Dagblaðið Vísir - DV - 30.03.2012, Blaðsíða 6

Sýndi ábyrgð
en var rekinn
6 Fréttir 30. mars–1. apríl 2012 Helgarblað
Þak á verðtrygginguna
n Framsóknarmenn leggja fram frumvarp og segjast bjartsýnir
É
g er mjög bjartsýnn,“ segir Gunn-
ar Bragi Sveinsson, þingflokks-
formaður Framsóknarflokksins,
um frumvarp sem þingflokkur
Framsóknar lagði fram á Alþingi á
fimmtudag. Í frumvarpinu er kveð-
ið á um að þak verði sett á hækk-
un verðtryggingar og lækkun vaxta.
Markmið frumvarpsins er að draga
úr vægi verðtryggingar í íslensku
efnahagslífi, minnka vaxtakostn-
að og skuldsetningu heimilanna og
tryggja að ábyrgðin af baráttunni við
verðbólguna hvíli ekki aðeins á herð-
um neytenda í samfélaginu.
Gunnar segist bjartsýnn á að
frumvarpið verði að lögum. „Í ljósi
allrar þeirrar umræðu sem hefur ver-
ið, bæði hjá ráðherrum ríkisstjórn-
arinnar og stjórnarþingmönnum,
er ég bjartsýnn. Þarna tel ég að við
séum að fara dálítið mildilegri leið og
reyna að mæta sjónarmiðum og búa
til einhverja sátt,“ segir Gunnar. Með-
al þess sem framsóknarmenn leggja
til er að fjögurra prósenta þak verði
sett á hámarkshækkun verðtrygg-
ingar á neytendalán á ársgrundvelli.
„Þá eru aðilar að deila áhættunni ef
þetta er komið yfir þessi fjögur pró-
sent. Það er þá ekki verið að afnema
verðtrygginguna, en þetta er skref í
þá átt að afnema verðtrygginguna á
þessum neytendamarkaði, ef það má
orða það þannig,“ segir Gunnar.
Þá er lagt til að neytendum verði
heimilt að breyta verðtryggðum lán-
um sínum í óverðtryggð án kostnað-
ar. Einnig er lagt til að óheimilt verði
að hækka gjöld eða tekjur ríkissjóðs
á grunni almennrar verðlagsþróunar
nema sérlög eða samningar liggi þar
að baki. Loks er lagt til að Seðlabank-
anum verði falið að setja lánastofnun-
um reglur um verðtryggingarjöfnuð,
hámark veðhlutfalla og lengd láns-
tíma vegna fasteigna og lóða. Gunn-
ar segir að bankarnir græði mikið
á þessum verðtryggingarjöfnuði og
segir hann að frumvarpið muni koma
í veg fyrir að bankarnir hafi hvata til
að viðhalda verðbólgunni.
Ostborgari
franskar og 0,5l gos
Máltíð Mánaðarins
Verð
aðeins
1.045 kr.
d
v
e
h
f.
2
0
12
/
d
av
íð
þ
ó
r
Stigahlíð 45-47 | Sími 553 8890
*gildir í mars
Bjartsýnn Gunnar Bragi segist vera bjart-
sýnn á að frumvarpið nái fram að ganga.
Ísland og Evrópusambandið:
Fari ekki með
fiskveiði-
stjórn
Ef Ísland gengur í Evrópusamband-
ið er ólíklegt að stjórn sameigin-
legrar fiskveiðistefnu sambandsins,
innan framkvæmdastjórnarinn-
ar, falli Íslendingum í skaut. Þetta
kom fram í máli fulltrúa hjá The
Centre for European Policy Studies
í Brussel. Það er hins vegar ekki al-
gjörlega útilokað þótt það verði að
teljast ólíklegt.
Hvert aðildarríki fær umsjón
með einum málaflokki innan fram-
kvæmdastjórnar Evrópusambands-
ins. Smærri ríki fara sjaldnast með
stjórn stærstu málaflokkanna, en
sambandið reynir einnig að vinna
út frá því að ríki sem eiga mesta
hagsmuni undir ákveðnum mála-
flokki stjórni honum ekki.
Þó að hvert aðildarríki tilnefni
sinn fulltrúa í framkvæmdastjórn-
ina starfa þeir ekki í umboði ríkis-
stjórnar heldur eiga þeir að starfa
með hagsmuni Evrópusambands-
ins alls að leiðarljósi.
