Frjáls verslun - 01.07.2011, Page 13

FRJÁLS VERSLUN 7.tbl.2011 13
Það er mikið umrót á snjallsímamarkaði. Android-stýrikerfið hefur heldur betur komist á flug, en á öðrum ársfjórðungi 2011 var það kerfi með 43,4% markaðshlutdeild og hafði aukist frá
17,2% árið áður. Margir framleiðendur nota þetta stýrikerfi, stærstir
eru Samsung, HTC og Motorola, sem Google-risinn var að kaupa
fyrir metfé.
Stærsti einstaki framleiðandinn er Nokia, en fyrirtækið seldi 23,8
milljónir snjallsíma á ársfjórðungnum og Symbian-stýrikerfið er með
22,1% hlutdeild. Þar eru þó blikur á lofti, því Nokia er komið í sam­
starf við Microsoft og frá og með fjórða ársfjórðungi verða snjallsímar
finnska risans með það kerfi. Apple með sitt iOS-kerfi er næststærsti
einstaki framleiðandinn; seldi 19,6 milljónir síma á fjórðungnum.
Black Berry (RIM) á í basli, en hlutdeild hans fer úr tæpum 20% í
12% og seldust um 12,6 milljónir síma á öðrum ársfjórðungi. Önnur
kerfi eru dvergar.
Heitasti síminn nú í haust er nýja fimman frá Apple, sími sem margir
hafa beðið með óþreyju. Næstur kemur N9 frá Nokia, sá alflottasti
sem gerður hefur verið og óvenjulegur vegna þess að hann verður
með nýju stýrikerfi, MeeGo, sem hann einn verður með. Enginn ann-
ar sími verður með þessu byltingarkenda kerfi þar sem næstu símar
Nokia verða með Microsoft-hugbúnaði. Nokia N9 er takkalaus og
hönnunin svo spennandi að mann langar til að kaupa einn og síðan
annan handa konunni, hvorn í sínum litnum.
Páll Stefánsson ljósmyndari:
Heitt haust
Græjur
fyrst & frEmst
H
ollendingurinn
Kees van der
Graafs var einu
sinni einn af helstu
stjórnendum hjá
alþjóðafyrirtækinu Unilevel. Svo
veiktist hann af sjaldgæfum
vöðvasjúkdómi og varð að hætta.
Hann ákvað að endurskipuleggja
líf sitt og leita að nýju jafnvægi við
nýjar aðstæður.
Það er einmitt jafnvægið í lífinu
sem gamli stjórinn telur að skipti
meira máli en auður, afl og hús.
Það skipti alltaf mestu að vera
sáttur við sjálfan sig. En hvað er
þá til ráða ef mönnum finnst sem
allt sé úr lagi í lífi þeirra, framinn
lítill og hamingjan langt undan?
Kees van der Graafs kann tíu
ráð í leitinni að jafnvægi í lífinu en
engu þeirra er auðvelt að fylgja:
Reyndu að finna út hver hinn
eiginlegi tilgangur með lífinu er.
Þetta krefst íhugunar og einveru.
Svarið liggur alls ekki á lausu
og fjallar ekki bara um einföld
persónuleg markmið heldur sjálfa
lífsgátuna. Menn verða að þora
að horfast í augu við sjálfa sig.
Hvað skiptir þig mestu máli í lífi nu?
Er breytni þín í samræmi við
hugmyndirnar um lífið? Þar verður
að vera samræmi á milli.
Nefndu fimm atriði sem skipta
þig miklu máli. Líta má á slíkan
lista sem verkáætlun. Þetta er það
sem þig langar að sækjast eftir.
Taktu erfiðar ákvarðanir.
Hægara sagt en gert, vissulega,
en hættu að sækjast eftir því
sem þig langar eiginlega ekki til.
Það getur reynst erfitt að hætta
eftirsókn eftir vindi.
Leitaðu að rótum vandans. Líki þér ekki við líf þitt er
eina ráðið að leita að upphafi
vandans. Það dugar ekki að fást
bara við einkennin.
Lát hrífast af merkum mönn-
um. Það er gott að eiga sér
fyrirmyndir. Taktu því fólk, sem þú
öfundar, þér til fyrirmyndar. Hvað
hefur það gert til að ná jafnvægi í
lífinu – eða hefur það ef til vill ekki
fundið jafnvægið?
Haltu líkamanum í þjálfun. Það
er mikilvægt að hreyfa sig, njóta
útivistar og láta reyna á líkamann.
Reglubundin hreyfing er góð
bæði fyrir sál og líkama. Ekki
slappa of mikið af.
Agi og skipulag. Leitin að lífs-
hamingjunni krefst aga og skipu­
lags. Menn verða að nýta tímann
í samræmi við eigin áherslur á
hvað er mikilvægt og hvað ekki.
Muna að hlaða batteríin. Það
eru takmörk fyrir hve mikla streitu
hver maður þolir. Taktu því alltaf
út öll þau frí sem þú átt rétt á.
Enginn þakkar þér fyrir að gera
það ekki.
Árlegt mat. Taktu þér tíma á
hverju ári til að meta hvernig
geng ur að ná jafnvægi í lífinu.
Líklega þarftu að taka þig á.
Gamall ávani hefur tekið sig upp
og þá þarf bæði aga og skipulag
til að sækja að settu marki.
Stjórnunarmoli TexTi: gíSli KriSTjánSSon
Jómfrúin | Lækjargata 4 | 101 Reykjavík | Afgreiðslutími 11-18 | Sími: 55 10 100 | Fax: 55 100 35 | jomfruin@jomfruin.is | www.jomfruin.is
Fundir - Móttökur - Veisluþjónusta
Jó úin | Lækjargata 4 | 101 Reykjavík | Afgreiðslutími 11-18 | Sími: 55 10 100 | Fax: 55 100 35 | jomfruin@jomfruin.is | www.jomfruin.is
Fundir - Móttökur - Veisluþjónusta
Jómfrúin | Lækjargata 4 | 101 Reykjavík | Afgreiðslutími 11-18 | Sími: 55 10 100 | Fax: 55 100 35 | jomfruin@jomfruin.is | www.jomfruin.is
jafnvægið
í lífinu