Fréttatíminn - 27.04.2012, Blaðsíða 41
Helgin 27.-29. apríl 2012 framkvæmdir 41
Húshornið Sérfræðingar HúSeigendafélagSinS og Si leySa vandann
HúSHornið snýr aftur í næsta blaði. Lesendur Fréttatímans geta sent
fyrirspurnir er varða framkvæmdir og viðhald húsa á netfangið hushorn@huso.is
HúSHornið er unnið í samvinnu við Húseigendafélagið,
Nýsköpunarmiðstöð Íslands og Samtök iðnaðarins.
Eru rafmagnsmálin
í lagi á þínu heimili
r afmagnstaflan er hjarta rafkerfisins í hverju húsi. Um hana fer allt rafmagn
sem notað er á heimilinu. Öryggin
í rafmagnstöflunni eiga að varna
því að of mikið álag eða skamm-
hlaup valdi tjóni. Í eldri töflum eru
bræðivör sem skipta þarf um þegar
þau springa en í nýrri töflum eru
varrofar sem slá út við bilun eða of
mikið álag. Gamlar og illa farnar
rafmangstöflur geta verið hættu-
legar, ekki síst ef þær eru úr tré
eða staðsettar inni í skápum þar
sem nóg er um eldsmat. Bent skal
á að í öllum rafmagnstöflum er
mikilvægt að hafa skýrar og læsi-
legar merkingar sem sýna meðal
annars hvaða öryggi og hversu
sterk eru fyrir hvern húshluta.
Lekastraumsrofinn
Eitt helsta öryggistæki rafkerfis-
ins er lekastraumsrofinn. Ef út-
leiðsla verður í raflögn, til dæmis
vegna bilunar í jarðtengdu tæki,
á rofinn að slá út og rjúfa allan
straum. Lekastraumsrofi kemur
ekki að tilætluðum notum nema
raflögnin sé jarðtengd og kanna
þarf reglulega hvort hann virki
með því að ýta á prófhnappinn.
Innstungur
Við sækjum rafmagn fyrir þau
tæki sem við notum í innstungur
(tengla). Þær ættu að vera sem
víðast í hverri íbúð, helst fleiri en
ein í hverju herbergi. Innstungur
þurfa að vera vel festar og tengi-
klær eiga að sitja tryggilega í þeim
því að sambandsleysið getur valdið
hita. Áríðandi er að skipta strax
um brotin lok á innstungum til að
varna því að heimilisfólk eða gestir
komist í snertingu við rafmagn.
Hægt er að fá innstungur með
barnavörn og ýmsan annan búnað
til að varna því að óvitar stingi
hlutum í þær og skaði sig.
Ljósarofar
Á hverjum degi notum við ljósarofa
til þess að kveikja og slökkva
ljósin. Oft þarf að þreifa eftir
rofum í myrkri. Þess vegna er
afar brýnt að þeir séu vel festir,
heilir og óbrotnir þannig að sem
minnst hætta sé á að notandinn fái
straum úr þeim. Rofar slitna með
tímanum og sambandsleysi í þeim
getur bæði verið óþægilegt og var-
hugavert.
Leiðslur og klær
Leiðslur (lausataugar) flytja
rafmagnið frá innstungunum í
raftækin. Stundum þarf að nota
fjöltengi (fjöltengla) og þá er vert
að hafa í huga að ekki er gott að
hafa mörg orkufrek raftæki tengd
í eitt og sama fjöltengið. Einnig er
varasamt að flytja rafmagn langar
leiðir með grönnum, ójarðtengdum
framlengingarleiðslum. Brotnar
klær og leiðslur með skemmdri
einangrun bjóða hættunni heim.
Jafnframt þarf að gæta þess að
raftæki sem eiga að vera jarðtengd
séu tengd í jarðtengdar innstungur
og jarðtengingin ekki rofin með
ójarðtengdu fjöltengi eða fram-
lengingarleiðslu. Þetta á ekki síst
við um tölvur og ýmsan tölvu-
búnað.
Ljós og önnur raftæki
Oft má ráða af ljósum og öðrum
raftækjum hvort eitthvað er at-
hugavert við rafkerfið. Ef skipta
þarf oftar um perur í einu ljósa-
stæði en öðru getur það meðal
annars bent til bilunar. Ástæða er
til að minna á að röng stærð eða
gerð af peru getur orsakað bruna
vegna þess hita sem myndast í
ljósastæðinu. Til að mynda er vara-
samt að nota spegilperur í ljósa-
stæði sem ekki eru sérstaklega
gerð fyrir slíkar
Ef þú telur að ekki sé allt í lagi
með rafmagnið á heimilinu skaltu
fá löggiltan rafverktaka í lið með
þér til að tryggja öryggi fjölskyld-
unnar. Vanræksla og fúsk getur
reynst dýrkeypt og valdið ómæld-
um skaða.
Auðvelt er að finna löggiltan
rafverktaka á vefnum www.sart.
is. Þar er einnig hægt að taka
„rafmagnsprófið“ en niðurstöður
þess segja til um ástand raflagna á
heimilinu.
Ásbjörn R Jóhannesson
hushorn@huso.is
Oft má ráða af ljósum og öðrum heimilistækjum hvort eitthvað athugavert er við
rafkerfið.
Félag eldri borgara í Reykjavík og nágrenni kynnir byggingu 49 þjónustuíbúða að Hólabergi 84 í
Reykjavík. Íbúðirnar verða tengdar við Menningarmiðstöðina Gerðuberg þar sem mikið og öugt
félagslíf er fyrir eldri borgara. Að auki er bókasafn staðsett í Gerðubergi sem og mötuneyti.
Í nánasta umhver Gerðubergs er heilsugæsla, tannlæknastofa, bakarí, Fella- og Hólakirkja auk
þess sem Breiðholtslaug er hinum megin götunnar.
GLÆSILEGAR ÍBÚÐIR FYRIR ELDRI BORGARA
K YN N I R
Hólaberg 84, Reykjavík
FAGRABERG
Allar nánari
upplýsingar á
www.fagraberg.is
Söluaðili: Byr fasteignasala
Sími: 483 5800 - www.byrfasteign.is
Byggingaraðili:
Sveinbjörn Sigurðsson hf.
www.fagraberg.is
ÍBÚÐIRNAR VERÐA TILBÚNA
R
TIL AFHENDINGAR Í NÓVEM
BER!
Verð frá:
65 fm íbúð, stæði í bílakjallara
22.292.000,- kr.*
90 fm íbúð, stæði í bílakjallara
30.085.000,- kr.*
* Verð miðast við byggingavísitölu í apríl 2012.