að Eyrarlandi í Fljóts-
dal nú um sumarmálin. Keppt
var í þremur flokkum, A-flokki,
B-flokki og unghundaflokki.
Keppendur komu víða að af
landinu, meðal annars af Norðaust-
urlandi, Vesturlandi, höfuðborg-
ar svæðinu, Suðurlandi og Austur-
landi.
Keppt var eftir hefðbundnum
reglum, þar sem hver hundur rak
fjórar ær eftir þar til markaðri braut,
í hringi og slaufur. Rekið var gegn-
um þrjú hlið, til stjórnanda hunds-
ins, sem skipti hópnum með aðstoð
hundsins áður en rollurnar voru að
síðustu reknar inn í smá réttarhólf.
Lífland gaf verðlaun í öllum flokk-
um, sem voru hundabúr fyrir fyrsta
sæti, fóðurpoki fyrir annað sæti og
ól og taumur fyrir þriðja sæti.
Úrslit urðu sem hér segir:
Unghundaflokkur:
Snót frá Grundarfirði, 46 stig
F: Kátur frá Bergi
M: Skotti frá Fossi
Smali: Valgeir Magnússon
B-flokkur:
Lýsa frá Hafnarfirði, 56 stig
F: Tígull frá Eyrarlandi
M: Týra frá Kaðalstöðum
Smali: Þorvarður Ingimarsson
Dot, innflutt frá Cwm Glyn Walley
í Wales
Smali: Hilmar Sturluson
A-flokkur:
Mac, innfluttur frá Ael Y Bryn í
Wales, 94 stig
Smali: Þorvarður Ingimarsson
Albert frá Eyrarlandi, 86 stig
F: Rex frá Daðastöðum
M: Petra Frá Eyrarlandi
Smali: Þorvarður Ingimarsson
Prins frá Daðastöðum, 85 stig
F: Tígull frá Eyrarlandi
M: Soffía frá Daðastöðum
Smali: Sverrir Möller
Aðrir keppendur í stigaröð:
Týra og Hilmar Sturluson
Rex og Sverrir Möller
Týra og Gunnar Guðmundsson
Skotta og Valgeir Magnússon
Dómari í keppninni var Lár us
Sigurðsson, bóndi á Gilsá í Breið-
dal, og sleppimeistari Hallgrímur
Kjartansson, bóndi á Glúmsstöðum I.
Að sögn Þorvarðar Ingimarsson-
ar á Eyrarlandi voru veðurguðirnir
ekki beinlínis hliðhollir keppend-
um. „Þegar hefja átti keppni gekk
upp með norðvesturstormi, sem olli
okkur verulegum vandræðum, en
með því að snúa brautinni undan
vindi var hægt að halda keppn-
ina. Það lægði samt dálítið þegar
á leið, en þetta setti óneitanlega
mark sitt á keppnina, svo ekki sé
minnst á þá staðreynd að Marsibil
og Kristín komust ekki til keppni
úr Mjóafirðinum vegna veðurs, þar
sem ekki var lendandi á Dalatanga.
Þegar hundar eru komnir með 85
stig og þar yfir eru þeir býsna góðir
og það hafa ekki margir hundar náð
því,“ sagði Þorvarður.
SigAð
Snót frá Grundarfirði, sem sigraði í unghundaflokki, skiptir hópnum með
aðstoð smalans Valgeirs Magnússonar. Myndir: SigAð
Smalahundakeppni að Eyrarlandi í Fljótsdal
Keppendur, taldir frá vinstri: Gunnar Guðmundsson úr Hafnarfirði, Valgeir Magnússon frá Grundarfirði, Sverrir
Möller á Efra-Lóni, Þorvarður Ingimarsson á Eyrarlandi, Hilmar Sturluson frá Selfossi.
Prins frá Daðastöðum, sem varð í þriðja sæti í A-flokki, rekur hópinn í rétt-
ina með aðstoð smalans Sverris Möller.
Mac, einn stigahæsti smalahundur á landinu, rekur hópinn í fyrstu slauf-
una til smalans Þorvarðar Ingimarssonar.
Nemendahópurinn sem hélt veisluna ásamt Ólafi Jónssyni matreiðslumeistara. Myndir: Guðrún Brynleifsdóttir.
Matarkistan Skagafjörður lék stórt hlutverk í málsverðinum. Hér er fyrsti
forréttur kominn á diska og þar er rækjan frá Dögun í forgrunni.
Um þrjátíu gestir sátu veisluna, skólafólk frá Hólum, framámenn í héraði
og örfáir aðkomumenn, þeirra á meðal ferðamálastjóri, Ólöf Ýrr Atladóttir,
sem sést hér til hægri. Við hlið hennar stendur Sigríður Sigurðardóttir,
safnstjóri Byggðasafns Skagfirðinga.
Ferðamálanemar á Hólum buðu Bændablaðinu í kvöldverð sem seint gleymist
Fimmréttað skagfirskt nægtaborð
Matarkistan Skagafjörður lék stórt hlutverk