Dagblaðið Vísir - DV - 30.03.2012, Blaðsíða 40

40 30. mars – 1. apríl 2012 Helgarblað
Sakamál 5 sjúklinga er talið að finnska hjúkrunarkonan Aino Nykopp-Koski hafi sent yfir móðuna miklu. Á milli 2004 og 2009 starfaði Aino Nykopp-Koski á fjölda sjúkrahúsa, umönnunarheimila og við heimahjúkrun. Hún myrti fórnarlömb sín með því að gefa þeim róandi lyf og ópíumefni. Hún var handtekin í mars 2009 og síðar dæmd til lífstíðarfangelsis sem samsvarar tólf ára afplánun áður en hún getur sótt um reynslulausn.U m s j ó n : K o l b e i n n Þ o r s t e i n s s o n k o l b e i n n @ d v . i s
U
m miðjan september 1999 ruddist
Larry Gene Ashbrook inn á trúar-
samkomu unglinga í Wedgewood-
babtistakirkjunni í Fort Worth í
Texas í Bandaríkjunum. Larry Gene var
vopnaður níu millimetra hálfsjálfvirkri
skammbyssu og 380 kalibera skammbyssu.
Áður en Larry Gene hóf skothríð jós
hann yfir unglingana formælingum í garð
þeirra sem aðhyllast baptisma og kirkju
þeirra.
Síðan beið hann ekki boðanna en lét
skotunum rigna yfir mannskapinn af
slíku offorsi að hann þurfti að endurhlaða
nokkrum sinnum en þrjú tóm hleðsluhylki
fundust á vettvangi. Þegar upp var staðið
hafði Larry Gene myrt sjö manneskjur, þar
af voru fjórir unglingar; 14 ára drengur,
tvær 14 ára stúlkur og 17 ára drengur. Að
auki særðust sjö manns, þar af þrír alvar-
lega en fjórir sluppu með minni háttar
áverka.
En Larry Gene hafði haft fleira í hyggju
því á vettvangi fann lögreglan einnig
rörbút, tappa til að loka rörbútnum og
byssupúður og kveik. Larry Gene hafði
hent þessari rörasprengju inn í kirkjuna
en fyrir slembilukku hafði hún sprungið
án þess að skaða nokkurn mann. Í kjölfar
skotárásarinnar svipti Larry Gene sig lífi.
Larry Gene Ashbrook hafði misst
móður sína níu árum fyrr og varð við það
óútreiknanlegur og ógnvekjandi í hegðun.
Hann bjó lengi vel með föður sínum og
sögðu nágrannar síðar að þeir hefðu oft
orðið vitni að ofbeldisfullri meðferð Larrys
á föðurnum.
Larry hafði nokkrum dögum fyrir skot-
árásina hitt ritstjóra City-dagblaðsins sem
sagði að hann hefði verið eins indæll og
hugsast gat. Nágrannar Larrys lýstu honum
hins vegar sem undarlegum og ofbeldis-
fullum.
Rannsóknarlögregla komst að því við
rannsókn málsins að Larry hafði bókstaf-
lega rústað innviði heimilis síns. En lög-
reglan gat ekki fundið nokkra sennilega
skýringu á ástæðum ódæðisins, en mán-
uðina fyrir daginn örlagaríka varð Larry, að
sögn þeirra sem til þekktu, ofsóknaróður.
Hann var sannfærður að einhver sakaði
hann um glæpi sem hann hafði ekki framið
– raðmorð og fleira. Einnig óttaðist hann
að hann hann væri skotspónn leyniþjón-
ustu Bandaríkjanna og talaði um sálfræði-
hernað, árásir vinnufélaga og sagðist hafa
verið byrlað ólyfjan af lögreglunni. Þetta
var einmitt ástæða þess að hann hitti áður-
nefndan ritstjóra nokkrum dögum fyrr: „Ég
vil að einhver segi sögu mína, enginn vill
hlusta á mig, enginn vill trúa mér.“
Fylltist
ofsóknaræði
Myrti sjö manns á trúarsamkomu
R
ichard „Ricky“ Kasso
fékk á sínum tíma við-
urnefnið Sýrukóngur-
inn. Hann fæddist í mars
1967 inn í ágætlega virta
fjölskyldu, en faðir hans, Greg-
ory Pitch Kasso, var knattspyrnu-
þjálfari og sögukennari við Cold
Spring Harbor-menntaskólann
í Suffolk-sýslu í New York-ríki.
Nokkrum árum áður en þeir at-
burðir gerðust sem hér verður
sagt frá hafði Gregory verið kjör-
inn þjálfari ársins á Long Island,
en það er önnur saga.
Ricky Kasso var vart kominn á
táningsaldur þegar hann strauk
að heiman, hann dró fram lífið á
götum Northport á Long Island,
en fann sér gjarna næturstað í
skóglendi í grenndinni eða í bif-
reiðum, bílskúrum, bakgörðum
eða mannlausum húsum.
Ricky neytti fíkniefna, að-
allega maríjúana, hass, PCP,
meskal íns og LSD. Hið síðast-
nefnda var ástæða viðurnefnis-
ins Sýrukóngurinn.
Riddarar svarta hringsins
Ricky kákaði aðeins við djöfla-
dýrkun og var í vinfengi við með-
limi félagsskapar sem nefnd-
ist Riddarar svarta hringsins.
Félagsskapurinn var losara-
legur en engu að síður fór sög-
um af athöfnum djöfladýrkun-
ar sem hópurinn hélt, aðallega í
North port. Sagan segir að ridd-
ararnir hafi haldið upp á dag
sem kenndur er við heilaga Wal-
purgu, dag sem gjarna er bendl-
aður við samkomu norna og
galdramanna í miðöldum Evr-
ópu. Riddararnir héldu upp á
daginn í alræmdu húsi í Amity-
ville árið 1984.
