Fréttablaðið - 09.02.2012, Blaðsíða 16
9. febrúar 2012 FIMMTUDAGUR16 16
hagur heimilanna
Stundvísi flugvéla Icelandair um Keflavíkurflugvöll er
mun meiri en þeirra frá Iceland Express. 75 prósent
véla Icelandair voru á réttum tíma til og frá landinu
í síðari hluta janúar en hlutfallið var 57 prósent hjá
Iceland Express. Það er ferðasíðan Túristi.is
sem hefur tekið saman komu- og brott-
farartíma íslenskra flugfélaga. Á síðunni segir
að bæði flugfélögin hafi bætt sig í stundvísi undan-
farnar vikur og þá sér í lagi Iceland Express, því síðustu tvo
mánuði hafi vélar fyrirtækisins sjaldan lent við Leifsstöð á réttum tíma.
„Iceland Express flýgur nú aðeins til London og Kaupmannahafnar og voru
ferðirnar til og frá landinu tæplega fjörutíu á síðari hluta janúar. Það var einn
tíundi af fjölda ferða á vegum Icelandair á tímabilinu,“ segir á vef Túrista.
■ Samgöngur
Icelandair mun stund-
vísari en Express
Rauðakrossbúðirnar anna
varla eftirspurn eftir not-
uðum fatnaði. Strákar hafa
ekki síður áhuga á að kaupa
notuð föt en stelpur. Stefnt
er að því að auka og bæta
úrvalið í verslununum,
að sögn Helgu Pálsdóttur
verslunarstjóra.
Rauði krossinn selur ekki
bara fatnað, heldur úthlutar
einnig fatnaði.
Lítil herradeild er í verslun Rauða
krossins á Laugavegi 12 þar sem
seld eru jakkaföt, skór, skyrtur
og peysur. „Við erum með vandað-
an fatnað fyrir karlmenn á öllum
aldri í þessari verslun og setj-
um í hana allt spennandi sem við
getum fundið. Áhugi herra á not-
uðum fatnaði er að aukast miðað
við magnið sem við seljum. Við
önnum varla eftirspurn,“ segir
Helga Pálsdóttir verslunarstjóri.
Hún getur þess að með meiri
flokkun á þeim fatnaði sem berst
til Rauða krossins ætti alltaf að
vera nóg úrval.
Að sögn Helgu er hluti fatnaðar-
ins seldur óflokkaður til Hollands
og Þýskalands. „Ég er viss um að
fólk sem gefur Rauða krossinum
vonast til þess að fatnaðurinn komi
í góðar þarfir, bæði innanlands og
utan. Það góða við endurnýtingu á
fatnaði er að fólk sparar peninga
með því að kaupa hann samtímis
því sem það styrkir góð málefni.
Féð sem kemur inn fer í alls konar
hjálparstarf, bæði hér á landi og
erlendis.“
Rauði krossinn úthlutar einnig
fatnaði, að því er Helga greinir
frá. „Úthlutunin fer fram á Lauga-
vegi 116 alla miðvikudaga frá
klukkan 10 til 14.“
Ágústa Guðmundsdóttir, versl-
unarstjóri hjá Hertex, verslun
Hjálpræðishersins í Garðastræti,
segir stráka hafa komið í jafn-
miklum mæli í gegnum tíðina og
stelpur til þess að kaupa föt. „Þeir
finna hér fín föt. Stelpurnar koma
að vísu oftar en strákarnir. Þeir
koma ekki bara til að skoða, heldur
þegar þá vantar nauðsynlega flík.
Það ættu allir að geta fundið eitt-
hvað hér ef þeir gefa sér tíma til
að leita.“
Hægt er að fá beiðni fyrir fata-
úthlutun hjá Hjálpræðishernum í
Kirkjustræti 2, að því er Ágústa
greinir frá. „Fólk kemur þá til
okkar með beiðnina og velur sér
fatnað sem það fær án endur-
gjalds.“
Fatnaður er einnig seldur í
verslun Hjálpræðishersins við Eyj-
arslóð. ibs@frettabladid.is
Mikil eftir-
spurn eftir not-
uðum fötum
VERSLUN RAUÐA KROSSINS Margrét Einarsdóttir og Pálína Ósvald sjálfboðaliðar við
störf í verslun Rauða krossins á Laugavegi 12. FRÉTTABLAÐIÐ/VILHELM
Evrópuþingið samþykkti ekki reglugerð framkvæmdastjórnar Evrópusambands-
ins, ESB, um að matvæla- og drykkjarframleiðendur hefðu rétt til að auglýsa
smávegis minnkun á magni salts, sykurs og fitu framan á vöruumbúðum. Meiri-
hluta þingmanna þótti slíkar merkingar
villandi. Framkvæmdastjórnin þarf nú
að endurskoða textann en hún vildi til
dæmis leyfa svohljóðandi merkingu: „Nú
með 15 prósentum minna sykurmagni“
og var þá miðað við það magn sem
sama vara innihélt áður. Gagnrýnendur
bentu meðal annars á að það yrði of
erfitt að bera saman hversu mikið fitu-,
salt- og sykurmagn í ýmsum vörum hefði
minnkað þar sem magnið hefði verið
mismunandi áður. Jafnframt var bent á að
vara gæti til dæmis enn innihaldið mikið sykurmagn og meira en aðrar vörur
þótt það hefði verið minnkað. Samkvæmt reglu ESB frá 2006 má ekki auglýsa
á umbúðum minnkun salts, fitu eða sykurs nema hún sé að minnsta kosti 30
prósent.
