Morgunblaðið - 10.07.2012, Qupperneq 36

ÞRIÐJUDAGUR 10. JÚLÍ 192. DAGUR ÁRSINS 2012
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 399 ÁSKRIFT 4390 HELGARÁSKRIFT 2750 PDF Á MBL.IS 2550
1. Ætlar ekki að lenda í því sama …
2. Át og drakk eftir lokun
3. Gríðarlegt rusl á Gaddstaðaflötum
4. Er Kim Jong-Un búinn að ná …
»MEST LESIÐ Á mbl.is
FÓLK Í FRÉTTUM
 KK og Ellen Kristjánsdóttir munu
halda jólatónleika í Eldborg í Hörpu,
12. desember nk. með fjölda tónlist-
armanna. Má þar nefna Mugison,
Guðmund Pétursson, Magnús Eiríks-
son og Eyþór Gunnarsson.
Ljósmynd/Baldur Kristjánsson
KK og Ellen halda
jólatónleika í Eldborg
 Tónlistarspek-
ingurinn Arnar
Eggert Thorodd-
sen ætlar að
grisja plötusafn
sitt um næstu
helgi, 14. og 15.
júlí, og selja um
tíu þúsund skífur,
vínylplötur og
geisladiska, við heimili sitt í Auðar-
stræti 13 í Reykjavík. Plötumarkaður-
inn hefst kl. 11 og lýkur kl. 17 báða
daga.
Arnar Eggert
grisjar plötusafnið
 „Hann er mættur!“ nefnist nýlegt
myndband frá SkjáEinum á YouTube
en í því sést skuggamynd af manni í
hlýrabol með brennandi pálmatré í
bakgrunni. Virðist sem Johnny Nat-
ional sé þar mættur, þáttastjórnand-
inn sem Erpur Ey-
vindarson túlkaði
eitt sinn á skján-
um. Skyldi hann
vera á leiðinni á
SkjáEinn á ný?
Einhver er a.m.k.
mættur.
Snýr Johnny National
aftur á SkjáEinum?
Á miðvikudag og fimmtudag Hæg breytileg átt, víða léttskýjað
og fremur hlýtt, en stöku skúrir S-lands. Hiti 10 til 18 stig.
Á föstudag, laugardag og sunnudag Fremur hæg norðlæg eða
breytileg átt. Skýjað með köflum og áfram hlýtt í veðri.
SPÁ KL. 12.00 Í DAG Fremur hæg norðlæg átt og léttskýjað á
köflum. Hiti 6 til 17 stig, hlýjast SV-lands.
VEÐUR
Stjarnan, KR, Grindavík og
1. deildarlið Þróttar munu
leika í undanúrslitum Borg-
unarbikarsins í knattspyrnu
karla. Stjarnan var síðasta
liðið til að tryggja sér sæti í
undanúrslitin í gærkvöldi
þegar liðið sló Fram út í átta
liða úrslitunum. Miðherjinn
Garðar Jóhannsson skoraði
tvö skallamörk í 2:1 sigri
Garðbæinga en Sam Tillen
skoraði beint úr auka-
spyrnu fyrir Fram. »3
Tvö skallamörk
hjá Garðari
Ekki tókst að ljúka í gær við að velja
íslenska landsliðshópinn í handknatt-
leik sem tekur þátt í Ól-
ympíuleikunum sem
hefjast í London undir
lok þessa mánaðar.
Ástæðan er sú að
meiðsli hrjá a.m.k.
tvo leikmenn og
vildi Guðmundur
Þórður Guð-
mundsson lands-
liðsþjálfari að
minnsta kosti gefa sér
daginn í gær til þess að
fá úr því skorið hvort
umræddir leikmenn
gætu tekið þátt eða
ekki. Hópurinn verður
tilkynntur í dag. »4
Landsliðshópur ekki
klár vegna meiðsla
Lára Kristín Pedersen tryggði Aftur-
eldingu afar óvæntan 1:0 sigur á
bikarmeisturum Vals í Pepsideild
kvenna í knattspyrnu í gærkvöldi.
