Neytendablaðið - 01.06.2008, Blaðsíða 8
Af og til sprettur upp umræða um afnám
tolla á innfluttum landbúnaðarafurðum.
Ástæðan er auðvitað sú að matvælaverð
á Íslandi er mjög hátt á sama tíma og
ríkisstyrkir til landbúnaðar eru með því
hæsta sem þekkist í Evrópu. En matvæla-
framleiðsla á Íslandi er fjölbreytt og ekki
er hægt að setja allar greinar undir sama
hatt. Neytendablaðið ákvað að skoða
svínakjötsframleiðslu nánar en hugmyndir
um afnám tolla á innfluttu svínakjöti hafa
verið áberandi að undanförnu.
Engir styrkir en mikil vernd
Öfugt við sauðfjárrækt og mjólkurframleiðslu
nýtur svínakjötsframleiðsla á Íslandi engra
ríkisstyrkja. Hins vegar er innflutningur
á svínakjöti ennþá takmarkaður enda eru
lagðir tollar á allt innflutt kjöt. Í fyrra voru
tollar þó lækkaðir um 40% og leyft að
flytja inn 200 tonn af frosnu svínakjöti án
tolla. Árið 2005 voru flutt inn 12 tonn af
svínakjöti eða um 0,2% af svínakjötsneyslu
í landinu. Í fyrra voru flutt inn rúmlega 281
tonn, eða sem nemur 4,6% af neyslunni,
og á fyrstu mánuðum þessa árs var hlutur
innflutts svínakjöts í neyslu Íslendinga
kominn upp í 6,5%. Þótt tollar hafi lækkað
eru þeir þó enn fyrir hendi og misháir. Sem
dæmi er 18% tollur á svínalundum auk 717
króna magnstolls á hvert kíló. Lægri tollur er
á reyktu beinlausu svínakjöti eða 18% tollur
og 268 krónur á kílóið. Þá nýtur íslenskur
landbúnaður auðvitað fjarlægðarverndar
því flutningsleiðin frá helstu mörkuðum er
bæði löng og dýr.
Ekki samkeppnishæfir?
Sú spurning vaknar af hverju íslenskir
svínabændur geti ekki keppt við erlenda
framleiðslu, t.d. danska? Launakostnaður
getur ekki verið hærri hér á landi.
Umhverfiskröfur eru varla meiri en hjá
Dönum þar sem þeir eiga í erfiðleikum
vegna mengunar frá svínabúum enda eru
búin stór og landið mjög þéttbýlt. Verð á
rafmagni og hita er jafnvel lægra hér en í
Danmörku og á meðan byggingarkostnaður
er hugsanlega hærri hér hlýtur lóðaverð að
vera lægra. Fóður er selt á heimsmarkaði
þannig að íslenskir svínabændur sitja við
sama borð og evrópskir hvað það varðar
en vissulega þarf að flytja fóðrið hingað til
lands.
Samanburður ekki sanngjarn
Ingvi Stefánsson, formaður svínaræktar-
félags Íslands, segir samanburðinn við
Danmörku ekki sanngjarnan. „Til að byrja
með vil ég benda á að dönsk svínarækt
er að fara í gegnum mjög erfiða tíma um
þessar mundir og samkvæmt nýjustu
tölum frá Danmörku hefur grísum undir
50 kg fækkað um 14% á einu ári. Eins
hafa Danir ítrekað orðið uppvísir að því að
brjóta ýmsar reglugerðir um aðbúnað og
meðferð sláturgripa. Það er viðbúið að slíkt
gerist þegar samkeppnin verður óeðlilega
Svínarækt á Íslandi
„verð og gæði fara oftast saman“
M
ynd: Bæ
ndablaðið
8 NEYTENDABLA‹I‹ 2. TBL. 2008