■ Matvæli
ESB þarf að umorða lagatexta um fitu- og
sykurmagn
Drekki ófrísk kona tvo glös af áfengi
á viku eykst hættan á fósturláti um
50 prósent. Séu fjögur glös drukkin
tvöfaldast hættan. Þetta kemur fram
í grein danskra vísindamanna í ritinu
International Journal of Epidemiology
en þeir skoðuðu gögn um 92 þúsund
danskar konur og upplýsingar um
áfengisdrykkju þeirra á meðgöngu.
Hættan á fósturláti var sérstaklega
mikil ef konur drukku áfengi snemma
á meðgöngunni. Nær þriðjungur allra
danskra kvenna sem gengu með
barn á árunum 1996 til 2002 tók þátt
í rannsókninni en í henni var tekið
tillit til annarra áhættuþátta sem hafa
áhrif á fósturlát. Niðurstaða rann-
sóknarinnar kom vísindamönnunum
á óvart, að sögn eins þeirra, Anne-
Marie Nybo Andersen.
■ Heilsa
Tvö glös af áfengi á
viku auka hættuna
á fósturláti
Alvarleg brot á reglum voru fram-
in hjá 102 af þeim 152 kjúklinga-
framleiðendum í Noregi sem Mat-
vælaeftirlitið þar í landi gerði
kannanir hjá í fyrra. Fylgst var
með framleiðslunni frá klaki til
slátrunar hjá fjórðungi allra kjúk-
lingaframleiðenda í Noregi. Farið
var í eftirlitsferðir til þeirra sem
grunaðir voru um reglubrot, að því
er kemur fram á vefsíðunni mat-
tilsynet.no.
Norska blaðið Aftenposten hefur
það eftir starfsmanni Matvæla-
eftirlitsins að áhyggjur manna af
því að meðhöndlun dýranna væri
ábótavant hefðu verið staðfestar.
Dæmi voru um að dimmt væri í
of stuttan tíma hjá dýrunum þann-
ig að þau gátu ekki hvílst nægi-
lega. Of þröngt var um dýr, loft-
ræsting slæm og skortur á fóðri
og vatni. Einnig voru dæmi um
að reglur skorti um hvernig fjar-
lægja ætti og meðhöndla veik og
slösuð dýr.
Aðferðir við slátrun þóttu ekki
nógu góðar. Ekki var hugað nógu
vel að því hvernig tæma ætti
gáma með lifandi dýrum auk þess
sem dæmi voru um að beinbrotn-
ir kjúklingar væru hengdir upp á
sláturlínuna. -ibs
Matvælaeftirlitið í Noregi afhjúpaði alvarleg brot:
Velferð dýranna ábótavant
KJÚKLINGAR Norska matvælaeftirlitið
fylgdist með kjúklingaframleiðslu frá
klaki til slátrunar.
KRÓNUR var meðalkílóverðið á frosnum kjúklingi í nóvember, sam-
kvæmt mælingu Hagstofu Íslands. Verðið hefur nærri tvöfaldast frá
árinu 2005 þegar það var 386 krónur. Í nóvember 2009 var kílóverðið
518 krónur, og hefur hækkað um 43 prósent síðan.
740
Áhrif flugs
á Íslandi
Hafa flugsamgöngur meiri áhrif á eyríki langt úti í Atlantshafi en ríki á
meginlandi Evrópu? Hver eru áhrif flugs á Íslandi? Að undanförnu hefur
hið þekkta rannsóknarfyrirtæki Oxford Economics unnið að úttekt á
efnahagslegum áhrifum flugstarfsemi í 55 löndum um allan heim í
samstarfi við IATA, Alþjóðasamtök flugfélaga. Nú er skýrslan um Ísland
komin út og á fundinum verða athyglisverðar niðurstöður hennar kynntar
undir fundarstjórn hinnar góðkunnu sjónvarpskonu Þóru Arnórsdóttur.
Dagskrá fundarins er eftirfarandi:
Efnahagslegur ábati af flugrekstri á Íslandi
Kynning á niðurstöðum skýrslu Oxford Economics
Julie Provici, hagfræðingur IATA
Pallborðsumræður um efni skýrslunnar
Steingrímur J. Sigfússon, efnahags- og atvinnumálaráðherra
Pétur K. Maack, flugmálastjóri
Björn Óli Hauksson, forstjóri Isavia
Björgólfur Jóhannsson, forstjóri Icelandair Group
Fáið nýjustu upplýsingar um samgöngumál á Íslandi beint í æð.
Vinsamlega skráið þátttöku á info@saf.is. Aðgangur er ókeypis.
Morgunverðarfundur á Hilton Reykjavík Nordica,
fimmtudaginn 23. febrúar kl. 8:30-9:45.
ÍS
L
E
N
S
K
A
/S
IA
.I
S
/I
C
E
5
83
54
0
2/
12