Morgunblaðið - 15.04.2013, Qupperneq 7

ENGLAND
Tómas Þór Þórðarson
tomas@mbl.is
„Ég valdi mér treyju númer 20 því ég
er hingað kominn til að vinna 20.
Englandsmeistaratitil Manchester
United,“ sagði Robin van Persie þeg-
ar hann skrifaði undir hjá United síð-
asta sumar. Þó Hollendingurinn hafi
verið ískaldur undanfarnar vikur á
hann þó stóran þátt í því að sá 20. er á
leið á Old Trafford.
Markastífla Van Persies sem
byggð var í byrjun febrúar brast
loksins á Brittania-vellinum í gær þar
sem United vann Stoke, 2:0, og náði
aftur 15 stiga forskoti á toppi deild-
arinnar. Það var augljóslega þungu
fargi létt af Hollendingnum sem
hljóp rakleiðis til Sir Alex Fergusons
og faðmaði Skotann innilega.
20 happatalan í ár
Leikmaður í treyju númer 20 skor-
aði sitt 20. mark fyrir United í úrvals-
deildinni og með því tók liðið enn eitt
skrefið í átt að 20. Englandsmeist-
aratitilinum.
Markið skoraði Van Persie úr víti
sem hann fiskaði sjálfur. „Þetta var
risastór sigur. Markið mitt kom á
mikilvægum tímapunkti leiksins. Að-
alatriðið í dag var að vinna leikinn.
Mér var alveg sama hver skoraði,“
sagði Van Persie við BBC eftir leik-
inn.
Loks tapaði Chelsea í bikar
Ótrúlegu gengi Chelsea í ensku
bikarkeppninni undanfarin ár lauk í
gær þegar liðið tapaði fyrir Man-
chester City, 2:1, í undanúrslitum á
Wembley. Wembley hefur nánast
verið annar heimavöllur Chelsea sem
drottnað hefur yfir bikarkeppninni
undanfarið. Fyrir leikinn í gær hafði
Chelsea ekki tapað í 30 bikarleikjum í
röð (vítaspyrnukeppnir ekki teknar
með) og unnið bikarinn þrisvar sinn-
um á síðustu fjórum árum.
Samir Nasri og Sergio Agüero
skoruðu mörk Manchester City sem
fær gullið tækifæri til að vinna bikar
þriðja árið í röð undir stjórn Manc-
inis.
Tvær stórar ákvarðanir dómarans
féllu ekki með Chelsea. Lundúnaliðið
vildi vítaspyrnu og einnig rautt
spjald á Agüero fyrir ljótt brot á Dav-
id Luiz.
„Var þetta víti? Já, augljóslega.
Skoðið bara upptökuna. Það eru tvö
svona atriði í seinni hálfleik. Víta-
spyrnudómurinn hefði skipt öllu,“
sagði Rafael Benítez reiður eftir leik-
inn.
Skammarleg slagsmál
Wigan mætir City í úrslitum eftir
sigur á B-deildarliði Millwall, 2:0, í
undanúrslitum á Wembley á laug-
ardaginn. Þar sem Millwall vann ekki
leikinn ákváðu stuðningsmenn liðsins
að minna á sig með slagsmálum uppi í
stúku.
Fullorðnir karlmenn blóðguðu
hver annan á meðan börn þeirra
grétu óttaslegin. Ömurleg hegðun og
er vonandi að sem flestir sem náðust
á mynd fái væna refsingu.
20 – 20 – 20 hjá United
 Stíflan brast loksins hjá Robin van Persie í sigri United á Stoke
 Manchester City mætir Wigan í úrslitum bikarkeppninnar
AFP
Fögnuður Sir Alex Ferguson fagn-
ar sigrinum gegn Stoke City í gær.
JÚDÓ
Sindri Sverrisson
sindris@mbl.is
„Mann var búið að klæja í puttana í
vetur, enda lítið búinn að keppa á
mótum. Það var skemmtilegt að fá
að takast á við þetta,“ sagði Þor-
móður Árni Jónsson, fremsti júdó-
kappi landsins, en hann varð tvöfald-
ur Íslandsmeistari í
Laugardalshöllinni um helgina.
Þormóður, sem hefur haft heldur
hægt um sig frá Ólympíuleikunum í
ágúst, vann sinn þyngdarflokk, +100
kg flokkinn, með miklum yfirburðum
og vann svo einnig opna flokkinn þar
sem hann fékk betri mótspyrnu frá
vini sínum og liðsfélaga úr JR, Jóni
Þór Þórarinssyni.
„Ég held að ég sé ekki að ýkja ef
ég segi að ég hafi unnið flokkinn
minn samanlagt á tveimur mín-
útum,“ sagði Þormóður kokhraustur
en hann glímdi þrjár glímur í sínum
þyngdarflokki. Hann sagði það
óvænt að Jón Þór skyldi verða and-
stæðingurinn í úrslitum opna flokks-
ins.
„Erfitt að peppa sig upp“
„Við erum miklir félagar. Það var
ansi óvænt að hann skyldi komast í
úrslit enda bara 82 kg. Hann sló út
Sævar Róbertsson sem ég held að sé
110 kg. Það var svolítið skrýtið að
slást við Jón Þór, og erfitt að
„peppa“ sig upp í það, þannig að
þetta varð svolítið skrýtin glíma. Við
vorum búnir að grínast með það að
„nú skyldum við taka eina brönd-
ótta“. Á endanum varð hún það nú
samt,“ sagði Þormóður.
„Þetta endaði með því að ég náði
bragðkasti en hann reyndi að snúa
því í loftinu og var ansi nálægt því.
Ég kastaði honum en dómararnir
voru ekki alveg vissir hvorum megin
þetta hefði lent. Ef hann hefði sett
aðeins meiri kraft í þetta hefði hann
getað komið enn meira á óvart,
þannig að ég verð bara að prísa mig
sælan að hafa ekki hreinlega tapað.
Það hefði ekki verið sérstaklega
gaman,“ bætti Þormóður Árni við.
Þormóður hefur verið í prófalestri
undanfarið en hann er að ljúka 2. ári
í viðskiptafræði við HÍ. Námið hefur
haft forgang í vetur og Þormóður tók
sér hlé frá keppni á heimsbik-
armótum í vetur.
„Ég er búinn að æfa þokkalega
vel. Yfirleitt hefur mér fundist erfitt
að koma mér í rétta gírinn andlega
fyrir mótin hérna heima en það var
auðveldara núna. Það vantaði samt
aðeins betri einbeitingu hjá mér í
þessari úrslitaglímu er ég hræddur
um,“ sagði Þormóður sem því miður
verður ekki fulltrúi Íslands á Smá-
þjóðaleikunum í Lúxemborg í sumar,
af heldur undarlegum ástæðum.
„Ég var skráður í landsliðið fyrir
Smáþjóðaleikana og fer með því á
Norðurlandamótið viku fyrr. En það
var svo þannig með Smáþjóðaleikana
að Lúxemborg ákvað að draga sinn
þungavigtarmann út, og leggja í kjöl-
farið flokkinn niður. Mér finnst virki-
lega skemmtilegt að keppa á Smá-
þjóðaleikunum, hef unnið á þeim í öll
þrjú skiptin mín, þannig að þetta er
mjög leiðinlegt. Ég efast um að þeir
geti ekki fundið þungavigtarmann til
að keppa þannig að ég veit ekki hver
ástæðan er fyrir þessu,“ sagði Þor-
móður sem sér fyrir sér að taka aftur
þátt í heimsbikarmótum næsta vetur
þó að námið verði áfram í forgangi.
Anna Soffía Víkingsdóttir úr
Júdódeild Ármanns vann opinn flokk
kvenna sem og -78 kg flokkinn. JR
fékk sjö gull og JDÁ 6. Önnur úrslit
má sjá á vef judo.is.
Morgunblaðið/Golli
Nagli Þormóður Árni Jónsson úr JR átti ekki í teljandi vandræðum með andstæðinga sína í Laugardalshöll um
helgina, nema þá helst í úrslitum opna flokksins þar sem hann mætti góðvini sínum Jóni Þór Þórarinssyni.
Mann klæjaði í puttana
 Þormóður Árni hefur lítið keppt í vetur en vann sinn flokk á tveimur mínútum
 Vann góðan vin í skrýtinni úrslitaglímu  Meinað að keppa á Smáþjóðaleikum
ÍÞRÓTTIR 7
MORGUNBLAÐIÐ MÁNUDAGUR 15. APRÍL 2013
aðið gefur út
gt sérblað um
slandsmótið
sí-deild karla í
knattspyrnu
3. maí.
rið verður um
víðan völl
og fróðlegar
plýsingar um
ðin sem leika
umarið 2013.
Morgunbl
glæsile
Í
Pep
Fa
up
li
s
ÍSLANDSMÓTIÐ
PEPSÍ-DEILD KARLA Í KNATTSPYRNU 2013
–– Meira fyrir lesendur
PÖNTUNARTÍMI
AUGLÝSINGA:
Fyrir kl. 16,
mánudaginn 29. apríl.
NÁNARI UPPLÝSINGAR:
Katrín Theódórsdóttir
kata@mbl.is
Sími: 569-1105
SÉRBLAÐ
Aron Jóhanns-son skoraði í
gær fyrsta mark
sitt fyrir AZ
Alkmaar í hol-
lensku úrvals-
deildinni í knatt-
spyrnu þegar
hann innsiglaði
6:0 sigur liðsins á
Utrecht eftir sendingu frá Jóhanni
Berg Guðmundssyni. Aron hafði
komið inná sem varamaður á 64. mín-
útu en þá var staðan orðin 5:0. Jó-
hann kom inná fimm mínútum fyrr.
Utrecht missti mann af velli með
rautt spjald á 33. mínútu en þá var
staðan 1:0.
  
