Morgunblaðið - 04.02.2012, Blaðsíða 40

Silja Björk Huldudóttir
silja@mbl.is
„Ég geri ráð fyrir að heimild-
armyndin Andlit norðursins hafi ver-
ið kveikjan að þessu, en myndin var
nýverið sýnd í franska sjónvarpinu
og víðar í Evrópu,“ segir ljósmynd-
arinn Ragnar Axelsson, RAX. Vísar
hann þar til þess að ljósmynd hans
prýðir forsíðuna á franska tímaritinu
Polka sem er eitt virtasta ljósmynda-
tímarit heims í dag. Í tímaritinu eru
birtar sjö opnumyndir úr síðustu bók
Ragnars, Andlit norðursins, ásamt
viðtali við hann um viðfangsefni
myndanna. Tímaritið fer varla fram
hjá neinum sem leggur leið sína til
Parísar um þessar mundir því for-
síðan hangir sem plakat á stræt-
isvagnastöðvum borgarinnar.
Nýverið kom út ljósmyndabók
með myndum Ragnars á Ítalíu, í
bókaröð um nokkra af þekktustu
ljósmyndurum samtímans og síðustu
áratuga sem Enrica Viganò ritstýrir,
en bókin um Ragnar er sú fimmta í
röðinni. Bókin er jafnframt sýning-
arskrá ljósmyndasýningar sem Vig-
anò setti saman með myndum Ragn-
ars fyrir Menningarmiðstöðina í
Mílanó (CMC). Samhliða sýningunni
í Mílanó sýnir Ragnar í London í
galleríinu Proud sem er til húsa á
King’s Road í Chelsea. Sú sýning var
opnuð í síðasta mánuði og lýkur 11.
mars næstkomandi.
„Proud er býsna virt gallerí sem er
þekktast fyrir sýningar sínar með
myndum af helstu rokkurum og
poppurum sögunnar, svo sem John
Lennon, David Bowie og Bítlunum.
Það má því segja að það sé býsna
djörf ákvörðun hjá sýningarhöld-
urum að sýna mig, þar sem mynd-
irnar mínar eru allt annars eðlis,“
segir Ragnar og bendir á að á neðri
hæðinni í galleríinu sé nú um stundir
sýning með myndum af liðsmönnum
Rolling Stones.
„Mér þótti nú ansi skemmtilegt að
sjá mynd eftir mig hanga við hliðina á
mynd af Keith Richards í sýningar-
glugga gallerísins, enda er ég mikill
aðdáandi hans,“ segir Ragnar kím-
inn.
Bæði þakklátur og stoltur
Að sögn Ragnars hefur hann feng-
ið geysimikil viðbrögð við heimild-
armyndinni Andlit norðursins
eða The Last Days of the
Arctic. Myndin hefur
verið sýnd í sjón-
varpi í mörgum
Evr-
ópulönd-
um og
verður
bráð-
lega sýnd
í Bandaríkj-
unum og Asíu.
Þannig berst
Ragnari fjöldinn
allur af tölvupóstum
víðs vegar að úr heim-
inum, frá fólki sem bæði
hefur hrifist af myndum hans
og íslenskri náttúru eins og hún birt-
ist í gegnum linsu Ragn-
ars. „Ég reyni eftir
fremsta megni að
svara öllum tölvu-
póstunum. Ég
er bæði
þakk-
látur og
stoltur yfir
þessum góðu
viðtökum,“
segir Ragnar og
tekur fram að sér
þyki hins vegar
mikilvægast að boð-
skapur mynda hans,
þar sem sjá má afleið-
ingar hlýnunar jarðar á
samfélag veiðimanna í norðri, komist
skilmerkilega til skila. „Ég hef lengi
haft trú á þessu efni og fundist að-
kallandi að miðla því. Því þykir mér
auðvitað vænt um að það snerti aðra
jafn djúpt og mig,“ segir Ragnar auð-
mjúkur.
Spurður hvað sé framundan hjá
honum segist Ragnar vera með að
minnsta kosti fjórar bækur í vinnslu.
Ein þeirra er bók um Land-
mannalaugar sem væntanleg er
næsta haust, en þar mun geta að líta
myndir sem Ragnar hefur tekið á
svæðinu á tuttugu árum. „Í raun má
segja að framtíðin fyrir mér sem ljós-
myndari hafi aldrei verið bjartari en
núna,“ segir Ragnar.
„Framtíðin aldrei verið bjartari“
 Sýnir í London og Mílanó auk þess
að vera á forsíðu tímaritsins Polka
Bókaröðin um merka ljósmynd-
ara sem Viganò ritstýrir.
