Bændablaðið - 29.04.2008, Blaðsíða 27

27 Bændablaðið | Þriðjudagur 29. apríl 2008
Fimmtudaginn 17. apríl sl. var
opið fjós að Mýrum 3 á Hegg-
staðanesi. Fjöldi manns, eða
allt að 150, lagði leið sína að
bænum og leit fjósið og mjalta-
þjóninn augum, þeir sem komu
lengst að voru úr Fljótshlíðinni,
höfðu séð opna fjósið auglýst
í Bændablaðinu og ákváðu að
bregða sér bæjarleið.
Þetta er fyrsta fjósið í Húnaþingi
vestra sem er búið slíku tæki og
má því segja að tæknin hafi haldið
innreið sína þar í kúabúskap eins
og víða um land. Fjósið er fyrir
70 mjólkurkýr auk geldneyta og er
grunnflötur þess um 900 m2. Við
það er votheyshlaða.
Ábúendur að Mýrum 3 eru
Karl Guðmundsson og Valgerður
Kristjánsdóttir ásamt börnum.
Þá búa þar foreldrar Karls, þau
Guðmundur Karlsson og Erla
Stefánsdóttir, en þau stofnuðu
lögbýlið Mýrar 3 út úr Mýrum um
miðja síðustu öld og hófu búskap.
Ávallt hefur verið búið bæði
með kýr og kindur á Mýrum og eru
nú 99 nautgripir í fjósi og hátt í 300
ær á fóðrum. Í framtíðinni er reikn-
að með að vera með allt að 200
nautgripi. Ræktunarland er töluvert
á Mýrum og gjöfult og stefna ábú-
endur að því að hefja kornrækt á
næstunni.
Framkvæmdir við nýja fjós-
ið hófust sumarið 2006 en þá
tók Gunnlaugur Frosti ásamt
bróður sínum Karli grunn-
inn að því. Byggingastjóri var
Jóhannes Erlendsson, yfirsmiður
Guðmundur Karlsson, ábúandi, og
aðrir smiðir Halldór P. Sigurðsson
og Kristófer Jóhannesson. Margir
sveitungar komu að uppbygging-
unni og vilja ábúendur þakka þeim
fyrir vel unnin störf. Um raflagnir
sáu Jón Böðvarsson Syðsta-Ósi og
Sigurður Geirsson Fjarðarhorni.
Pípulagnameistari var Hjalti
Hrólfsson. Húsið er stálgrindarhús
á steyptum mykjukjallara. Stálgrind
og klæðning er frá Stálbæ.
Þann 6. desember sl. var
DeLaval mjaltaþjónn frá Vélaveri
gangsettur. Ábúendur eru mjög
ánægðir með hann og kýrnar einn-
ig. Þær koma að jafnaði í mjaltir
þrisvar á sólarhing og nyt hefur
aukist. Þá er júgurheilbrigði betra
en áður og má segja að júgurbólga
hafi svo gott sem horfið.
Fóðrað er með heilfóðurvagni
og síðar stefnt á að fá sjálfvirkt
fóðurkerfi.
Gólfbitar, innréttingar og bása-
dýnur eru frá Líflandi sem einnig
selur þeim Mýramönnum fóður.
Gluggar, loftræsting, lýsing og
básadýnur fyrir geldkýr eru frá
Landstólpa. Hönnuður var Ívar
Ragnarsson.
Fyrir næsta vetur er stefnt að
því að fá kálfafóstru en þá fer hús-
móðirin í fæðingarorlof. Það vakti
athygli gesta hve kálfar og skepnur
voru rólegar og leið vel. Það sama
á við um gesti, tekið var á móti
þeim að húnvetnskum sið og bauð
Vélaver upp á tertu, Lífland bjór,
MS osta og jógúrtdrykki, en heima-
menn lögðu til tertu og kaffi.
Bændablaðið fór á vettvang og
eru meðfylgjandi myndir teknar í
gleðskapnum. –ÞH
Fyrsta fjósið í Vestur-
Húnavatnssýslu
búið mjaltaþjóni
Þessir fylgdust grannt með tækniundrinu að störf-
um, frá vinstri: Gunnlaugur Frosti Guðmundsson
Söndum, Guðmundur Karlsson Mýrum 3, Gunnar
Kristófersson Laugarbakka og Ólafur Valdimarsson
Hvammstanga.
Kálfarnir létu sér hvergi bregða þrátt fyrir mann-
fjöldann.
Ábúendur á Mýrum 3, Karl Guð-
mundsson og Valgerður Kristjáns-
dóttir, stolt í nýja fjósinu, að baki
þeim sér í mjaltaþjóninn.
Þessir voru hrifnir af nýja fjósinu, og ekki spilltu veigarnar fyrir. Frá vinstri:
Böðvar Sigvaldi Böðvarsson Mýrum 2, Ólafur Stefánsson Reykjum og
Jóhann Johansen Skeggjastöðum.
NOTUÐ FJÓRHJÓL