Fréttatíminn - 11.11.2011, Blaðsíða 72
72 bíó Helgin 11.-13. nóvember 2011
G eorge Clooney hefur sýnt og sannað með Confes-sions of a Dangerous
Mind og fyrst og fremst Good
Night, and Good Luck að hann er
frambærilegur leikstjóri sem er
óhræddur við að vera pólitískur.
Auk þess að leikstýra og leika
í Ides of March er hann einn
þriggja handritshöfunda ásamt
Grant Heslov og Beau Willimon.
Handritið er unnið upp úr leikriti
Willimons, Farragut North, frá
árinu 2008.
Myndin á sér stað bak við tjöldin
í harðri baráttu frambjóðenda um
tilnefningu Demókrataflokksins til embættis
forseta Bandaríkjanna. Hugsjónamaðurinn
ungi Steven Myers, sem Ryan Gosling leikur,
er í forgrunni. Hann er þrátt fyrir ungan aldur
talinn einn besti kosningastjórinn í Bandaríkj-
unum. Skjólstæðingur hans er Mike Morris,
ríkisstjóri í Pennsylvaníu, sem sækist eftir út-
nefningu flokks síns. Clooney leikur Morris
sem hefur gengið allt í haginn og er kominn
langleiðina með að tryggja forsetaframboð
sitt.
Michael Mantell leikur helsta keppinaut
Morris, ríkisstjórann Ted Pullmann frá
Arkansas. Frambjóðendurnir eru komnir til
Ohio þar sem þeir etja kappi og reyna báðir
að tryggja sér stuðning öldungardeildarþing-
manns sem Jeffrey Wright leikur en hann hef-
ur á undanförnum árum helst vakið athygli
sem CIA-maðurinn Felix Leiter í nýju James
Bond myndunum með Daniel Craig. Takist
Morris að tryggja sér stuðninginn er hann
nánast kominn alla leið en takist andstæðingn-
um slíkt hið sama getur allt gerst.
Og í Ohio æsast leikar og margir fram-
sóknarrýtingar fara á loft og flestum beint
að baki Morris. Fláráður kosningastjóri Pull-
manns, leikinn af hinum frábæra Paul Gia-
matti, boðar Myers á sinn fund og reynir að fá
hann til þess að skipta um
lið. Myers gefur sig ekki
og segist hafa fulla trú á
sínum manni og ætli að
fylgja honum á leiðarenda.
Giamatti gefur lítið fyrir
heiðarleika og trúfestu í
stjórnmálum og fullyrðir
að áður en upp verði staðið
muni Myers svíkja sjálfan
sig og allt sem hann trúir
á til þess að komast áfram.
Flækjustigið hækkar
enn þegar Myers byrjar að
sofa hjá ungri stúlku sem
Evan Rachel Wood leikur.
Hún er lærlingur á kosningaskrifstofu Morris
og dóttir formanns landsnefndar Demókrata-
flokksins. Þá blandast Marisa Tomei í spilið í
hlutverki harðrar blaðakonu frá New York Ti-
mes sem þjarmar að kosningastjóranum unga.
Í öllum þessum hamagangi koma ljót og við-
kvæm leyndarmál fram í dagsljósið og setið er
á svikráðum í hverju skúmaskoti þannig að
hver er næstur sjálfum sér í þessum pólitíska
hráskinnaleik og hinn hjartahreini Myers
kemst að því fullu verði að heiðarleiki er ekki
hollt veganesti í pólitík.
Myndin var tilnefnd til Gullna ljónsins á
kvikmyndahátíðinni í Feneyjum og George
Clooney fékk sérstök heiðursverðlaun, Brian-
verðlaunin, fyrir leikstjórnina.
Aðrir miðlar: Imdb: 7.5, Rotten Tomatoes: 85%,
Metacritic: 67/100.
Clooney oG GoslinG KosninGabarátta í anda shaKespeares
George Clooney leikstýrir pólitísku spennumyndinni Ides of March sem sækir titil sinn í leikrit
Shakespeares um Júlíus Sesar með vísan til þess að nánir samstarfsmenn og vinir Seasar tóku
þátt í að myrða hann þann 15. mars árið 44 fyrir Krist. Clooney hefur safnað í kringum sig
firnasterkum leikarahópi þar sem Ryan Gosling, Philip Seymour Hoffman, Paul Giamatti, Evan
Rachel Wood og Marisa Tomei láta til sín taka ásamt Clooney sjálfum.
Þórarinn Þórarinsson
toti@frettatiminn.is
bíó
Pólitísk svikráð í mars
Ryan Gosling stendur þétt að baki George Clooney í kosningabaráttunni en mun hann enda í hlutverki Brútusar?
Frumsýndar
Ben Stiller leikur hrak-
fallabálkinn Josh Kovacs
sem tapar öllu sínu fé, þar
á meðal lífeyrissparnaði,
þegar pýramídasvindl
hrappsins Arthurs Shaw
hrynur. Shaw, sem er leikinn
af gamla brýninu Alan Alda,
er haldið í stofufangelsi í
svítu sinni í turnbyggingu
á Manhattan þar sem hann
býður dóms. Kovacs finnst
hann hafa það grunsamlega gott í turninum og kemst að því að þar lúrir Shaw á tuttugu
milljón dollara. Kovacs ákveður að launa svindlaranum lambið gráa og safnar saman liði til
þess að ræna falda fénu úr turninum.