Ricky hafði í það minnsta
einu sinni lýst fyrir vinum sínum
mikilli hrifningu á bók Antons
LaVey, The Satanic Bible.
Árið 1983 var Ricky, ásamt
fleirum, handtekinn fyrir graf-
arrán. Hafði hann tekið trausta-
taki hauskúpu, hönd og fleiri
muni. Mánuði síðar fékk hann
lungnabólgu og fékk meðferð
við henni á sjúkrahúsi á Long Is-
land. Foreldra Rickys grunaði að
hann væri ekki alveg heill á geði
og reyndu að fá læknana til að
úrskurða Ricky til dvalar á geð-
deild, gegn hans vilja. Foreldr-
arnir höfðu ekki erindi sem erf-
iði; læknar töldu Ricky í mesta
lagi sýna af sér andfélagslega
hegðun – hann væri hvorki geð-
veikur né ofbeldishneigður.
Aðdragandi morðs í myrkum
skógi
Einn kunningja Rickys hét Gary
Lauwers og snemma árs 1984
sló í brýnu með þeim þegar Lau-
wers notaði tækifærið eftir að
Ricky lognaðist út af í partíi og
nappaði tíu pokum af PCP úr
vasa hans. Skömmu síðar, þeg-
ar Ricky gekk á Lauwers, viður-
kenndi hann verknaðinn, skilaði
fimm pokum og lofaði að greiða
50 dali fyrir hvern hinna fimm,
sem höfðu verið notaðir. En það
gekk ekki eftir og fyrir vikið gekk
Ricky nokkrum sinnum í skrokk
á Lauwers.
Að kvöldi 16. júní 1984 fór
Ricky í garðskála einn í Cow har-
bor-garðinum og hafði meðferð-
is útvarpstæki sem hann hafði
fengið að láni frá vini sínum,
Mark Fisher. Ricky bauð Lau-
wers að komast í vímu og sagðist
fyrirgefa honum gamlar syndir.
Skömmu síðar gengu þeir tveir
ásamt tveimur félögum, Jimmy
Troiano og Albert Quinones, í
Aztakea-skóginn, komu sér fyr-
ir og neyttu þess sem þeir töldu
vera meskalín, en var sennilega
annaðhvort PCP eða LSD.
Þriggja til fjögurra tíma
ofbeldi
Fjórmenningarnir reyndu að
kveikja bál en gekk ekki sem
skyldi því sprekið var blautt.
Lauwers gekk svo langt að fórna
sokkum sínum og jakkaermum í
tilraun til að búa til varðeld. Kom
þá Ricky með þá uppástungu að
þeir notuðu hárið af höfði Lau-
wers sem eldsmat og brátt fór allt
úr böndunum.
Ricky og Lauwers tókust á og
beit Ricky Lauwers í hálsinn og
stakk hann með hnífi í bringuna.
Næstu þrjá til fjóra klukkutímana
mátti Lauwers þola misþyrming-
ar af hálfu Rickys.
Að sögn Quinones hjálpaði
Troiano Ricky og hélt Lauwers
föstum, en viðurkenndi, eftir að
hafa verið lofað friðhelgi, að hafa
hjálpað til og meðal annars dreg-
ið Lauwers til Rickys þegar hann
reyndi að flýja.
Lauwers var stunginn á
bilinu 17 til 36 sinnum, hann var
brenndur, augun voru stungin úr
augntóftunum og steinum troðið
ofan í kok hans. Meðan á þessu
stóð krafðist Ricky þess að Lau-
wers játaði ást sína á djöflinum.
„Segðu að þú elskir Satan,“ skip-
aði Ricky, en Lauwers svaraði
alltaf: „Ég elska mömmu mína.“
Að lokum huldu Troiano og
Ricky líkama Lauwers, sem þeir
töldu liðið lík, með laufum og
greinum, en í sömu andrá og
þeir gengu á brott reis Lauwers
upp við dogg og stundi: „Ég elska
mömmu mína.“ Ricky böðlaðist
þá á Lauwers þar til öruggt var að
hann væri dáinn.
Ricky gumar af glæpnum
Í kjölfarið hafði Ricky hátt um
morðið og sagði þeim sem heyra
vildu að um hefði verið að ræða
„mannfórn“, að Satan hefði skip-
að honum að myrða Lauwers.
Satan hefði birst í mynd svartrar
kráku sem hefði krunkað. Krunk-
ið hefði Ricky túlkað sem tilmæli
um að myrða Lauwers. Ricky
gekk meira að segja svo langt að
fara með hóp vantrúaðra ung-
linga inn í skóginn og sýna þeim
líkið af Lauwers.
Það var þó ekki fyrr en tveim-
ur vikum síðar sem lögregl-
unni barst ábending og þann 4.
júlí fann hún, með hjálp leitar-
hunda, líkið af Lauwers. Fimmta
júlí var Ricky Kasso handtek-
inn og þann 7. hengdi hann sig
í klefa sínum.
Jimmy Troiano skrifaði und-
ir játningu sem hann síðar dró
til baka. Albert Quinones vitn-
aði um að Troiano hefði aðstoð-
að Ricky Kasso við morðið, en
vitnisburður hans var dreginn í
efa vegna þess hve uppdópaður
hann hafði verið – Troiano var
síðan sýknaður af morðákæru í
apríl 1985.
n Hann myrti kunningja sinn á hryllilega hátt í myrkum skógi„ Í sömu andrá
og þeir gengu á
brott reis Lauwers upp
við dogg og stundi: „Ég
elska mömmu mína.“
SÝRUKÓNGURINN
Sýrukóngurinn
Ricky Kasso sagði
morðið á Lauwers
hafa verið
„mannfórn“.