Dagblaðið Vísir - DV - 18.06.2010, Blaðsíða 54

54 föstudagur 18. júní 2010 úttekt
1. Kúra inni á rigningardegi
Hvað er meira róandi en að hlusta á regnið berja á rúðunum en þurfa
ekki að fara út og geta kúrt sig þéttar ofan í koddann?
2. Finna óvænt peninga
Hefurðu nokkurn tímann stungið höndum í vasann og fundið fimm
þúsund króna seðil sem þú varst búin að gleyma að þú ættir? Þú ert
ekki beint rík/-ur en það tekur enginn fimmara upp úr götunni.
3. Spennandi augnsamband
Þú ert í strætó á leið til vinnu og sérð þessa gullfallegu konu sitja
aftast. Áður en þú sest niður lítur hún á þig og tíminn stöðvast í
nokkur augnablik.
4. Nektarsund
Það er eitthvað svo eðlilegt og frelsandi að synda nakin/-n.
5. Alvörupóstkort
Nú þegar netpóstur hefur yfirtekið öll skrifleg samskipti er eitthvað
dularfullt við bréf sem berast til þín með bréfpósti. Spenningurinn er í
algleymingi á meðan þú rífur upp umslagið.
6. Að sigra rauða ljósið
Sumar bestu nautnir lífsins eru afar einfaldar, eins og það að komast
yfir gatnamót áður en rauða ljósið mætir þér. Svo er enn meira gefandi
að horfa í baksýnisspeglinum á alla bílana á eftir þér sem þurftu að
stoppa.
7. Fyndin sönn saga
Hlutverk sögumannsins getur verið ótrúlega gefandi. Bættu húmor,
svipbrigðum og leikrænum tilburðum við söguna og þú slærð í gegn.
8. Rétta lagið á réttum tíma
Aðstæður eða tækifæri skipta ekki öllu. Þú getur verið á barnum með
félögunum, á leið heim úr vinnu eða úti að skokka. Að heyra einmitt
rétta lagið á réttum tíma lyftir andanum og gefur lífinu skýrari og dýpri
merkingu.
9. Fyrsti sopinn
Þú varst að enda við að slá lóðina eða ert komin/-n heim eftir góðan
hlaupahring og makinn tekur á móti þér með ískalt vatn, gos eða
jafnvel bjór í gleri. Þegar þorstinn kallar er ekkert betra en fyrsti sopinn
af ísköldum drykk. Þetta er lífið!
10. Flottur skrokkur
Þér hlýnar að innan þegar þú verður þeirrar gæfu óvænt aðnjótandi
að sjá vel vaxinn aðila af hinu kyninu sýna meiri nekt en þú bjóst við.
Þetta getur gerst alls staðar. Á barnum eða við sundlaugarbakkann.
11. Skuldar mér kók
Þið vinirnir sitjið saman í þögninni en segið svo sömu setninguna á
nákvæmlega sama tíma. Það er ekki hægt að hlæja ekki.
12. Opið í gegn
Þú ert að leita að stæði við Kringluna og finnur stæði á besta stað. Það
sem er enn betra er að stæðið fyrir framan er líka laust svo þú tekur
það frekar og losnar þannig við að þurfa að bakka út þegar verslunar-
ferð lýkur.
13. Að sofna aftur
Eitthvað vekur þig og þú heldur að það sé kominn tími til að fara á
fætur. Vekjaraklukkan þín færir þér svo þau yndislegu skilaboð að þú
megir sofa í tvo tíma í viðbót. Notaleg tilfinning flögrar um líkama
þinn og þú leggst aftur niður á koddann og lætur þig hverfa inn í
draumalandið með bros á vör.
14. Mannlífsskoðun
Þú situr á bekk í garðinum og horfir á fólkið í kringum þig. Við mann-
fólkið erum jafnfjölbreytt og við erum mjörg. Sumir eru hávaxnir,
aðrir lágvaxnir, sumir grannir, aðrir feitir. Sumir eru rauðhærðir,
aðrir sköllóttir. Hver og einn hefur sína kosti og galla og
það er hægt að gleyma sér í að skoða og pæla.
