Læknablaðið - 01.12.1968, Blaðsíða 50

LÆKNABLAÐIÐ
266
að frádregnum 15%, sem skyldu renna til skrifstofu læknafélaganna
fyrir ýmiss konar fyrirgreiðslu og þjónustu, meðan á deilunni stóð.
Sjóðurinn skyldi gegna því hlutverki að vera læknum til styrktar í
baráttunni fyrir bættum hag.
Þá var og samþykkt á fundinum að athuga möguleikana á því,
að allir læknar í landinu yrðu aðilar að slíkum sjóði og greiddu smá-
vægilega upphæð á ári hverju honum til eflingar. Nokkrir þeirra
lækna, sem gátu ekki mætt á fyrrgreindum fundi, hafa síðar lýst sig
samþykka gerðum og ályktunum fundarins. Ekki hefur enn náðst í þá
lækna, sem staddir eru erlendis, en vonir standa til, að þeir geri slíkt
hið sama. Það liggur því enn ekki fyrir, hver verði endanleg stofnfjár-
upphæð sjóðsins.
Víkingi H. Arnórssyni var falið að semja reglugerð fyrir væntan-
legan sjóð. Tillögur að slíkri reglugerð eru nú lagðar fyrir aðalfund
L.R. til samþykktar.
Örfáar skýringar skulu fylgja henni úr hlaði.
Varðandi 2. gr.:
Stofnfjárupphæð liggur ekki enn fyrir, eins og áður segir, en lík-
indi eru til, að hún verði, að viðbættum vöxtum, kr. 290.000.00.
Varðandi 6. gr.:
1. liður: L.í. greiðir árgjald í sjóðinn af árstillagi svæðafélaganna. Að
sögn gjaldkera L.í. er ósennilegt, að árstillagið þurfi að
hækka af þessum sökum og félagsgjald geti því haldizt
óbreytt. Þetta árgjald, eins og það er skilgreint í greininni,
myndi nema nú um kr. 600.00 á hvern fullgildan félags-
mann.
2. liður: Vísar til þess, ef læknar vildu auka framlög í sjóðinn, ef
mikils þykir við þurfa, eins og gerðist t. d. í launadeilunni
1966, þegar stofn þessa sjóðs varð til.
3. liður: Hugsazt gæti, að svæðafélögin eða Læknafélag íslands legðu
í sjóðinn einhvern hluta af umframtekjum sínum. í fram-
haldi af því er 3. liður 7. gr. hugsaður. Þegar sjóðnum vex
fiskur um hrygg, gæti hann e. t. v. veitt læknasamtökunum
framkvæmdalán.
Varðandi 5. og 12. gr.:
Enda þótt sjóðurinn heyri undir L.Í., þykir ekki ósanngjarnt, að
L.R., sem er langstærsta svæðafélagið og allir stofnendur sjóðsins til-
heyra, hafi mest ráð um, hverjir skipa stjórn hans. Sama sjónarmið er
haft í huga um skiptingu fjárins, verði sjóðurinn lagður niður.
Slíkur sjóður, sem nú er lagt til að stofnaður verði, hefur veiga-
miklu hlutverki að gegna fyrir íslenzka læknastétt.
Læknafélögin hafa ætíð búið við knappan fjárhag. Þeim hefur
því verið þrengri stakkur sniðinn með starfsemi sína en æskilegt er,
og læknar hafa ekki átt þar neinn fjárhagslegan bakhjarl í baráttu
sinni fyrir bættum kjörum.
Það er vonandi, að úr rætist í þeim efnum með sjóðsstofnun þess-
an.