Þjóðlíf - 01.11.1988, Page 67

Sonesson. Þorsteinn skáld frá Hamri þýddi
söguna.
Ævintýri barnanna er nýr bókaflokkur fyrir
yngstu börnin. Hér eru sögð sígild ævintýri
sem börn hafa skemmt sér við kynslóð fram
af kynslóð. Ævintýrin eru endursögð við
hæfi minnstu barnanna og myndskreytt af
nokkrum þekktustu myndskreytingamönn-
um Spánverja í dag. Þorsteinn frá Hamri
þýddi ævintýrin og fyrstu þrjár bækurnar í
þessari ritröð eru:
Rauðhetta
Pétur Pan
Hans hugprúði
Golda Meir og Helga
Sigurjónsdóttir
Bókrún hf. — útgáfufélag sendir frá sér á
bókamarkaðinn fyrir jólin tvær bækur og
almanaksbók með sögulegu ívafi.
Minnisbók Bókrúnar 1989 kemur út í
þriðja sinn í lok októbermánaðar. Þá er einn-
ig væntanleg kiljan: „I nafni jafnréttis’1,
greinasafn eftir Helgu Sigurjónsdóttur.
Sjálfsævisaga Goldu Meir í þýðingu Bryn-
dísar Víglundsdóttur kemur út í nóvember-
mánuði. Tvö börn Goldu, sem búsett eru í
Israel, hafa valið myndir úr einkasafni sínu
til birtingar í bókinni; jafnframt senda þau
íslenskum lesendum nokkur ávarpsorð.
Jólabækur Arnar og Örlygs
1988:
Fegurð íslands og fornir sögustaðir. Svip-
myndir og sendibréf W. G. Collingwoods
1897. Formála rita Haraldur Hannesson,
Björn Th. Björnsson og Janet Collingwood
Gnosspelius. Asgeir S. Björnsson fór í slóð
Collingwoods og kannaði myndefnið. Coll-
ingwood málaði á þriðja hundrað vatnslita-
myndir í„ pílagrímsferð“ sinni til Islands.
Hann tók einnig fjölda ljósmynda og ritaði
fjölskyldu sinni mörg sendibréf, þar sem
hann lýsir landi og þjóð á raunsæjan og hlý-
legan hátt. Collingwood ritaði síðar bók um
för sína til íslands. Hann nefndi hana Píla-
grímsferð til sögustaða, en sú bók hefur
Nýjar bækur
aldrei komið út á íslensku, hins vegar birtist í
þessari bók, sem hlotið hefur nafnið Fegurð
íslands og fornir sögustaðir, afrakstur ferð-
arinnarímáli og myndum. Björn Th. Björns-
son, listfræðingur, segir m.a. í formála bók-
arinnar um vatnslitamyndir Collingwoods:
„Því eru þær okkur íslendingum ómetanleg
gjöf, sem erlendur maður hefur lagt á helgan
blótstall lands okkar og sögu.“
Sögustaður við Sund
Reylgavík — Sögustaður við Sund — þriðja
bindi, A-Ö. Höfundur textans er Páll Líndal
en ritstjóri er Einar Arnalds. Myndaritstjóri
er Örlygur Hálfdánarson. Þetta ritverk er
hliðstætt ritverkinu Landið þitt ísland. Það
er byggt upp á sama hátt en vettvangur þess
er höfuðborgin. Efninu er skipað í stafrófs-
röð. Nú er stafrófinu lokið og fólk hefur
þannig aðgang að gífurlegum fróðleik um
sögu alls höfuðborgarsvæðisins. Nær fróð-
leikurinn jafnt til elstu örnefna í borgarland-
inu sem nýjustu gatnanna, gamalla húsa og
nýrra. Innanum efnið er skotið margs konar
fróðleiks- og skemmtiþáttum sem fengið er
úr blöðum og bókum og munnlegri geymd.
Slíkt efni er prentað í öðrum lit og í ramma,
til aðgreiningar frá meginefninu. Bókin er
ríkulega myndskreytt.
Þjóðhættir Þórðar á Skógum
Þjóðhættir og þjóðtrú. Þórður Tómasson
safnstjóri í Skógum skráði eftir Sigurði Þórð-
arsyni frá Brunnhól. Hér greinir frá lífi og
starfi, þjóðsiðum og þjóðtrú í afskekktri
byggð, einstæð heimild og fróðleiksnáma.
Efni til áþekkrar bókar verður ekki framar
upp tekið á íslandi. Þórður segir sjálfur um
þetta verk sitt: „Verk mitt er aðeins endur-
skin af frásögnum gamals sagnamanns.
Hreimur og hrynjandi talaðs orðs hjá honum
gæddu það lífi sem aldrei getur færst yfir á
bók eða blað. Enn er sem ég sjái hann fyrir
mér hinn gamla þul, álútan í sæti, horfandi í
gaupnir sér, líkt og úti á þekju eða með hug-
ann víðs fjarri, en allt í einu er litið upp með
glampa í augum, spurn eða athugasemd er
færð fram og fróðleikur látinn í té mð eftir-
minnilegum málhreim og sérkennilegum
áherslum."
Undur lífsins eftir dauðann
Himinn og hel — undur lífsins eftir dauðann
— eftir Emanúel Swedenborg í þýðingu
Sveins Ólafssonar en hann hefur lagt stund á
fræði Swedenborgs í áratugi, þýtt sum þeirra
og skrifað um hann ritgerðir. Himinn og hel
fjallar um framlífið, það byggist á upplifun
og reynslu Swedenborgs í lífi annars heims
um langt árabil. Hann lýsir nákvæmlega líf-
inu eftir dauðann. Er sú lýsing talin ein hin
yfirgripsmesta og nákvæmasta sem mann-
kyninu hefur nokkru sinni gefist. Sýnt er
hvernig maðurinn gengur inn í líf annars
heims; hið andlega eðli umhverfisins; hvar
og hvernig dómurinn á sér stað; hið undur-
fagra líf himnanna; uppeldi barna; eðli hjú-
skapar og margt og margt fleira.
Pólitísk vígaferli Þorleifs
Friðrikssonar
Undirheimar íslenskra stjórnmála — reyf-
arakenndur sannleikur um pólitísk vígaferli
— eftir Þorleif Friðriksson sagnfræðing. í
kjölfar „Hallarbyltingar“ Hannibals Valdi-
marssonar í Alþýðuflokknum 1952 hófust
einstæð pólitísk vígaferli með margvíslegum
og oft á tíðum nýstárlegum vopnaburði. Al-
þýðuflokkurinn hafði um árabil flotið á fjár-
hagsaðstoð norrænu bræðraflokkanna, en
við yfirtöku Hannibals sá Stefán Jóhann
Stefánsson til þess að skrúfað var fyrir alla
slíka fyrirgreiðslu til flokksins. Átökin náðu
hámarki á árunum 1953-1956, en nú voru það
ekki bara norrænir skoðanabræður sem
seildust til áhrifa í skjóli fjármálafyrir-
greiðslu. Erlendir andstæðingar,, hannibal-
isma“, bæði austan hafs og vestan, tóku
höndum saman við hægri krata hér heima og
beittu gjarnan fyrir sig næsta reyfarakennd-
um aðferðum. Slík leynd lá yfir aðgerðunum
að sumir þeirra sem stóðu mitt í hringiðunni
höfðu í raun ekki hugmynd um hvað átti sér
stað; hvaða launráð voru brugguð að tjalda-
67