Sveitarstjórnarmál - 01.03.1996, Blaðsíða 50

ALMENNINGSBÓKASÖFN
það má segja að við höfum kastað okkur út í þessa sam-
vinnu líkt og maður sem fleygir sér til sunds í þeirri
góðu trú að hann muni bjarga sér. Við höfum hvorki
haft tíma né fjármagn til að skipuleggja samvinnuna bet-
ur, gera hana faglegri og þar með markvissari.
Verkefni framundan
í nóvember sl. var haldið námskeið í Finnlandi um
samvinnu milli sveitarfélaga um bókasafnamál. Finnar,
Norðmenn og Svíar hafa víða í heimalöndum sínum
stofnað til slíkrar samvinnu og voru nokkur dæmi kynnt
á námskeiðinu.
Aðallega er um að ræða tvenns konar samvinnu. Ann-
ars vegar nokkurra sveitarfélaga þar sem allsherjar upp-
stokkun er gerð. Uppbygging og þjónusta er endur-
skipulögð frá grunni. Hins vegar milli bókasafna nokk-
urra sveitarfélaga um ákveðna starfsþætti eins og bóka-
val og millisafnalán, sameiginlega gagnagrunna, sérhæf-
ingu og uppbyggingu ákveðinnar tegundar safngagna og
fleira.
Framkvæmdin er vandlega undirbúin. Lagt er af stað
með samþykki ráðamanna og í samvinnu við þá. Sótt er
um styrki til verkefnisins úr þar til gerðum sjóðum (því
miður eru engir slíkir hérlendis). Lagðar eru fram ítarleg-
ar tillögur og verklýsingar og fjármagn tryggt til fram-
kvæmdarinnar.
Þessar framkvæmdir eru allrar athygli verðar og margt
af þeim hægt að læra. Fyrirhugaður er fundur Sambands
íslenskra sveitarfélaga og almenningsbókavarða og verð-
ur samstarf án efa rætt þar. Víst er að ekki er vanþörf á
slíku samstarfi hér á landi eins og bókasafnamálum okk-
ar er nú varið.
SKIPULAGSMÁL
Hugmyndasamkeppni
um ísland árið 2018 og
skipulagsþing 1996
I tilefni þess að í ár eru liðin 75 ár
frá setningu fyrstu skipulagslaga á
Islandi efna umhverfisráðuneytið og
Skipulag ríkisins til hugmyndasam-
keppni undir yfirskriftinni „Island
árið 2018". I kjölfar hennar verður
haldið skipulagsþing á komandi
hausti þar sem fjallað verður um
framtíðarsýn byggðar og búsetu í
landinu og fleiri viðfangsefni skipu-
lagsmála.
Hugmyndasamkeppni
Tilgangur hugmyndasamkeppn-
innar „Island árið 2018“ er að vekja
athygli á skipulags- og umhverfis-
málum og hve hratt þau þróast.
Leitað er eftir hugmyndum og til-
lögum um stöðu og framtíð Islands
á nýrri öld með áherslu á þau atriði
sem sett eru fram í keppnislýsingu
eða önnur sértækari sem þátttakend-
ur kynnu að vilja koma að.
Samkeppnin er opin og öllum
heimil þátttaka.
Tillögur skal setja fram í greinar-
gerð og á uppdráttum, myndum eða
veggspjöldum. Ennfremur skal skila
útdrætti úr greinargerð. I keppnis-
lýsingu er að finna nánari upplýs-
ingar um skil tillagna.
Veitt verða verðlaun að heildar-
fjárhæð kr. 2.000.000 kr. Dómnefnd
ákveður skiptingu verðlaunafjár, en
allt að fimm tillögur verða verð-
launaðar. Ahugaverðum tillögum
verður einnig veitt viðurkenningin
„athyglisverð tillaga".
Keppnislýsing liggur frammi í
umhverfisráðuneytinu og hjá Skipu-
lagi ríkisins. Nánari upplýsingar fást
hjá trúnaðarmanni dómnefndar,
Huga Ólafssyni, deildarstjóra í um-
hverfisráðuneytinu.
Tillögum skal skila til trúnaðar-
manns dómnefndar fyrir I. júlí
1996.
Skipulagsþing
Aætlað er að halda skipulagsþing
á komandi hausti. Þátttaka verður
öllum heimil en lögð áhersla á að ná
til fagfólks og embættismanna sem
starfa að skipulagsmálum.
Gert er ráð fyrir tveggja daga
þingi. Fyrri daginn verður fjallað
um framtíðarsýn byggðar og búsetu
í landinu og stjórn skipulagsmála.
Síðari daginn verða tekin fyrir af-
markaðri þemu. Nánari dagskrá
verður kynnt þegar líða tekur á sum-
ar og þátttökuskráning auglýst.
ÝMISLEGT
Félags- og fræðslusvið
Akureyrarbæjar í nýtt
húsnæði
Félags- og fræðslusvið Akureyr-
arbæjar er flutt í nýtt húsnæði að
Glerárgötu 26 og eru nú allar deildir
sem heyra undir það sameinaðar
undireinu þaki.
Húsnæðið er á fjórum hæðum og
innréttað sérstaklega fyrir þessa
starfsemi. A þriðju hæð er félags-
málastofnun og ráðgjafardeild, á
annarri hæð skóla- og menningar-
deild, íþrótta- og tómstundadeild og
leikskóladeild og á hluta jarðhæðar
er vinnumiðlunarskrifstofan.
A efstu hæð er Svæðisskrifstofa
um málefni fatlaðra til húsa.
Enn er verið að vinna að innrétt-
ingu meginhluta jarðhæðar og er á
þessu stigi málsins nokkuð óákveð-
ið hvaða þjónusta verður þar.
Húsnæði þetta er allt mjög
smekklega innréttað og fylgir þörf-
um hverrar deildar eins og kostur er.
Þessar deildir hafa hingað til verið
dreifðar um bæinn í misjafnlega
hentugu húsnæði og er því munur-
inn mikill bæði fyrir starfsfólk og
viðskiptavini.
44