Hún sagði sigurinn afar ánægjulegan,
ekki síst í ljósi þess að þetta væri
fyrsti sigur Aftureldingar á Val í
meistaraflokki. Með sigrinum komst
Afturelding upp úr fallsæti en Valur
dróst enn aftur úr titilbaráttunni. »2
Aftureldingarkonur
unnu Val í fyrsta sinn
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Kristján H. Johannessen
khj@mbl.is
„Við opnuðum vitann fyrir almenn-
ingi um miðjan marsmánuð, í sam-
vinnu við Akraneskaupstað, og erum
að gefa fólki færi á að njóta útsýn-
isins,“ segir Hilmar Sigvaldason,
áhugamaður um íslenska vita og for-
maður Vitans ljósmyndafélags, og
vísar til Akranesvita sem stendur á
Breiðinni á Akranesi.
Akranesviti var reistur árið 1944
eftir teikningu Axels Sveinssonar
verkfræðings og teygir hann sig
tæplega 23 metra upp í loftið.
Skammt frá stendur gamli vitinn
sem reistur var árið 1918.
Vinsæll heim að sækja
Hilmar segir fólk almennt vera
áhugasamt um íslenska vita enda
um að ræða nokkuð forvitnileg
mannvirki. Fjölmargir ferðalangar
hafa að undanförnu freistast til að
skoða Akranesvita eftir opnun hans
en auk stórbrotins útsýnis af toppi
mannvirkisins er einnig hægt að
njóta ljósmyndasýningar og hlýða á
stöku tónleika í sumar.
„Það er búið að halda tvenna tón-
leika og fleiri eru væntanlegir á
næstunni,“ segir Hilmar og bætir
við að hljómburðurinn inni í vitanum
sé hreint út sagt magnaður og
óvenjulegur í ljósi þess að bergmál
sé fremur mikið. „Þegar það er
sungið í vitanum er hljóðið um sjö
sekúndur að deyja út.“
Akraneskaupstaður aug-
lýsti eftir spennandi hug-
myndum á sínum tíma til að
auka ferðamannastraum
um sveitarfélagið og þann-
ig varð þessi skemmtilega
hugmynd til um að nýta
vitann.
„Það var gömul gesta-
bók í vitanum frá 1947 og
voru nöfnin í þeirri bók
innan við 150 en frá því
að vitinn var opnaður um miðjan
mars eru komnar a.m.k. 1.500 undir-
skriftir,“ segir Hilmar og bætir við
að jafnt innlendir sem erlendir
ferðamenn hafi lagt leið sína
þangað.
Glæsileg kennileiti
Hópur fólks hefur að undanförnu
unnið hörðum höndum að því að
hreinsa svæðið í kringum vitana tvo
en að auki hefur yngri vitinn gengið
í gegnum viðgerðarferli. Þeim við-
gerðum er nú lokið og segir Hilmar
Akranesvita glæsilegan og kaupstað
sínum til mikils sóma.
Vert er að benda áhugasömum á
að í sumar verður hægt að skoða það
sem vitinn hefur upp á að bjóða alla
laugardaga milli klukkan 11 og 16.
Gamall vinur öðlast nýtt gildi
 Almenningi
gefst kostur á að
skoða Akranesvita
Ljósmynd/Hilmar Sigvaldason
Heimsókn Þessi fríði hópur heimsótti Akranesvita í lok aprílmánaðar en um var að ræða 50 manna hóp starfs-
manna af Hrafnistu sem allir skemmtu sér konunglega. Hægt er að skoða vitann alla laugardaga í sumar.
Við hlið Akranesvita stendur gamli
vitinn sem reistur var eftir teikn-
ingu Thorvalds Krabbe, vita-
málastjóra og verkfræðings, árið
1918. Gamli vitinn hefur mátt
muna sinn fífil fegri en hann hefur
ekki verið notaður frá árinu
1947 og hefur hann þurft að
sæta slæmri umgengni í gegnum
árin.
Hilmar segir það standa til að
dytta að gamla vitanum enda sé
um að ræða sögulegt mannvirki
sem vert er að varðveita.
„Það á að taka gamla vitann al-
veg í gegn í sumar, hann er mjög
illa farinn,“ segir Hilmar og bendir
á að vitinn hefur margsinnis orðið
fyrir barðinu á skemmdarvörgum
sem m.a. hafa brotið í honum allar
rúður. „Þetta stendur allt til bóta.
Það á í raun að taka allt svæðið
þarna og gera að útivistar-
paradís.“
Gamli vitinn fær umhirðu
HEFUR ÞURFT AÐ ÞOLA HRÆÐILEGA UMGENGNI