Sveitarstjórnarmál - 01.03.2003, Blaðsíða 15

Fjármál sveitarfélaga
Fresturinn lengdur
Félagsmálaráðherra leggur til að frestur sveitarfélaga til að afgreiða þriggja ára áætlun verði
lengdur samkvæmt frumvarpi til breytinga á sveitarstjórnarlögum.
Þetta er meðal annars gert vegna ítrekaðra óska frá sveitarstjórn-
um sem hafa taiið of skamman frest að þurfa að afgreiða þriggja
ára áætlun innan mánaðar frá því að fjárhagsáætlun ársins er
afgreidd. Þetta kemur fram í svari ráðuneytisins við athugasemd-
um sem Björn Bjarnason borgarfulItrúi gerði vegna dráttar á
afgreiðslu þriggja ára áætlun Reykjavíkurborgar en samkvæmt
sveitarstjórnarlögum skal hún afgreidd innan mánaðar frá af-
greiðslu fjárhagsáætlunar.
Björn óskaði leiðsagnar ráðherra við túlkun sveitarstjórnarlaga
um það meðal annars hvort ráðuneytinu sé heimilt að veita und-
anþágu frá áðurnefndum fresti og hvort slík undanþága tryggi
lögmæti þriggja ára áætlunar.
Formleg ósk nauðsynleg
í svari ráðuneytisins kemur fram að litið sé svo á að í ákvæðum
laga sé undirstrikað mikilvægi fjárhagsáætlana sveitarfélaga og að
eðlilegt sé að sveitarstjórnir afgreiði fjárhagsáætlun og þriggja ára
áætlun innan settra tímamarka. Jafnframt er vakin athygli á því að
ráðuneytinu sé heimilt að framlengja frest sveitarfélags til að skila
fjárhagsáætlun þegar brýnar ástæður séu fyrir hendi. Lögð hefur
verið áhersla á að sveitarstjórnir óski formlega eftir slíkum fresti
telji þær ekki unnt að afgreiða fjárhagsáætlun innan tilgreindra
tímamarka samkvæmt lögum. Ráðuneytinu er ekki heimilt að
veita sveitarstjórnum lengri fresttil afgreiðslu þriggja ára áætlunar
að öðru leyti.
Síðan segir í svari ráðuneytisins til Björns: „Þrátt fyrir það eru á
hverju ári allmörg sveitarfélög sem tilkynna ráðuneytinu að ekki
sé unnt að afgreiða þriggja ára áætlun [innan] lögboðins frests og
hefur ráðuneytið ekki talið ástæðu til að grípa til aðgerða gagn-
vart sveitarstjórnum þegar einungis er um IítiIsháttar drátt að
ræða. Þess í stað hefur ráðuneytið staðfest móttöku tilkynningar
og upplýst viðkomandi sveitarfélag um að tekið verði að svo
stöddu tillit til þeirra ástæðna sem fram koma í tilkynningu."
Hefur ekki áhrif
á gildi áætlunarinnar
Jafnframt er bent á að þótt afgreiðsla sveitarstjórnar dragist hafi
það engin áhrif á gildi fjárhagsáætlunar heldur geti slíkur dráttur
fyrst og fremst haft þau áhrif að heimild skorti til að inna af hendi
greiðslur úr sveitarsjóði. Sama máli gegni um þriggja ára áætlun.
„Þær heimildir sem ráðuneytið getur gripið til gagnvart sveitar-
stjórnum sem ekki virða þá fresti sem veittir eru í lögum eru þvf
eingöngu hin almennu úrræði skv. 102. gr. sveitarstjórnarlaga,
þ.e. að veita sveitarstjórn áminningu og skora á hana að bæta úr
vanrækslunni." Hið sama gildir um form fjárhagsáætlunarinnar
að því er fram kemur í svarinu. Verði sveitarstjórn ekki við áskor-
un ráðuneytis sé síðan eftir atvikum heimilt að stöðva greiðslur úr
Jöfnunarsjóði sveitarfélaga og krefjast dagsekta af þeim sem
ábyrgð bera á vanrækslunni.
Breyting framundan
Þess er að lokum getið í bréfi ráðuneytisins til Björns Bjarnasonar
að sveitarstjórnir hafi ítrekað komið því á framfæri við ráðuneytið
að tiltekinn frestur sé of skammur og að við þeim ábendingum
hafi félagsmálaráðherra nú brugðist því í frumvarpi til breytinga á
sveitarstjórnarlögum sé meðal annars gert ráð fyrir að heimilt
verði að afgreiða þriggja ára áætlun tveimur mánuðum eftir að
fjárhagsáætlun hefur hlotið afgreiðslu.
Öjung Skolp er engin fyrirstaða
PUMPEN - . , . / . .
ZuvarUttðigD Aúw2uo««ttiúrgu)0 fyrir okkur ne þig...
Brunndælur,
grunnvatnsdælur, skolpdælur
og brunnar fyrir sumarhús,
einb-fjölbýli, kaupstaði
og sveitafélöa.
Við hjálpum þér að finna réttu lausnina fyrir þig.
Dælur ehf
Sími 5 400 600
Fax 5 400 610
Fiskislóð 18,
hjalti@daelur.is