Morgunblaðið - 26.05.2015, Blaðsíða 14

14 FRÉTTIRViðskipti | Atvinnulíf
MORGUNBLAÐIÐ ÞRIÐJUDAGUR 26. MAÍ 2015
Sími 571 2000 | hreinirgardar.is
Garðsláttur
Láttu okkur sjá um
sláttinn í sumar
VIÐTAL
Ásgeir Ingvarsson
ai@mbl.is
„Við sjáum að videó-bylting er að
eiga sér stað í atvinnulífinu. Fram-
leiðslukostnaðurinn fer hratt lækk-
andi, en mest munar samt um að við-
skiptavinirnir eru að óska eftir
þessu. Þeir vilja
kynnast fyr-
irtækjunum og
vörunum þeirra í
gegnum mynd-
bönd,“ segir
Sindri Bergmann
Þórarinsson.
Sindri er fram-
kvæmdastjóri
fyrirtækisins
Hugverkamenn
en áður var hann
deildarforseti hjá Kvikmyndaskóla
Íslands.
Hugverkamenn (www.hug-
verkamenn.is) er ungt fyrirtæki,
stofnað fyrir um ári, og fæst við
framleiðslu kynningar- og auglýs-
ingamyndbanda auk þess að veita
ráðgjöf á þessu sviði. „Við erum
mest í því að hjálpa fyrirtækjum að
skilja hvernig myndbönd geta
gagnast þeim í rekstrinum. Í gegn-
um ráðgjöfina sem við höfum verið
að veita hefur komið í ljós ákveðinn
þekkingarskortur og erum við því
um þessar mundir að undirbúa nám-
skeið sem eiga að gera fyrirtækjum
auðveldara að framleiða sitt eigið
myndbandsefni.“
Sjálfsagður hluti af rekstrinum
Sindri segir að tæknin sé orðin
þannig í dag að með aðeins snjall-
síma að vopni er hægt að gera góð
myndbönd. Það er af sem áður var
þegar myndbandagerð kallaði á
mikla fjárfestingu í tækjabúnaði og
sérhæfðu starfsfólki. Fyrir vikið eru
myndbönd í dag sýnileg alls staðar
og eru að verða æ sjálfsagðara
vinnutæki í daglegum rekstri og
markaðsstarfi fyrirtækja.
„Í gegnum myndband má ná
miklu sterkari tengslum við áhorf-
andann en í gegnum texta og ljós-
myndir. Þá er sú merkilega þróun að
gerast, vegna lækkandi kostnaðar,
að myndbönd eru ekki lengur eitt-
hvað sem menn gera einu sinni og
sitja svo uppi með, heldur verða þau
að lifandi miðli síbreytilegra sam-
skipta. Myndbandið getur hreinlega
komið í staðinn fyrir bloggið.“
Sindri minnir líka á að í dag nota
margir YouTube sem fyrsta stað til
að leita að upplýsingum um vörur og
fyrirtæki. „Fólk vill fá upplýsingar á
þessu formi og um leið er seljendum
vöru og þjónustu að bjóðast kröftug-
ur miðill til að ná tengslum við við-
skiptavininn.“
Tæknin er enn að slíta barns-
skónum og ekki ósennilegt að eftir
nokkur ár muni það þykja eðlileg
lágmarkskrafa að t.d. starfsmenn
markaðsdeilda eigi ekki í vanda með
að gera myndbönd hratt og fag-
mannlega. „Í dag þarf ekki meira til
en einn flinkan mann með upp-
tökuvél og tölvu,“ segir Sindri.
Námskeið Hugverkamanna munu
hjálpa til að flýta þessari þróun.
„Námskeiðin okkar verða sniðin að
ólíkum atvinnugreinum og fara á
hnitmiðaðan hátt í gegnum það
hvernig á að nota vélarnar og klippi-
forritin, og hvaða ódýri aukabún-
aður getur hjálpað til að gera enn
betra efni. Svo er bara að prófa sig
áfram og muna að æfingin skapar
meistarann.“
Sindri bendir á að það sé viðbúið
að byrjendur geri ákveðin mistök.
„Ég sé það hjá fyrirtækjunum sem
við vinnum með að mistökin eru yf-
irleitt af sama toga og ég sá hjá nem-
endunum í Kvikmyndaskólanum:
myndböndin eru of löng, myndefnið
er undarlega rammað inn, hljóðið er
vont og fleira í þeim dúr. En það er
ekki flókið að æfa sig og læra hvern-
ig gera má betur.“
Undirbúningurinn veigamestur
En á meðan fyrirtækin eru að
læra að beisla myndbandstæknina í
eigin þágu, hvar er best að byrja?
Hvar er ávinningurinn mestur?
Sindri segir að svarið sé breytilegt
eftir fyrirtækjum. Sums staðar get-
ur t.d. verið einfalt og hagkvæmt að
nota myndbönd í innra fræðslustarfi
en í öðrum tilvikum blasi við að búa
til áhugavert myndefni sem hjálpar
til að koma fyrirtækinu á framfæri
við almenning. „Í öllum tilvikum
gildir þó að það þarf að ná athygli
áhorfandans strax á fyrstu sekúnd-
unum og pakka upplýsingunum vel
inn. Myndbandsgerðin skiptist í þrjá
hluta: undirbúning, upptöku og
klippingu en af þessum þremur er
það alltaf undirbúningurinn sem er
veigamestur.“
Sindri minnir líka á að þrátt fyrir
tækniframfarir verði enn þörf á sér-
framleiddum myndböndum þar sem
kvikmyndagerðarmenn eru fengnir
til verksins. Fyrirtæki geta sjálf séð
um stóran hluta samskipta við við-
skiptavini með myndbandagerð en
sérþekking fagmanna standi áfram
fyrir sínu þegar kemur að stærri og
veigameiri verkefnum.
