Fréttatíminn - 19.10.2012, Blaðsíða 38

Ef ég man rétt
Minnið er sérkennilegt fyrirbrigði. Sumt
man maður, annað gleymist. Eflaust er það
vörn líkama og sálar að gleyma enda ómögu-
legt að burðast endalaust með allt sem gerist.
Samt gæti maður þegið að muna sumt betur,
að minnsta kosti var það svo á skóladögum
þegar taka þurfti próf. Þá var ekki á það að
treysta að allt sem lesið var festist í minni.
Margt staldrar þó við í kollinum á langri
leið, sem betur fer. Þannig man maður eftir
fólki, stöðum, atburðum og öðru því sem á
fjörur rekur. Sumt upplifir maður sjálfur,
annað festist í huganum eftir lestur, hlustun
eða áhorf.
Ýmsir muna atburði tiltölulega snemma
úr æsku. Það á ekki við um mig. Eitt og eitt
atvik kannski en varla mikið fyrir sex til sjö
ára aldur. Ég minnist þess að hafa farið í tíma-
kennslu sex ára. Á það ráð var brugðið í mínu
ungdæmi til að búa börn undir barnaskóla-
nám. Ég man ekki eftir náminu, sem eflaust
var í léttari kantinum, heldur að mér þótti
langt að fara gangandi.
Annað sem ég man frá því að ég var sjö
ára eru danstímar í gamla skátaheimilinu við
Snorrabraut í Reykjavík. Amma mín kostaði
dansnámskeiðið, taldi án efa að yngispilturinn
hefði gott af fótamenntinni. Mér þótti þeim
tíma hins vegar illa varið, vildi frekar vera í fót-
bolta. Það varð því ekki af framhaldsnámi sem
eflaust hefði komið sér vel síðar á lífsleiðinni.
Það þriðja sem ég man frá þessu aldurs-
skeiði er fyrsta ferð mín til sveitardvalar, þá
á áttunda ári. Væntanlega man ég það vegna
þeirrar röskunar það er fyrir barn að fara í
fyrsta skipti úr foreldrahúsum. Vel var tekið á
móti mér í sveitinni, enda fór ég þangað mörg
sumur í viðbót – og tel mig muna eftir hverri
þúfu þar á bæ.
Við hjónakornin förum stundum með
barnabörn, á aldrinum þriggja til sex ára, á
leiksýningar eða aðra viðburði. Það er dásam-
legt og vonandi þroskandi og skemmtilegt
fyrir börnin – eins og það er fyrir okkur. Litlar
líkur eru samt á því að þau muni þetta þegar
þau verða stór. Það verður bara að taka því.
Oft er treyst á minni þeirra sem eldri eru og
nú nýt ég þeirrar virðingarstöðu að vera elstur
á vinnustaðnum. Það þarf að vísu ekki mikið
til, innan um mig er að mestu ungt fólk, frá tví-
tugu upp í fertugt – aðeins stöku maður eldri
en það. Það kemur því fyrir að ég er spurður
um atburði fortíðar, treyst á að ég sé með þá
kórrétta í kollinum. Ég ber mig mannalega og
svara eftir minni, tel mig raunar fara
létt með það enda man ég hvar
ég var staddur þegar fréttin
barst um morð Kennedys
Bandaríkjaforseta í
nóvember 1963. Sá
minnisverði atburður
gerðist löngu áður en
þorri samstarfsmanna
minna fæddist – svo
það er ekki óeðlilegt
að maður láti drýginda-
lega og þykist muna sitt
af hverju.
En er það sem maður
þykist muna rétt – eða eru
þetta aðeins glefsur, misréttar
eða rangar eftir atvikum? Í
helgarpistli nýverið
rifjaði ég upp minningar frá áratugavist á DV,
meðan það var og hét, meðal annars sextugs-
afmæli Silju Aðalsteinsdóttur, menningarrit-
stjóra blaðsins, fyrir níu árum. Þar kom fram
að við vinnufélagarnir hefðum fært henni að
gjöf stækkaða blaðsíðu úr Þjóðviljanum frá
fæðingardegi hennar. Síðan var óbreytt nema
hvað – okkur og Silju til gamans og yndisauka
– nýttum við tölvutæknina og stungum við
inn lítilli frétt um fæðingu hennar, sem merk
þótti fyrir þær sakir að meybarnið fæddist
altalandi.
Öll var þessi frásögn sönn og rétt, eins og
fram kom í netspjalli okkar Silju
í framhaldi þessa – nema hvað
eiginmaður hennar, Gunnar
Karlsson sagnfræðipró-
fessor, benti á af fræðilegri
nákvæmni að síðan var
alls ekki úr Þjóðviljanum
heldur Vísi, annars forvera
DV. Ég taldi, níu árum
eftir afmælisveisluna,
víst að við, starfssystkin
Silju, hefðum nýtt okkur
blað byltingarinnar til
gamanmálanna, því
blaði sem Silja ritstýrði
fyrst kvenna, en ekki hið
borgaralega Reykjavíkur-
blað, Vísi. Svo var hins
vegar ekki. Síðan sjálf,
Jónas
Haraldsson
jonas@
frettatiminn.is
HELGARPISTILL
Te
ik
ni
ng
/H
ar
i
SIMPLY CLEVER
ŠKODA Octavia Driver’s Edition
Upplifðu enn meiri ŠKODA.
Aukabúnaður í Driver’s EditionŠKODA bifreiðar eru þekktar fyrir sparneytni og lága
bilanatíðni. Það þekkja hinir fjölmörgu Škoda eigendur á
Íslandi best. ŠKODA Octavia 1.6 TDI eyðir aðeins 4,5 lítrum á
hverja hundrað kílómetra og er margverðlaunaður í sparakstri.
Nú er komin glæsileg viðhafnarútgáfa, Octavia Driver’s Edition
sem gerir akstursupplifunina enn meiri og skemmtilegri.
ŠKODA Octavia Driver’s Edition kostar frá kr*:
3.740.000,-
*Octavia Driver’s Edition 1.6 TDI, 105 hestöfl, beinskiptur
Bolero hljómtæki með
6 diska magasíni og
12 hátölurum
15” álfelgur „PYXIS“
Fjarstýring í stýri
fyrir útvarp
Sóllúga Nálgunarvarar að
aftanverðu
Fullkomið Bluetooth
Premium kerfi með fjar­
stýringu í stýri fyrir síma
Umboðsmenn
Höldur Akureyri · Bílasala Selfoss · Bílás Akranesi · Hekla Reykjanesbæ · Heklusalurinn Ísafirði
38 viðhorf Helgin 19.-21. október 2012