Fulltrúinn sagði á fundi með ís-
lenskum blaðamönnum í Brussel á
fimmtudag að ESB reyndi að forð-
ast hagsmunaárekstra með því að
stuðla að því að ríki sem eiga mesta
hagsmuni í tilteknum málaflokki
færu ekki með stjórn hans innan
framkvæmdastjórnarinnar. Hins
vegar er vel mögulegt að íslenskir
þingmenn á Evrópuþinginu myndu
sitja í þingnefnd um sjávarútvegs-
stefnuna og hafa þannig áhrif á
hana.
Ánægðir tölvu-
leikjamenn
Starfsmenn íslenska tölvu-
leikjaframleiðandans CCP eru
ánægðir með nýafstaðna aðdá-
endahátíð tölvuleiksins EVE
Online sem nýverið var haldin
hér á landi. Þetta kemur fram
í tilkynningu frá fyrirtækinu
en hátt í þrjú þúsund manns
sóttu hátíðina í ár. Það þýðir
að hátíðin í ár var sú stærsta
sem haldin hefur verið. „Þessi
var sú besta hingað til, Harpan
er frábært hús fyrir svona við-
burði, mætti samt vera aðeins
stærri. Viðbrögð spilara okkar,
fjölmiðla og heimsins alls við
DUST 514 voru framar okkar
björtustu vonum,“ segir Hilm-
ar Veigar Pétursson, fram-
kvæmdastjóri CCP, í tilkynn-
ingunni.
B
enedikt Mewes var sagt upp
hjá Íslandspósti hf. í janúar á
þessu ári eftir fimm og hálft
ár í starfi hjá fyrirtækinu.
Skýringin sem hann fékk var
sú að hann hefði ítrekað ekki farið að
gefnum fyrirmælum yfirmanns eða
ábendingum um sett vinnubrögð.
Benedikt vill sjálfur meina að hann
hafi verið rekinn fyrir að sýna mikla
ábyrgð í starfi. Hann hafi ítrekað bent
yfirmanni sínum á það sem miður fór
í vinnubrögðum á sinni starfsstöð og
komið með ábendingar um það sem
betur mátti fara. Að sögn Benedikts
líkaði yfirmanni hans það illa. Samt
sem áður kom það fyrir að notast væri
við ábendingar hans án þess að hann
fengi viðurkenningu fyrir það.
Þá segist Benedikt stundum
hafa mætt til vinnu um helgar til að
flýta fyrir því að pakkar kæmust á
leiðarenda til viðtakenda. Það hafi
ekki verið vel séð hjá fyrirtækinu.
Hann segir það jafnframt hafa komið
fyrir að hann hafi verið látinn rukka
viðskiptavini meira en gjaldskrá
fyrirtækisins sagði til um. Hann hafði
það þó ekki í sér, samviskunnar vegna.
„Ég gat ekki misnotað vanþekkingu
fólksins sem vissi ekki hvað það átti að
borga. Ég varð að láta fólk vita ef það
borgaði of mikið.“
Þegar Benedikt krafðist frekari
útskýringa á uppsögninni í tölvupósti
fékk hann þetta svar: „Ég mun ekki
fara nánar út í þessi mál og vona að
þér gangi vel í framtíðinni.“ Hann
er mjög ósáttur við þessi málalok
og finnst hann eiga rétt á frekari
útskýringum.
Fleiri uppsagnarmál
DV hefur greint frá málum tveggja
einstaklinga sem sagt hefur verið upp
störfum hjá Íslandspósti. Sólveig Sig-
urðardóttir starfaði sem bréfberi hjá
fyrirtækinu í 24 ár en var skyndilega
sagt upp í ágúst síðastliðnum. Taldi
hún ástæður uppsagnarinnar meðal
annars vera þær að eldri starfsmenn
líkt og hún væru dýrari starfskraftar,
þá var hún að bíða eftir niðurstöðum
læknisrannsóknar og var gjarnan
ósammála skoðunum yfirmanns síns.
Henrý Þór Baldurssyni
skopmyndateiknara var einnig sagt
upp störfum hjá Íslandspósti í maí
árið 2009, eftir tveggja ára starf.
Hann fékk aldrei að vita ástæður
uppsagnarinnar þrátt fyrir að hafa
gengið mikið eftir þeim. Sjálfur taldi
hann málið snúast um eitthvað sem
hann gerði fyrir utan sinn vinnutíma.
