Harmonikublaðið - 01.04.2004, Blaðsíða 14

Fróðleikur
HARMONIKUBLAÐIÐ
Landsmót ungra harmonikuleikara
Tildrög þessa landsmóts eru
þau, eins og margir harmon-
ikuunnendur vita, að á undan-
förnum aðalfundum S.Í.H.U.
síðustu ára hefur það verið
margrætt að koma á einhvers
konar móti fyrir yngra fólkið
svo það hefði að einhverju að
stefna.
Á aðalfundi að Narfastöðum árið 2002
var Félagi harmonikuunnenda í Skaga-
firði falið að kanna málið sem að þeir
gerðu. Á aðalfundi að Laugum í Sælings-
dal árið 2003 tilkynntu þeir svo að þeir
væru komnir af stað með undirbúning að
mótinu og það skyldi komast á vorið
2004. Ákveðið var á þeim fundi að rétt
væri að hafa samband við tónlistarskól-
ana vítt og breitt um landið, og voru for-
menn og aðrir sem sátu fundinn beðnir
um að hafa samband við tónlistarskóla á
sínu svæði og reyna að fylgjast með að
skólarnir þeirra væru inni í myndinni. í
lok september 2003 var send tilkynnig til
73ja tónlistarskóla, 58 skólar fengu til-
kynninguna í tölvupósti, en 15 skólar í al-
mennum pósti. Svörunin þótti léleg. Var
þá send ítrekun með skilafresti til 18. okt-
ober 2003. Fréttapistill um fyrirhugað
mót kom í Morgunblaðinu ásamt auglýs-
MéMCTA
VERKSTÆÐITIL
ALHLIÐA VIÐGERÐA Á
HARMONIKUM AÐ
KAMBASELI 6, RVK
HAFIÐ SAMBAND VIÐ
GUÐNA í SÍMA
567 0046
ingu um svipað leyti. Fréttatilkynning
kom einnig í Harmonikublaðinu. Alls
voru það 9 skólar sem tilkynntu þátttöku.
Voru þeim send 3 lög á nótum í pósti sem
ætluð voru í samspil skólanna. Þetta var
afgreitt fyrir áramót 2003. Þá var farið í að
útvega húsnæði til tónleikahalds, gisti-
aðstöðu ásamt fæði og fl. í byrjun febrú-
ar voru svo þessum 9 skólum sendar upp-
lýsingar um það, og þeir beðnir um að til-
kynna þeirra þátttöku, hversu margir
tækju þátt, fylgdarfólk og fl. Frestur var til
15. febrúar. Einhver dráttur var á að skól-
arnir svöruðu, var þá haft samband við þá
í síma og málin rædd. Fimm skólar af
þessum 9 eru hættir við þátttöku. Þeir
sem eftirstanda eru Tónlistarskóli Skaga-
fjarðar, Tónlistarskólinn Akranesi, Tón-
listarskólinn Raufarhöfn og Tónlistar-
skólinn á Dalvík, þannig að þátttaka er
u.þ.b. 30 flytjendur. Við höldum okkar
striki, og verður landsmót ungra harmon-
ikuleikara haldið í Félagsheimilinu Ár-
garði Skagafirði 22. maí 2004. Félags-
heimilið Árgarður er 10 km framan við
Varmahlíð. Þar eru tjaldstæði, sundlaug
og heitur pottur. Ferðaþjónustan Bakka-
flöt er þar á sama stað með góð tjald-
svæði, veitingar og gistiaðstöðu. Þeir
sem það vilja nota hafi samband við
staðarhaldara í síma 453-8245 eða
453-8099.
Dagskrá mótsins laugardaginn 22.maí.
Landsmótstónleikar hefjast kl. 15 og stan-
da til ca. kl. 17. Þar koma fram, unga fólk-
ið ásamt kennurum, bæði einleikarar og
hópar. Kvöldverður verður kl. 18. Fjöl-
breyttir stórtónleikar hefjast kl 20.30 með
þessu frábæra unga tónlistarfólki, einnig
koma fram rússnesku tvíburabræðurnir
Vadim og Yuri. Aðrir bræður skagfirskir,
|ón og Stefán og spilahópur unglinga frá
Hafralækjarskóla sem spila á Marimba
sem eru afrfsk ásláttarhljóðfæri. Harmon-
ikubítlarnir leika svo dans og dægurlög
fram til miðnættis.
Allir eru velkomnir sem hafa áhuga á
að njóta tónlistarhæfileika þessa unga
fólks. G.Á.
/ tilefni 25 ára
afmœlis HUV
verður breytt út af hefðinni
og haldinn almennur dansleik-
ur í Ásgarði Glæsibæ laugar-
daginn 8. maí kl 22.00-02.00.
Allir hjartanlega velkomnir.
Stjórn Harmonikuunnenda
Vesturlands
P.S
Minnum á sumarmót félagsins
í Fannahlíð 16.-18. júlí.
Stjórnin
EEHt