Brett Ratner leikstýrir fulltrúum þriggja kynslóða gamanleikara, Alda, Murphy og Stiller, í
þessu spennugríni en Ratner á að baki myndir eins og X-Men: The Last Stand, Red Dragon
og Rush Hour.
Í öðrum hlutverkum er ágætisfólk á borð við Casey Affleck, Matthew Broderick og Téa
Leoni.
Aðrir miðlar: Imdb: 6.7, Rotten Tomatoes: 70%, Metacritic: 59/100.
Fyndnir menn fremja rán
Ferðasaga
Bakka-Baldurs
Þorfinnur Guðnason hefur getið sér
gott orð fyrir heimildarmyndir sínar
en á meðal verka hans eru hinar
ógleyman-
legu myndir
um Lalla
Johns og
hagamúsina
Óskar. Nýj-
asta mynd
Þorfinns er
frumsýnd
í Bíó Paradís í dag, föstudag, en
þar segir af Baldri Þórarinssyni frá
Bakka í Svarfaðardal sem hefur í tíu
ár átt sér þann draum að leggja land
undir fót og heimsækja gamlan vin
sem býr á eyju í miðju Kyrrahafi. En
þau eru mörg ljónin á veginum frá
Bakka að Stóru-Eyju, sem er hinum
megin á hnettinum.
Frumsýndar
Human Centipede 2
Hryllingsmyndin The Human Centipede var ágæt
fyrir sinn hatt en ekki var hún sérlega geðsleg
enda fjallaði hún um bilaðan skurðlækni sem
saumaði saman þrjár manneskjur og gerði úr
þeim gróteska margfætlu. Ekki tekur betra við í
framhaldinu þar sem kynferðislega brenglaður
aðdáandi fyrri myndarinnar ákveður að gera enn
betur en persóna þeirrar myndar og stefnir að
því að sauma saman tólf manneskjur og nauðga
konunni sem er öftust í halarófunni. Myndin er
ekki fyrir viðkvæma og er stranglega bönnuð
innan 18 ára.
Aðrir miðlar: Imdb: 4.4, Rotten Tomatoes:
26%, Metacritic: 17/100.
Flækjustigið
hækkar
enn þegar
Myers
byrjar að
sofa hjá
ungri stúlku
sem Evan
Rachel
Wood
leikur.
Mike Morris stefnir á forseta-
framboð fyrir Demókrataflokk-
inn með hjálp besta kosninga-
stjóra landsins, Steven Myers.
Smáralind 201 Kópavogur
Hverafold 1-3 112 Reykjavík 511 1710
svanhvit@svanhvit.is www.svanhvit.is
Opnunartími
Hverafold:
Virka daga 8:00–18:00 og
föstudaga 8:00–18:30
Opnunartími
í Smáralind:
Virka daga 11:00–19:00 og
laugardaga 11:00–18:00
SKYRTUTILBOÐ!
300 kr. skyrtan
– ef komið er með þrjár eða fleiri í einu.
Ófreskja í Paradís
Sci-fi klúbburinn Zardoz heldur sína þriðju kvik-
myndasýningu á föstudaginn en þá er fyrirhugað
að sýna Alien, meistaraverk Ridley Scott frá
árinu 1979. Í myndinni sam-
einaði Scott meistaralega
tvær kvikmyndagreinar;
hryllinginn og vísindaskáld-
skapinn, í mynd sem tók
ófáa áhorfendur á taugum
á sínum tíma. Framhalds-
myndirnar eru orðnar þrjár
og leikstjórinn vinnur nú
að laustengdnum forleik
þessa meistaraverks. Í aðalhlutverkum eru þau
Sigourney Weaer, Tom Skerrit, Ian Holm, Harry
Dean Stanton og John Hurt.
Sýningin hefst stundvíslega klukkan 20:00 í Bíó
Paradís.
ÓsKarinn allt í ruGli
Prúðuleikararnir í stað Murphy
Allt er í uppnámi í kringum undirbúning Óskars-
verðlaunahátíðarinnar, sem verður haldin í Los
Angeles í febrúar, eftir að leikstjórinn Brett
Ratner hætti sem framleiðandi hátíðarinnar
sem er jafnan mikið og glassúrhúðað sjónarspil.
Ratner hafði fengið Eddie Murphy til þess að
kynna herlegheitin en þeim varð vel til vina
þegar Ratner leikstýrði Murphy í The Tower
Heist. Murphy kaus að fylgja félaga sínum, hætti
við að kynna og tilkynnti það í vikunni.
Brian Grazer hefur tekið við framleiðslunni.
Kynninn vantar hins vegar og stungið hefur
verið upp á að hinir sprellfjörugu Prúðuleikarar
taki verkið að sér. Facebook-síða þar sem hvatt
er til þess að Prúðuleikurunum verði fengið
þetta vandasama verkefni var stofnuð
í febrúar og eftir að Murphy gekk úr
skaftinu hefur hugmyndin fengið byr
undir báða vængi. Eða hvað? Disney á
bæði Prúðuleikarana og ABC sjónvarps-
stöðina sem sendir út frá Óskarnum auk
þess sem fyrirtækið sendir frá sér nýja
bíómynd um Prúðuleikarana í lok þessa
mánaðar þannig að grunur leikur á að
hér sé um eina allsherjar auglýsinga-
brellu að ræða.
Svínka og Kermit yrðu varla í
neinum vandræðum með því að
afhenda nokkra Óskara og láta vel
valda brandara fylgja með.