Fréttablaðið - 01.02.2012, Blaðsíða 28

1. febrúar 2012 MIÐVIKUDAGUR24
➜ Tónleikar
12.15 Tónleikaröðin Ljáðu okkur eyra
heldur áfram í Fríkirkjunni í Reykjavík.
Gerrit Schuil sér um hana, en dagskrá
hverra tónleika er ekki auglýst né flytj-
endur. Aðgangur er ókeypis og allir eru
velkomnir.
➜ Fræðsla
20.00 Fræðslufundur um ævi og störf
Sigurðar Þórarinssonar, land- og jarð-
fræðings, verður haldinn í Volcano
House, Tryggvagötu 11. Sigurður Stein-
þórsson, jarðfræðiprófessor og sam-
verkamaður Sigurðar, mun fjalla um
vísindastörf hans og rannsóknir. Allir
velkomnir.
➜ Fundir
20.00 Hvítabandið heldur fund á Hall-
veigarstöðum. Gestur fundarins verður
Vilborg Dagbjartsdóttir.
➜ Opið hús
16.30 Kvenfélagasamband Íslands
verður með opið hús í Kvennaheimilinu
Hallveigarstöðum, Túngötu 14. Stofn-
fundur nýs kvenfélags í Reykjavík hefst
svo klukkan 17.15. Öllum er velkomið
að mæta.
➜ Fyrirlestrar
20.00 Fyrsta rannsóknarkvöld Félags
íslenskra fræða verður haldið í Sögu-
félagshúsinu við Fischersund. Fyrirlesari
er Stefán Pálsson og talar hann undir
yfirskriftinni Fingrafar málvísinda-
mannsins – Rasmus Kristján Rask: áhrif,
arfleifð og íslenska ð-ið. Allir velkomnir.
➜ Handverkskaffi
20.00 Tinna Þórudóttir Þorvaldsdóttir
mun kynna ullargraff og grunnatriði í
hekli á Handverkskaffi í Gerðubergi.
Aðgangur er ókeypis.
Upplýsingar um viðburði sendist á
hvar@frettabladid.is
24
menning@frettabladid.is
AÐEINS EIN SÝNING er eftir af leikverkinu Póker sem sýnt er í Tjarnarbíói í leikstjórn Valdimars Arnar Flygenring, en hún
fer fram næstkomandi laugardagskvöld klukkan 20. Póker hefur unnið til ýmissa verðlauna víða um heim. Gagnrýnendur hafa líka
tekið Íslensku leikgerðinni vel, en verkið þykir hafa skemmtilega skírskotun til íslensks samfélags í dag.
Tíu höfundar verið tilnefndir
til viðurkenningar Hagþenkis,
sem telst til virtustu verðlauna
sem fræðimönnum og höfundum
fræðilegra rita hlotnast.
Hagþenkir, sem er félag höf-
unda fræðirita og kennslugagna,
hefur frá árinu 1986 veitt viður-
kenningu fyrir fræðirit og náms-
gögn eða aðra miðlun fræðilegs
efnis til almennings. Öll fræði-
rit sem koma út á Íslandi koma
til greina við veitingu viðurkenn-
ingarinnar en það er viðurkenn-
ingaráð Hagþenkis, skipað fimm
félagsmönnum, sem ákvarðar til-
nefningarnar og hvaða höfundur
hlýtur að lokum viðurkenninguna.
Þeir höfundar sem eru tilnefnd-
ir til viðurkenningar Hagþenkis
2011 eru: Birna Lárusdóttir, aðal-
höfundur og ritstjóri Mannvist-
ar, sýnisbókar íslenskra forn-
leifa, Erla Hulda Halldórsdóttir
fyrir Nútímans konur, Jóhann
Óli Hilmarsson fyrir Íslenskan
fuglavísi, Jóhann Yngvi Jóhanns-
son fyrir Landnám, ævisögu
Gunnars Gunnarssonar, Ólafur
Kvaran, ritstjóri Íslenskrar lista-
sögu I-V frá síðari hluta 19. aldar
til upphafs 21. aldar, Páll Björns-
son fyrir Jón forseti allur? Tákn-
myndir þjóðhetju frá andláti til
samtíðar, Pétur Pétursson fyrir
Trúmaður á tímamótum, ævi-
sögu Haralds Níelssonar, Sigríð-
ur Víðis Jónsdóttir fyrir Ríkis-
fang: Ekkert. Flóttinn frá Írak
á Akranes, Sylvía Guðmunds-
dóttir ritstjóri fyrir Lestrarland-
ið og Úlfhildur Dagsdóttir fyrir
Sæborgina, stefnumót líkama og
tækni í ævintýri og veruleika.
Í viðurkenningarráði Hagþenk-
is 2011 eru Birgir Hermanns-
son stjórnmálafræðingur, Fann-
ey Þórsdóttir lektor í sálfræði,
Unnur Birna Karlsdóttir sagn-
fræðingur, Þorsteinn Helgason
sagnfræðingur og Þórður Helga-
son bókmenntafræðingur. Verk-
efnastýra ráðsins er Friðbjörg
Ingimarsdóttir.