Þá hafa tvær konur til viðbótar
með mjög langan starfsaldur
hjá póstinum sagt sögu sína á
Smugunni. Önnur hafði unnið
hjá fyrirtækinu í 12 ár en hin 24 ár.
Skipulagsbreytingar voru sagðar
ástæður uppsagna þeirra beggja.
Lagður í einelti
Benedikt sem er frá Þýskalandi hóf
störf við útkeyrslu hjá Íslandspósti
árið 2006 en starfaði síðar á tveimur
pósthúsum sem gjaldkeri, fyrst í
Pósthússtræti og svo í Síðumúla.
Hann vill meina að hann hafi
hálfpartinn verið lagður í einelti á
síðari staðnum. Sem dæmi tekur
hann að eitt sinn hafi verið öskrað
á hann og þegar hann kvartaði yfir
því þá hafi viðbrögðin ekki verið
betri. „Ég þurfti ég þola setningar
eins og:„ég hélt að af því að þú værir
frá Þýskalandi, þá værir þú vanur að
fólk öskraði á þig eins og Hitler gerði
við sína menn“.“ Benedikt tekur þó
fram að sá aðili sem lét þessi orð falla
hafi síðar beðið hann afsökunar.
Stéttarfélagið gerði ekkert
Benedikt setti sig í samband við
Póstmannafélag Íslands eftir
uppsögnina, greindi frá máli sínu og
sagðist ósáttur við þær skýringar sem
hann hefði fengið. Þar fékk hann hins
vegar þau svör að ekkert væri hægt að
gera fyrir hann.
Henrý setti sig einnig í samband
við Póstmannafélagið í kjölfar sinnar
uppsagnar en fékk þau svör að
félagið sæi sér ekki fært að þrýsta á
stjórnendur Íslandspósts um að greina
honum frá ástæðu uppsagnarinnar.
DV fékk þær upplýsingar hjá Póst-
mannafélaginu að þeim einstakling-
um sem til þeirra leituðu og hefði
verið sagt upp væri ávallt bent á að
samkvæmt kjarasamningi gætu þeir
óskað eftir viðtali við yfirmann um
starfslok sín og ástæður uppsagnar.
Alltaf ástæða fyrir uppsögn
„Við leikum okkur ekki að segja fólki
upp. Það eru ýmsar ástæður fyrir að
fólki er sagt upp, en það gerir það ekki
að léttu verki, skipulagsbreytingar,
samdráttur, eða einfaldlega að
fólk stendur sig ekki í starfi,“ segir
Ágústa Hrund Steinarsdóttir,
upplýsingafulltrúi Íslandspósts.
Hún segir að pósturinn tjái sig
að öllu jöfnu ekki um einstaka mál
starfsmanna. Í tilfelli Benedikts vísar
hún til þess að ávallt séu ástæður
fyrir uppsögnum. Hvað Henrý varðar
segir hún að af póstins hálfu þá hafi
honum verið skýrðar allar ástæður
fyrir uppsögninni. Í máli Sólveigar
segir Ágústa að henni hafi boðist
starf á annarri dreifingarstöð vegna
skipulagsbreytinga en hún hafi ekki
þáð það.
Ágústa bendir á að árið 2011
hafi 18 prósent þeirra sem hættu
störfum hjá fyrirtækinu verið sagt
upp störfum. 65 prósent þeirra sem
hættu hafi hins vegar sagt upp sjálfir.
Úr kjarasamningi
Póstmannafélagsins
n Starfsmaður á rétt á viðtali um
starfslok sín og ástæður uppsagnar.
Beiðni um viðtal skal koma fram innan
fjögurra sólarhringa frá því uppsögn er
móttekin og skal viðtal fara fram innan
fjögurra sólarhringa þar frá. „Ég varð að láta
fólk vita ef það
borgaði of mikið
n Benti á það sem betur mátti fara n Segist hafa verið lagður í einelti
Sólrún Lilja Ragnarsdóttir
blaðamaður skrifar solrun@dv.is
23. og 26. mars sl.
Rekinn Benedikt segist
hafa sýnt mikla ábyrgð í
starfi. Hann hafi oft bent
yfirmanni sínum á það sem
betur mátti fara en það hafi
ekki fallið í góðan jarðveg.