Morgunblaðið - 01.09.2012, Page 14

BAKSVIÐ
Kjartan Kjartansson
kjartan@mbl.is
„Okkar sérfræðingar segja að ef við
höldum okkur við það sem lagt hefur
verið upp með þá sé ekki meiri
hætta af þessari starfsemi hér en
meðalstóru dekkjaverkstæði til
dæmis,“ segir Einar Ásgeirsson,
framkvæmdastjóri endurvinnslufyr-
irtækisins Hringrásar í Klettagörð-
um við Sundahöfn.
Stjórn Faxaflóahafna samþykkti á
fundi á föstudag fyrir viku að beina
þeim tilmælum til heilbrigðiseftirlits
Reykjavíkurborgar að heimila ekki
fyrirtækinu að geyma eða með-
höndla dekk á starfssvæði sínu.
Eru þau tilmæli sögð í samræmi
við efni áhættumats sem slökkviliðs-
stjóri höfuðborgarsvæðisins lét
vinna á starfseminni eftir íkveikju í
dekkjum þar í júlí í fyrra. Eldsvoð-
inn þá var annar stóri dekkjabrun-
inn hjá fyrirtækinu á átta árum en
árið 2004 þurfti fjöldi manns að flýja
heimili sín þegar eitraðan reyk lagði
yfir íbúðabyggð í nágreninu.
Ekki gert ráð fyrir íkveikju
Einar segir hins vegar að áhættu-
matið sé úrelt þar sem það miðist við
aðstæður hjá fyrirtækinu fyrir brun-
ann í fyrra. Síðan sé búið að verja
hátt í tvö hundruð milljónum króna í
að bæta öryggi, forvarnir og búnað.
„Bruninn var mikil vonbrigði fyrir
okkur því við vorum búin að ráðast í
miklar fjárfestingar og fram-
kvæmdir á svæðinu til að lágmarka
áhættu. Það sem okkur láðist að
gera var að horfa til þess að það gæti
verið kveikt í. Það er svo það sem
gerðist,“ segir hann.
Í kjölfar íkveikjunnar er búið að
bæta eftirlit með svæðinu og lýsa
það frekar upp svo eitthvað sé nefnt.
Hvað varðar eldvarnirnar þá segir
Einar að búið sé að skipta lagernum
upp í fjögur hólf sem hvert um sig
tekur um hundrað rúmmetra af hjól-
börðum. Ef eldur komi upp komi
hólfaskiptingin í veg fyrir að hann
læsi sig í alla stæðuna eins og gerð-
ist í fyrra.
Þá hefur verið dregið mjög úr
þeim dekkjalager sem er á svæðinu
á hverjum tíma. Starfsleyfi fyr-
irtækisins gerði ráð fyrir að það
mætti hafa 1.000 rúmmetra af
dekkjum á svæðinu en samkvæmt
bráðabrigðaleyfi sem það hefur
starfað eftir í kjölfar eldsvoðans er
leyfilegt magn 300 rúmmetrar.
Að sögn Einars er magnið af
dekkjum á svæðinu nú innan við þau
mörk sem bráðabrigðastarfsleyfið
kveður á um. Það sé meðal annars
því að þakka að vinnslan á dekkj-
unum gangi nú hraðar með afkasta-
meiri tækjum sem hafi verið fengin
eftir brunann. Vélarnar tæta dekkin
niður í gúmmíkurl og málm sem svo
eru sett í gám og seld úr landi.
„Við afköstum margfalt á við það
sem við gerðum áður. Aðalforvörnin
felst í þessu örugga og góða flæði
sem er á efninu í dag. Efnið er unnið
jafnóðum og selt sem gjaldeyr-
isskapandi útflutningsvara á erlend-
an markað,“ segir hann.
Bættar aðstæður frá bruna
 Framkvæmdastjóri Hringrásar segir hættuna nú álíka og er í meðalstóru dekkjaverkstæði
 Hafa varið um 200 milljónum í bætt öryggi, forvarnir og tækjabúnað frá brunanum í fyrra
Morgunblaðið/Árni Sæberg
Morgunblaðið/Júlíus
Umbætur Hér má sjá eitt eldvarnarhólfanna fjögurra sem sett voru upp eftir brunann í fyrra. Þau eiga að koma í veg fyrir að eldur geti kviknað í öllum
dekkjabirgðunum. Þá reyndust stórvirkar vinnuvélar á borð við þessar vel í slökkvistarfinu í fyrra til að færa til efni og slökkva í því.
Förgun dekkja
» Skv. upplýsingum frá Úr-
vinnslusjóði bárust 4.122 tonn
af hjólbörðum til endurvinnslu
á árinu 2011.
» Fjöldi fyrirtækja tekur við
dekkjum en Hringrás er lang-
stærst þeirra. Það tók við yfir
2.000 tonnum á síðasta ári.
» Hringrás tekur á móti og
vinnur 150-300 tonn á mánuði.
» Þegar eldurinn kviknaði í
fyrra voru um 900 rúmmetrar
af dekkjum á vinnusvæðinu í
Klettagörðum en starfsleyfið
heimilaði 1.000 rúmmetra.
» Nú er magnið á svæðinu
undir þeim 300 rúmmetrum
sem bráðabrigðastarfsleyfi
kveður á um.
Íkveikja Tugir slökkviliðsmanna glímdu við eldinn í dekkjunum á lóð Hringrásar í fyrra og tók slökkvistarfið fleiri
klukkustundir. Mun minna er af dekkjum á svæðinu í dag og má aðeins stafla þeim upp í þriggja metra hæð.
14 FRÉTTIRInnlent
MORGUNBLAÐIÐ LAUGARDAGUR 1. SEPTEMBER 2012
Ævintýri
Múmínsnáða
www.forlagid.is – alvöru bókabúð á netinu
Gleymdu þér í töfraheimi Múmíndals …
Skannaðu kóðann
til að sjá mynd-
skeið um Hringrás.