Fréttablaðið - 28.04.2012, Síða 78

28. apríl 2012 LAUGARDAGUR38
Ungir Íslendingar augnabliksins
Frónsk ungmenni gera það mörg hver gott úti í hinum stóra heimi þessa dagana og á hinum ýmsu sviðum. Fréttablaðið skoðar
nokkra einstaklinga sem hafa náð afburða árangri á sínu sviði, með æskuna að vopni.
Gunnar Nelson var val-inn efnilegasti karate-
maður Íslands sextán ára
gamall. Æ síðan hefur
hann byggt upp feril sinn
af þolinmæði og þraut-
seigju og hefur nú um
nokkurt skeið af mörg-
um verið talinn einn
efnilegasti bardagamað-
ur heims. Gunnar er
með svarta beltið í bras-
ilísku jiu jitsu, keppir
meðal annars í blönduð-
um bardagaíþróttum og
hefur aðeins einu sinni
gert jafntefli í slíkri við-
ureign en unnið hinar
níu. Honum er reglulega
boðið til þátttöku á sterk-
ustu glímumótum heims.
Er mál manna að Gunnar
gæti auðveldlega keppt á
fleiri og stærri mótum,
en hann þykir hógvær
og rólegur og tekur ekki
hvaða boði sem er.
Gunnar Nelson
Bardagakappi Aldur: 23
Síðustu mánuði hafa margir spurt sig að því hvað gekk á í kolli forráðamanna þýska
liðsins Hoffenheim, sem lánaði Gylfa Sig-
urðsson til Swansea í ensku úrvalsdeildinni
í janúar síðastliðnum. Leikmaðurinn hefur
hreinlega slegið í gegn, skorað sjö mörk í
fimmtán leikjum í deildinni og bætti enn
einni rósinni í hnappagatið þegar hann var
fyrstur Íslendinga valinn leikmaður mánað-
arins í ensku Úrvalsdeildinni í mars. Í kjöl-
farið hefur Gylfi verið orðaður við mörg af
stærstu og vinsælustu félagsliðum heims,
eins og Liverpool, Newcastle, Arsenal,
Manchester United, Inter Milan, Juventus
og fleiri. Markus Babbel, sem tók við sem
þjálfari Hoffenheim eftir að Gylfi var lánað-
ur til Englands, segir þó klárt að Gylfi hefji
næstu leiktíð með þýska liðinu, en hann á tvö
ár eftir af samningi sínum þar.
Gylfi Sigurðsson
Knattspyrnumaður Aldur: 22
Akureyringurinn Halldór Helgason var einung-
is átján ára gamall þegar
hann sigraði í snjóbretta-
keppni á stærsta íþrótta-
móti heims þar sem keppt
er í jaðaríþróttum, Win-
ter X-Games, og var við
sama tilefni valinn nýliði
ársins á ráðstefnu tveggja
stærstu snjóbrettablað-
anna í Bandaríkjunum. Í
kjölfarið varð Halldór einn
þekktasti snjóbrettamað-
ur heims, býr í Mónakó og
keppir reglulega á stærstu
mótunum í geiranum. Hall-
dór og Eiríkur bróðir hans,
sem einnig er þekktur
snjóbrettakappi, hafa líka
náð góðum árangri í við-
skiptahlið íþróttarinnar
og hafa stofnað þrjú fyrir-
tæki sem framleiða snjó-
bretti og tengdar vörur. Þá
er Halldór með samning
við íþróttavörurisann Nike,
sem hlotnast ekki hverjum
sem er.
Halldór Helgason
Snjóbrettakappi Aldur: 21
Uppgangur Kolfinnu í tískuheiminum hefur
verið ógnarhraður allt frá
því hún bar sigur úr býtum í
Fordkeppninni í Hafnarhús-
inu í febrúar 2011. Fljótlega
í kjölfarið skrifaði Kolfinna
undir samning hjá Next,
einni stærstu umboðsstofu
Bretlands, flutti til London
og þaðan til New York þar
sem verkefnin hafa hrann-
ast upp og virðist ekkert lát
á eftirspurninni. Meðal stór-
menna í tískuheiminum sem
hafa notið starfskrafta Kol-
finnu eru Karl Lagerfeld,
Donatella Versace, Alex-
ander Wang, Marc Jacobs,
Jonathan Saunders og Chri-
stopher Kane og hefur hún
meðal annars verið mynd-
uð fyrir ítölsku og þýsku
útgáfur tímaritsins Vogue.
Þá var Kolfinna valin best
klædda fyrirsæta tískuvik-
unnar í London í netkosningu
vefsíðunnar Style.com.
Kolfinna
Kristófersdóttir
Fyrirsæta Aldur: 19
Aðeins tveimur árum eftir að Of Monsters And Men hlaut fyrsta sætið í Músíktilraun-um hefur hljómsveitin náð hærra á bandaríska Billboard-vinsældalistanum en öðrum
Íslendingum hefur áður tekist. Fyrsta stóra plata sveitarinnar, My Head Is an Animal, fór
beint í sjötta sæti listans sem verður undir öllum kringumstæðum að teljast frábær árang-
ur og greinilegt að ungmennin frá Keflavík og Garðabæ hafa hitt á streng í vestrænum
brjóstum. Uppselt var á alla tuttugu tónleikana í Norður-Ameríkutúrnum, sem er nýlokið,
en um þessar mundir kemur sveitin fram vítt og breitt um Evrópu áður en hún snýr aftur
til Bandaríkjanna til að trylla jafnt amerískan æskulýð og þá sem eldri eru í sumar.
Of Monsters And Men
Hljómsveit Meðalaldur: 23
FRÉTTABLAÐIÐ/STEFÁN
MYND/EINAR MÁR EINARSSON
NORDICPHOTOS/GETTY
FRÉTTABLAÐIÐ/STEFÁN
Bílasalar
Undirbúningsnámskeið vegna prófs
til leyfis sölu notaðra bifreiða
verður haldið í Reykjavík 2. –18. maí 2012
Umsóknarfrestur er til 1. maí.
Nánari upplýsingar og skráning í síma 590 6400
eða fjola@idan.is
IÐAN fræðslusetur
Skúlatúni 2 - 105 Reykjavík
www.idan.is - s. 590-6400
Prófnefnd bifreiðasala