Frá opnun Galleristinn Lucia Orsi, Enrica Viganò, Ragnar og Camillo Fornasierio
við opnun sýningar Ragnars í Menningarmiðstöðinni í Mílanó undir lok síðasta árs.
40 MENNING
MORGUNBLAÐIÐ LAUGARDAGUR 4. FEBRÚAR 2012
Í byrjun mars næstkomandi heldur
Sinfóníuhljómsveitin sérstaka tón-
listarhátíð, Tectonics, það sem Sin-
fóníuhljómsveitin og ungir íslenskir
tónlistarmenn úr raf- og spunageir-
anum koma saman, en einnig koma
fram erlendar stjörnur úr heimi sam-
tímatónlistarinnar, þeirra á meðal
breski píanóleikarinn John Tilbury
og ástralski tónlistarmaðurinn Oren
Ambarchi.
Áhersla verður lögð á að flytja
verk eftir Bandaríkjamanninn John
Cage og Magnús Blöndal Jóhanns-
son, helsta frumkvöðul íslenskrar
raftónlistar, en einnig verða flutt ým-
is verk innlendra og erlendra tón-
skálda, þar á meðal verk eftir Áka
Ásgeirsson og Jesper Pedersen, sem
valin voru úr innsendum hug-
myndum í tónverkasamkeppni sem
Sinfónían efndi til síðastliðið haust. Í
auglýsingu fyrir keppnina var því
lýst svo að verkin mættu ekki vera
meira en 20 mínútur á lengd og í
þeim ættu hinar ýmsu listgreinar að
mætast: „Það má vera fyrir heila sin-
fóníuhljómsveit eða hluta hennar, allt
niður í kammerhóp eða jafnvel ein-
leikshljóðfæri, auk þess sem nota má
vídeó, rafhljóð og/eða dans.“
Af þeim tónlistarmönnum sem
koma munu fram ýmist einir eða með
Sinfóníuhljómsveitinni má nefna
hljómsveitirnar Slowblow, Still-
uppsteypu og Reptilicus, píanóleik-
arana Davíð Þór Jónsson og Tinnu
Þorsteinsdóttur, tónlistarhópinn
S.L.Á.T.U.R, Þórönnu Björnsdóttur,
Kristínu Önnu Valtýsdóttur og
myndlistarmanninn Ragnar Kjart-
ansson, sem flytur einsöngsverk eftir
John Cage á hátíðinni.
Á hátíðinni verða þrennir tónleikar
helgaðir tónlist Magnúsar Blöndals
Jóhannssonar, þar af einir þar sem
flutt verða fjögur ný verk innblásin
af tónlist hans og pöntuð sérstaklega
fyrir tilefnið en tónskáldin eru Kira
Kira, Ríkharður H. Friðriksson og
Auxpan.
Á meðal annars sem boðið verður
upp á má nefna tónlist eftir banda-
rísku tónskáldin Christian Wolff og
Morton Feldman, Alvin Lucier og
Luciano Berio, sýndar verða kvik-
myndir um John Cage og Magnús
Blöndal Jóhannsson og Skóla-
hljómsveit Kópavogs og Brassband
bjóða upp á tónleika í anddyri Hörpu.
Til stendur að halda Tectonics-
hátíðina á hverju ári og á næsta ári er
stefnt að því að halda hana einnig er-
lendis. Listrænn stjórnandi hátíð-
arinnar og upphafsmaður hennar er
Ilan Volkov, aðalhljómsveitarstjóri
Sinfóníuhljómsveitar Íslands.
Sinfónían heldur
tónlistarhátíðina
Tectonics
 Verk Johns Cage og Magnúsar Blön-
dals Jóhannssonar í brennidepli
Upphafsmaður Ilan Volkov aðal-
hljómsveitarstjóri Sinfóníunnar.
Morgunblaðið/Kristinn
Kæri áskrifandi!
Framan áMorgunblaðinu í dag er nýttMoggaklúbbskort.
Kortið er sent til áskrifenda Morgunblaðsins.
Moggaklúbbsfélagar fá góð kjör á m.a. veitingahúsum,
bíóhúsum, utanlandsferðum, listviðburðum, bókum
auk fjölda annarra fríðinda.
Hafi kortið ekki borist þér
hafðu þá samband við
áskriftardeild eftir helgi
í síma 569-1100 eða
sendu okkur tölvupóst á
askrift@mbl.is
KORTIÐ G
ILDIR TIL
31. maí 2
012
– MEIRA
FYRIR ÁS
KRIFEND
UR
MOGGAKL
ÚBBURIN
N