Litli Bergþór - 01.12.2012, Blaðsíða 8
8 Litli-Bergþór
Unglingadeild björgunarsveitarinnar, Greipur,
samanstendur af unglingum á aldrinum 13 til 18 ára.
Krökkum frá Reykholti, Laugarvatni og Grímsnesi.
Markmið unglingadeildar er að kynna fyrir krökkum
starf í björgunarsveit. Við kennum þeim hvernig á að
útbúa sig fyrir ferðir, höldum kynningu um skyndi-
hjálp og fleira sem er hentugt að vita. Og svo seinna
meir vonumst við til þess að unglingarnir haldi áfram
og gerist félagar í Björgunarsveitinni.
Unglingadeildin Greipur í Biskupstungum var
stofnuð 2006 af Heiðu Pálrúnu Leifsdóttur og Helga
Guðmundssyni sem þá var formaður Björgunarsveit-
arinnar hér í Tungunum. Núna haustið 2012 erum
við Brynhildur Hrönn Sigurjónsdóttir og ég, Kristín
Karólína Bjarnadóttir, formenn unglingadeildarinn-
ar. Við erum með fundi aðra hvora viku á miðviku-
dagskvöldum. Þá hittumst við klukkan átta upp í
Björgunarsveitarhúsi í Reykholti, nema annað standi
til, eins og til dæmis þegar við hittumst eitt kvöldið
í Björgunarsveitarhúsinu á Laugarvatni þar sem ung-
lingarnir fengu að spreyta sig á klifurveggnum. Við
erum búin að hafa tvær fjáraflanir sem voru dósa-
flokkun með Björgunarsveitinni og sala á neyðarkall-
inum sem fór fram 1. til 3. nóvember síðastliðinn, og
gekk það mjög vel. Við Brynhildur erum búnar að
gera plan fram að áramótum og gerum við ráð fyrir
einni skálaferð sem farin verður vonandi í desember.
Þá ætlum við að fara í fjallaskála inn á Kili með ung-
lingana og vera yfir eina eða tvær nætur. Þegar farið
er í skálaferðir að vetri til þá skiptir útbúnaðurinn
miklu máli því við eyðum megninu af deginum úti
og lærum um fjarskipti, leitartækni og fleira sem gæti
komið að notum seinna meir.
Við hvetjum alla krakka á aldrinum 13 til 18 ára,
sem hafa áhuga á björgunarsveitastarfi og starfi ung-
lingadeildarinnar, að koma og vera með.
F.h. Unglingadeildarinnar,
Kristín Karólína Bjarnadóttir, Brautarhóli
Unglingadeildin Greipur
Hluti hópsins, frá vinstri: Ingibjörg Andrea Jóhannsdóttir, Vilborg Hrund Jónsdóttir, Grímur Kristinsson, Rannveig
Góa Helgadóttir, Freyja Hrönn Friðriksdóttir, Elín Helga Jónsdóttir og Þorsteinn Gíslason.
Gleðileg jól og farsælt komandi ár