Morgunblaðið - 15.03.2013, Blaðsíða 20
20 FRÉTTIRInnlent
MORGUNBLAÐIÐ FÖSTUDAGUR 15. MARS 2013
Guðni Einarsson
gudni@mbl.is
Mikið hefur dregið úr fiskgengd og
fiskveiði í Lagarfljóti og hliðarám
þess eftir að farið var að veita vatni
frá Kárahnjúkavirkjun í fljótið, að
sögn Jósefs Valgarðs Þorvaldssonar,
formanns Veiðifélags Lagarfljóts.
Hann nefndi til dæmis mann sem
veiddi 200-300 laxa á ári í net á árum
áður en fékk aðeins tvo fiska í netin í
fyrra. Sá býr fyrir neðan Lagarfoss.
„Það hefur verið minnkandi veiði,“
sagði Jósef. „Það var alveg vitað að
svona færi. Til að fiskur rati upp í
vatn þarf hann að sjá. Rýnið er orðið
svo til ekkert í fljótinu.“
Jósef sagði að veiðin hefði minnk-
að báðum megin við laxastigann hjá
Lagarfossi. Stangveiði hefur verið
stunduð í hliðarám Lagarfljóts en
svolítil netaveiði hefur verið í fljótinu
sjálfu frá fornu fari.
Bæði hefur verið lax og silungur,
það er sjóbirtingur, í Lagarfljóti.
Undanfarin þrjú ár voru sett sendi-
tæki á nokkra fiska sem fóru um
laxastigann við Lagarfoss til að
fylgjast með ferðum þeirra. Send-
ingarnar sýndu að fiskurinn gekk úr
sjó til að hrygna í hliðarám Lagar-
fljóts. Jósef sagði menn hefðu einnig
tekið eftir því að laxinn syndir mjög
ofarlega í vatnsborðinu, með uggann
upp úr. Mönnum hefur helst dottið í
hug að þetta geri laxinn til að sjá
eitthvað frá sér.
Jósef sagði að varað hefði verið við
að svona færi í umhverfismats-
skýrslu sem gerð var áður en Kára-
hnjúkavirkjun var byggð. Þáverandi
umhverfisráðherra hefði hnekkt
niðurstöðum skýrslunnar.
„Ég vona að vísindamenn séu
komnir með einhverja lausn á málinu
því þeir hafa haft tíu ár til að hugsa,“
sagði Jósef. Hann sagði að aurinn í
fljótinu verði að fara til sjávar, en
það sé mögulegt að láta frárennsli
virkjunarinnar fara í sérstakan
stokk út fljótið eða bora göng niður í
Berufjörð fyrir virkjunarvatnið. Ef
það hefði verið gert strax hefði ekki
þurft að fara í dýrar mótvægis-
aðgerðir vegna landbrots við Lagar-
fljót. Eins hefði lífríkið í Lagarfljóti
þá haldist óbreytt eða betra.
Ljósmynd/Sigurður Aðalsteinsson
Lagarfljót Bergvatn Grímsár blandast brúnu vatni Lagarfljóts við Ketils-
staði á Völlum. Unalækur, Stangarás og Keldhólar í baksýn.
Minni fiskgengd
er í Lagarfljóti
Netaveiði eins bóndans fór úr 200-300
löxum á ári á árum áður í tvo laxa í fyrra
Landhelgisgæslan hefur sent upp-
lýsingar um siglingu erlends olíu-
skips og íslensks loðnuskips til
Rannsóknanefndar sjóslysa. Skip-
stjóra olíuskipsins þótti vera óþægi-
lega stutt á milli skipanna þar sem
þau voru norður af Garðskaga í nátt-
myrkri snemma í fyrradag. Rann-
sóknanefndin mun væntanlega
leggja mat á siglingu skipanna
ásamt sérfræðingum sínum.
Ásgrímur L. Ásgrímsson, fram-
kvæmdastjóri aðgerðasviðs Land-
helgisgæslunnar, sagði að um ein
sjómíla (1.852 m) hefði verið á milli
skipanna þegar skemmst var. Skip-
stjóri olíuskipsins hefði metið það
svo að það stefndi í að óþægilega
stutt yrði á milli skipanna. Bæði
skipin voru á siglingaleið sem m.a.
olíuskipum er ætlað að fara. Olíu-
skipið var búið að losa farm sinn og
var á leið frá landinu.
Skipstjóri olíuskipsins hafði sam-
band við Vaktstöð siglinga og spurði
hvort hún gæti náð sambandi við
skipstjóra loðnuskipsins, því honum
hafði ekki tekist það. Vaktstöðin
náði ekki heldur sambandi við loðnu-
skipið. gudni@mbl.is
Morgunblaðið/Árni Sæberg
Vaktstöð siglinga Ekki náðist í
loðnuskipið. Myndin er úr safni.
Þótti of stutt á milli skipanna
Allt
á einum stað!
Lágmarks
biðtími www.bilaattan.is
Bílaverkstæði
Dekkjaverkstæði
Smurstöð
Varahlutir
Hæstiréttur hefur dæmt konu í
fimm mánaða skilorðsbundið fang-
elsi fyrir eignaspjöll og að hafa í kjöl-
farið sparkað í tvö lögreglumenn við
skyldustörf. Hæstiréttur staðfesti
dóm héraðsdóms og gerði konunni
að greiða allan sakarkostnað. Konan
var ákærð vegna atburða sem urðu í
nóvember 2010.
Samkvæmt skýrslu lögreglu kall-
aði nágrannakona konunnar eftir að-
stoð lögreglu vegna þess að hún væri
að berja húsið að utan. Þegar lög-
reglumenn komu að húsinu var búið
að brjóta tvær rúður í glugga á bak-
hlið hússins. Lögreglan ræddi við
konuna. Í skýrslunni segir að konan
hafi barið húsið að utan með teppa-
bankara og hefðu rúðurnar brotnað
við þetta. Kom fram að deilur hefðu
verið milli kvennanna vegna sólpalls.
Lögreglan bað konuna um að láta
hús nágrannanna í friði og fóru lög-
reglumenn því næst af vettvangi.
Nokkru síðar barst tilkynning til
lögreglu um að konan væri aftur
komin að húsi nágranna sinna og bú-
in að brjóta rúðu. Aftur kom lögregla
á vettvang og fékk konan tiltal. Það
dugði ekki því að lögreglan var í
þriðja sinn beðin um að koma til að-
stoðar. Þá var búið að brjóta enn
eina rúðuna.
Í kjölfarið var konan handtekin,
handjárnuð og flutt í fangageymslu.
Konan lét ófriðlega á lögreglustöð-
inni og reyndi að slá til lögreglu-
manns og sparkaði í tvo lögreglu-
menn. Meðal gagna málsins var
hljóð- og myndbandsupptaka sem
sýnir samskipti ákærðu við lögreglu-
menn við inngang lögreglustöðvar-
innar, í herbergi varðstjóra, í lyftu
og á svokölluðum fangagangi,
framan við fangaklefa.
Auk fangelsisdómsins var konunni
gert að greiða málskostnað og
skaðabætur vegna skemmda á húsi
nágranna sinna.
Dæmd fyrir eignaspjöll
og spörk í lögreglumenn
Morgunblaðið/Brynjar Gauti