Viðskiptavinurinn vill
horfa á myndband
 Margir neytendur leita fyrst að upplýsingum á YouTube
Sindri Bergmann
Þorarinsson
AFP
Tenging Netið er að myndbandavæðast og atvinnulífið um leið. Aldrei
hefur verið auðveldara og ódýrara að gera vönduð myndskeið.
Charter Communications er nálægt
því að ljúka samningum við Time
Warner Cable um kaup á síð-
arnefnda fyrirtækinu fyrir 55 millj-
arða dala. Fyrirtækin eru það næst
stærsta og þriðja stærsta á banda-
ríska kapalsjónvarpsmarkaðinum.
Reuters segir að Charter muni
kaupa hvern hlut á 195 dali, þar af
100 dali í reiðufé og afganginn í
hlutabréfum. Er kaupverðið 13,9%
yfir markaðsverði Time Warner
Cable á föstudag.
Þá er Charter einnig að leggja
lokahönd á kaup á Bright House
Networks sem er sjötta stærsta kap-
alsjónvarpsfyrirtækið í Bandaríkj-
unum. Kaupin á Bright House munu
kosta 10,4 milljarða dala.
Verður tilkynnt formlega um
kaupin á þriðjudag, að sögn Reuters.
Fyrir mánuði síðan hætti Compast
við að kaupa Time Warner Cable
fyrir 45,2 milljarða því líklegt þótti
að samruninn myndi brjóta í bága
við samkeppnislög. ai@mbl.is
Risasamruni Char-
ter og Time Warner
Cable í vændum
Netverslunarrisinn Amazon hefur
um árabil beint allri sölu í Evrópu í
gegnum smáríkið Luxemborg og
nýtt sér að þar eru tekjuskattar
lægri en víða annars staðar í álfunni.
Þessum viðskiptaháttum var
breytt í byrjun mánaðarins og eru
útibú Amazon í Bretlandi, Þýska-
landi, Ítalíu og Spáni byrjuð að færa
söluhagnað í sínar eigin bækur, og
greiða skatta af hagnaðinum hvert í
sínu landi. Greindi Guardian frá
þessu á laugardag.
Undanfarin 11 ár hagnaðist Ama-
zon um 5,3 milljarða punda af sölu á
varningi til breskra neytenda en
hagnaðurinn var allur færður til bók-
ar og skattlagður í Lúxemborg.
Hafa fyrirtæki á borð við Apple,
Google, Starbucks og Fiat verið í
sigti stjórnvalda í Evrópu fyrir að
beina skatt-
greiðslum sínum í
helst til hag-
kvæman farveg.
Amazon kveðst
hafa byrjað að
vinna að því að
endurskipuleggja
skattaskil sín í
Evrópu fyrir
tveimur árum.
Guardian segir
þrýsting frá breskum stjórnvöldum
hafa haft sitt að segja um breyt-
inguna en að atbreina George Os-
borne fjármálaráðherra tóku gildi í
apríl lög um 25% viðbótarskatt á fyr-
irtæki sem sýnt þykir að stundi það
að færa skattskyldar tekjur með
óeðlilegum hætti frá Bretlandi til
lágskattasvæða. ai@mbl.is
Amazon breytir um
stefnu í skattamálum
 Hagnaður af sölu í Evrópu skatt-
lagður í hverju landi fyrir sig
George
Osborne
Í júlí verður fjórum Tecnam
P2002 JF kennsluflugvélum fer-
juflogið frá Capua í Ítalíu til
Reykjavíkur. Það er Flugskóli Ís-
lands sem kaupir vélarnar af
Tecnam.
Í tilkynningu frá skólanum seg-
ir að flugvélakaupin séu gerð til
að mæta mikilli ásókn í flugnám.
P2002 JF er tveggja sæta, eins
hreyfils vél, lágvængja og þykir
bæði láta vel að stjórn, hafa góða
flugeiginleika og vera einföld í
viðhaldi. ai@mbl.is
Flugskóli Íslands kaupir fjórar vélar
Stærðfræðingurinn John Forbes
Nash lést í bílslysi á laugardag, 86
ára að aldri. Eiginkona hans, Alicia
Nash, lést einnig í slysinu en hún var
82 ára. Þau höfðu verið gift í nærri
sextíu ár.
Bandarískir fjölmiðlar greina frá
því að hjónin hafi verið farþegar í
leigubíl í New Jersey þegar slysið
varð.
Nash fékk Nóbelsverðlaunin í hag-
fræði árið 1994 fyrir framlag sitt til
leikjafræðinnar. Árið 2001 kom út
myndin A Beautiful Mind þar sem
Russel Crowe fór með hlutverk
stærðfræðingsins og hreppti myndin
fern Óskarsverðlaun, þar á meðal
sem besta mynd.
Leikjafræði er það svið stærðfræð-
innar þar sem reynt er að skilja at-
hafnir margra keppinauta þar sem
ákvörðun eins hefur áhrif á ákvarð-
anatöku allra hinna. Er leikjafræði
meðal annars notuð af hagfræð-
ingum, líffræðingum og stjórnmála-
fræðingum til að skilja hegðun stríð-
andi aðila, lífvera og þátttakenda á
markaði.
Framlag Nash fólst einkum í því að
þróa leikjafræðina á það stig að ná yf-
ir flóknari kerfi þar sem allir þátttak-
endur geta unnið, eða allir tapað.
Hugtakið Nash-jafnvægi lýsir því
þegar allir þátttakendur vita hvað
hinir ætla að gera, og enginn þeirra
hagnast á því að breyta áætlun sinni.
ai@mbl.is
Áhrif John Forbes Nash.
John Nash látinn