Um mánaðamótin febrúar og
mars verður tilkynnt hvaða höf-
undur hlýtur viðurkenningu við
hátíðlega athöfn í Þjóðarbókhlöð-
unni. Sá hinn sami hlýtur eina
milljón króna í verðlaun. - hhs
Tíu framúrskarandi
höfundar tilnefndir
HINIR TÍU TILNEFNDU Þessir tíu höfundar hafa verið tilnefndir til viðurkenningar
Hagþenkis. Sá sem þykir standa upp úr hlýtur um mánaðamótin febrúar og mars
viðurkenninguna sjálfa og fær eina milljón króna í verðlaun.
Tækniþróunarsjóður
Kynningarfundur 3. febrúar
H
N
O
T
S
K
Ó
G
U
R
g
ra
fí
s
k
h
ö
n
n
u
n
Athugið!
Umsóknarfrestu
r er til
15. febrúar 2012
Tækniþróunarsjóður boðar til opins kynningarfundar í Húsi atvinnulífsins,
Borgartúni 35, föstudaginn 3. febrúar kl. 8:30 - 10:00
í tengslum við umsóknarfrest 15. febrúar nk.
Starfsmenn Rannís fjalla um umsóknar- og matsferli sjóðsins og svara fyrirspurnum.
Davíð Lúðvíksson, forstöðumaður hjá Samtökum iðnaðarins, stýrir fundinum.
Tækniþróunarsjóður heyrir undir iðnaðarráðherra og starfar skv. lögum um opinberan stuðning við tæknirannsóknir, nýsköpun
og atvinnuþróun, nr 75/2007. Sjóðurinn, sem er í vörslu Rannís, fjármagnar nýsköpunarverkefni í samræmi við meginstefnu
Vísinda- og tækniráðs. Umsækjendur geta verið fyrirtæki, einstaklingar, rannsóknastofnanir og háskólar.
Verk Þórs Tulinius, Blót-
goði sem sýnt hefur verið
í Landnámssetrinu, hefur
verið boðið á franska leik-
listarhátíð. Þór er sömu-
leiðis að leggja lokahönd
á sérútgáfu verksins fyrir
grunnskóla.
„Með sýningunni Blótgoða er ég
meðal annars að reyna að átta mig
á því hvernig heiðnin var, hvern-
ig var trúarlíf landans áður en
kristnin kom til sögunnar. Trúðu
menn á goðin og voru menn í
alvöru að blóta þau. Og hvað með
vætti og huldufólk, var trúin á
þá lifandi og einlæg,” segir Þór
Tulinius sem hrærst hefur í heimi
heiðni á Íslandi undanfarin ár.
Í september var leikverk hans
Blótgoði frumsýnt í Landnáms-
setrinu í Borgarnesi og þar hefur
það verið sýnt við góðan orðstír
og dóma. „Fræðimenn hafa vita-
skuld rannsakað þetta efni ofan í
kjölinn og hafa á því margvísleg-
ar skoðanir. Ég byrjaði að sanka
að mér heimildum um efnið fyrir
nokkrum árum síðan og markmið-
ið var að setja upp leikrit um hug-
myndaheim Íslendinga við kristni-
töku. Mig langaði til þess a komast
að því hvort trú þeirra á goðin var
farin að kulna en komst að því
að trúarlífið var sprelllifandi á
þessum tíma,” segir Þór sem fer
með öll hlutverki í sýningunni
og bregður sér í líki fjölmargra
þekktra persóna, svosem Snorra
Goða, Þorgeirs Ljósvetningagoða,
Síðu-Halls og Finnboga ramma.
Nokkrar sýningar eru enn eftir
af verkinu í Landnámssetrinu en
Þór stefnir að því að kynna skóla-
krökkum landsins hugmyndaheim
heiðninnar og vinnur nú að styttri
leikgerð sem hann stefnir á að
fara með í skóla landsins. „Það má
segja að sýningin sé um kristni-
tökuna, en eitt meginþema hennar
er trúfrelsi og virðing fyrir átrún-
aði annarra, og þannig höfðar hún
til samtímans og hentar líka sem
skólasýning,” segir Þór og leggur
áherslu á að sýningin sé létt og
skemmtileg.
Þór fer með Blótgoða út fyrir
landsteinana í sumar, en honum
hefur verið boðið á hátíðina
EPOS í Vendome í Frakklandi
sem snýst um frásagnarlist til
forna. „Þetta er létt og skemmti-
leg sýning, hálfgert uppistand og
efnið á vonandi eftir að skila sér.
Ég mun flytja verkið á íslensku en
það verður texti á skjá fyrir ofan
sviðið, svona eins og menn sjá í
óperunni,” segir Þór að lokum.
sigridur@frettabladid.is
Kynnir heiðinn heim fyrir
krökkum og Frökkum
BLÓTGOÐI Einleikurinn er sýndur í Landnámssetrinu í Borgarnesi.
HVAÐ? HVENÆR? HVAR?
Miðvikudagur 01. febrúar 2012