Heiðar Helguson er nú búinn aðskora 8 mörk í ensku B-
deildinni fyrir Cardiff og er marka-
hæsti leikmaður liðsins ásamt Aroni
Einari Gunnarssyni og Peter Whitt-
ingham. Cardiff er með 6 stiga for-
skot í toppsæti deildarinnar og er 12
stigum á undan Watford sem er í
þriðja sætinu. Cardiff getur tryggt
sér sæti í ensku úrvalsdeildinni í
fyrsta skipti annað kvöld.
  
FernandoAlonso hjá
Ferrari vann
öruggan og verð-
skuldaðan sigur í
Kínakappakstr-
inum í gær. Annar
varð Kimi Rä-
ikkönen á Lotus
og þriðji Lewis
Hamilton á Mercedes. Alonso skaust
strax á fyrstu metrunum fram úr Rä-
ikkönen, sem hóf keppni annar en
missti báða Ferraribílana fram úr sér
í ræsingunni. Eftir fimm hringi var
Hamilton síðan auðveld bráð fyrir
Alonso sem hélt síðan forystunni alla
leið í mark, að undanskildum örstutt-
um skeiðum eftir dekkjastopp.
  
Steinþór Freyr Þorsteinsson varhetja Sandnes Ulf í gær þegar
liðið vann góðan útisigur á Tromsö í
norsku úrvalsdeildinni í knattspyrnu.
Steinþór skoraði eina mark leiksins
og opnaði þar með markareikning
sinn í deildinni á þessu tímabili.
Fólk sport@mbl.is