Ægir - 01.08.2007, Blaðsíða 18

18
Nú er lokið mikilli törn hjá
Hvíldarkletti ehf. á Suðureyri
og Flateyri en í sumar hafa
um 1500 erlendir ferðamenn
komið til landsins á vegum
félagsins gagngert til þess að
stunda sjóstangaveiðar frá
þessum stöðum. Flestir ferða-
mannanna eru frá Þýskalandi.
Fyrirtækið hefur til umráða
22 nýja báta af gerðinni Seig-
ur, sem smíðaðir voru gagn-
gert í þessu skyni á Akureyri,
og hefur sá háttur verið hafð-
ur á að hver ferðamannahóp-
ur hefur dvalið vestra í eina
viku. Hvíldarklettur er með til
ráðstöfunar 22 hús fyrir gesti
sína og 30 manna gistiheimili,
sem er þó fyrir annan mark-
hóp en sjóstangaveiðimenn-
ina, og félagið er einnig með
veitingarekstur á Ísafirði og
Suðureyri og sér um rekstur á
söluskálum N1 á Suðureyri og
Flateyri. Elías Guðmundsson
er framkvæmdastjóri Hvíld-
arkletts og einn eigenda
félagsins og í samtali við Ægi
segir hann að í sumar hafi
heildarafli ferðamannanna
numið alls um 160 tonnum.
Félagið verður að leigja allan
kvóta og nam leigukvótaverð-
ið í sumar 134 kr/kg og upp í
163 kr/kg. Það lætur því
nærri að um 25 milljónum
króna hafi verið varið til
kvótaleigunnar að þessu
sinni!
175 kg lúða stærsti fiskur
sumarsins!
Að sögn Elíasar var sá háttur
hafður á í sumar að ferða-
mennirnir komu til landsins á
þriðjudegi til vikudvalar. Ekið
var með þá í rútu til Reykja-
víkur en þaðan var flogið
með þá og farangur þeirra á
tveimur leiguflugvélum til Ísa-
fjarðar. Frá Ísafirði var síðan
farið með rútum til Suðureyr-
ar og Flateyrar. Fyrsta kvöldið
var síðan haldinn kynning-
arfundur með hinum erlendu
skipstjórum bátanna og morg-
uninn eftir fór fram verkleg
kynning á bátum og aðstæð-
um í viðkomandi höfnum.
„Eftir það hafði hópurinn
frjálsar hendur með það
hvernig menn stunduðu veið-
arnar. Það var mjög misjafnt
hve menn voru lengi að.
Sumir fóru bara út í tvo þrjá
tíma á dag til að veiða meðan
aðrir stóðu vaktina eins lengi
og þeir gátu. Veiðin var mest
þorskur en ýsa, koli, lúða,
steinbítur, skötuselur, karfi,
marhnútur og ufsi veiddust
einnig í sumar. Stærsti fisk-
urinn, sem veiddist, var 175
kg lúða,“ segir Elías en hann
getur þess að megnið af afl-
anum hafi farið til vinnslu hjá
fiskvinnslunni Íslandssögu á
Suðureyri. Sama fyrirtæki sá
einnig um að vinna og frysta
fisk í 20 kg sérútbúna fiski-
kassa sem veiðimennirnir
gátu haft með sér heim. Að
sögn Elíasar gaf sú þjónusta
mjög góða raun og þótti
heppnast vel.
Sjávarþorpið Suðureyri
Hvíldarklettur er einn 13 aðila
sem tóku þátt í því að setja á
stofn klasaverkefnið Sjáv-
arþorpið Suðureyri. Klasa-
verkefnið tók þátt í þróun á
uppbyggingu sjóstangaveiði-
þjónustu á Suðureyri ásamt
mörgum öðrum verkefnum
sem snúa að uppbyggingu
Suðureyrar sem vistvænsta
sjávarþorps á Íslandi.
„Klasaverkefninu var því
miður hætt í vor vegna vönt-
S J Ó S T A N G A V E I Ð I
Erlendir ferðamenn
sjá um að draga
lífsbjörg í bú
- Elías Guðmundsson framkvæmdastjóri félagsins segir ekki óeðlilega kröfu að
stjórnvöld komi að fjármögnun á þróunarkostnaði vegna þessa verkefnis
Bobby 7 kemur til hafnar með góðan afla.