15. Klæða sig í föt beint úr
þurrkaranum
Ef þurrkarinn stoppar einmitt þegar þú stígur út úr
sturtunni skaltu nota tækifærið. Föt úr þurrkara eru
heit og mjúk og dagur sem hefst í þeim er góður
dagur.
16. Vel þekkt lykt
Þú varst að stíga fæti inn á æskuheimili þitt eftir
langa fjarveru. Góða gamalkunna lyktin tekur á
móti þér og vekur upp ljúfar minningar. Það er gott
að koma heim.
17. Hugmyndir sem virka
Þú ert hefur unnið að erfiðu verkefni í marga daga og
virðist ekki finna lausnina. Pirringur og þreyta hafa náð
yfirhöndinni en þú ákveður að reyna einu sinni enn og viti
menn, þrjóskan borgaði sig.
18. Hrein sængurföt
Það er fátt jafnaðlaðandi og tandurhrein rúmföt. Opnaðu gluggann og
hleyptu hreina loftinu inn og margfaldaðu ánægjuna. Það verður líkt
og enginn hafi áður sofið í rúminu.
19. Fallegt útsýni
Ferðastu um landið eins og gestur. Skelltu þér í bíltúr og leyfðu
stórbrotinni náttúrunni að koma þér á óvart.
20. Spjall um gamla tíma
Það er fátt meira gefandi en að endurupplifa yndislegustu andartök
lífs þíns með nánasta vini sem var á staðnum og lifði þau með þér.
21. Óvæntir gullhamrar
Ef dagurinn hefur ekki verið sá besti getur hrós úr óvæntri átt gert
kraftaverk.
22. Hláturskast
Hlátur er besta lækningin. Lífið er sannarlega gott þegar þú hlærð
svo mikið að þú nærð ekki andanum. Slíkt hláturskast lyftir skapinu á
hærra og betra plan.
23. Tilfinningin eftir líkamsræktina
Hversu gott er að hafa tekið vel á því í ræktinni og vita að fyrir vikið lít-
urðu ekki bara betur út heldur ertu heilbrigðari á líkama og sál? Þegar
þú gengur út af líkamsræktarstöðinni ertu á toppnum á tilverunni.
24. Þegar kviknar á fattaranum
Hafa ekki allir upplifað að fatta ekki brandarann þegar allir aðrir eru
skellihlæjandi? Þegar þú loksins kveikir verður léttirinn þvílíkur og
vellíðunartilfinning fylgir í kaupbæti.
25. Afslöppun í sólinni
Þú liggur á vindsæng í sundlauginni eða situr bara á stól heima á palli í
góðu veðri og ert fullkomlega sátt/-ur við lífið og tilveruna.
26. Snerting ástarinnar
Þú ert yfir þig ástfangin/-n og um líkamann hríslast vellíðunartilfinn-
ing í hvert skipti sem þið snertist. Að haldast í hendur er nánd innan
siðferðilegra marka sem þið getið stundað hvar sem er. Það eru ekki
margir sem myndu leyfa þér að að halda í hönd sína svo mundu að
njóta þess þegar það gerist.
27. Leikir í vatni
Að leika sér í vatni er fyrir alla aldurshópa, hvort sem það er að stinga
sér, leika sér með bolta eða bara njóta kokteils í heitum potti. Vatnið er
alltaf jafnyndislegt.
28. Fá einhvern til að brosa
Ef þú tekur eftir einhverjum sem virðist hafa verið undir óvenjulega
miklu álagi í vinnunni síðustu dagana er tilvalið að koma honum á
óvart með því að vinna leiðinlegustu verkin fyrir hann. Brosið sem þú
færð til baka er óborganlegt.
29. Ljúka við verkefni
Þú hefur unnið að stóru verkefni síðustu mánuðina og sérð loksins
fyrir endann á því eða varst kannski að klára þitt fyrsta maraþonhlaup.
Hvort heldur sem er, þá er tilfinningin að ná í mark yndisleg. Það sama
á við um að strika yfir öll atriðin á verkefnalistanum.
einfaldar leiðir29
til að njóta lífsins