Læknablaðið - 01.12.1968, Blaðsíða 85

LÆKNABLAÐIÐ
Aðalfundur
Félags norrænna heyrnarsjúklinga
291
Aðalfundur Félags norrænna heyrnarfræðinga (Nordisk Audio-
logisk Selskab) var haldinn í Domus Medica í Reykjavík dagana 20.
og 21. júní í sumar. Þetta er í fyrsta sinn, sem félagið heldur fund hér
á landi. Var hann haldinn hér í boði Félags háls-, nef- og eyrnalækna,
sem gerðist meðlimur í Félagi norrænna heyrnarfræðinga árið 1967.
Fundinn sóttu fulltrúar allra félaga háls-, nef- og eyrnalækna á
Norðurlöndum. Frá Danmörku formaðurinn, dr. med. Ole Bentzen, frá
Noregi Sverre Quist-Hanssen yfirlæknir, frá Svíþjóð Gunnar Lidén
yfirlæknir, frá Finnlandi Otto Meurman prófessor, og undirritaður
frá íslandi. Auk þess voru mættir fulltrúar nokkurra annarra félaga,
svo sem félaga heyrnaruppeldisfræðinga og félaga heyrnarskertra.
Alls sóttu fundinn 18 manns frá hinum Norðurlöndunum.
Fyrri fundardaginn voru flutt ávörp og erindi sem hér segir:
1) Formaður Félags háls-, nef- og eyrnalækna, Erlingur Þorsteinsson,
ávarpaði fundarmenn og bauð þá velkomna.
2) Frú Friede Briem sagði frá starfi Zontaklúbbs Reykjavíkur í þágu
heyrnardaufra barna.
3) Erlingur Þorsteinsson flutti erindi um eyrnalækningar á íslandi.
4) Gylfi Baldursson flutti erindi um störf heyrnardeildar Heilsu-
verndarstöðvar Reykjavíkur.
5) Brandur Jónsson, skólastjóri Heyrnleysingjaskólans, flutti erindi
um starfsemi skólans.
6) Stefán Skaftason flutti erindi um framtíð heyrnarmála á íslandi.
7) Umræður.
Seinni fundardaginn var auk venjulegra aðalfundarstarfa ákveðið
að veita frú Friede Briem verðlaun félagsins þetta ár fyrir störf í þágu
heyrnardaufra barna.
Þá var rætt um nauðsyn þess, að útvarp og sjónvarp flyttu almenn-
ingi fræðslu um málefni heyrnardaufra og heyrnardaufum kennslu í
varalestri. Var kosin nefnd, einn maður frá hverju Norðurlandanna,
til þess að athuga, hvernig slíkar útsendingar (dagskrár) ættu helzt
að vera, og til þess að hafa samband og viðræður við forráðamenn
hljóð- og sjónvarps. í nefndina var kosinn Stefán Skaftason fyrir ís-
land.
Auk þess var rætt um að skora á ríkisstjórnir Norðurlandanna að
leggja ekki toll á heyrnartæki, sem flutt væru inn í hlutaðeigandi land.
Ole Bentzen lagði til, að í stað þessa væri skorað á ríkisstjórnir Norður-
landanna, að þær létu alla, sem þess þyrftu með, fá heyrnartæki endur-
gjaldslaust að láni, eins og gert væri í Danmörku. Var þá upplýst, að
frá 1. júlí 1968 yrði það fyrirkomulag upp tekið í Svíþjóð.
Daginn eftir, hinn 22. júní, bauð Félag háls-, nef- og eyrnalækna
fundarmönnum í skemmtiferð.
Erlingur Þorsteinsson.