Dagblaðið Vísir - DV - 11.12.2009, Blaðsíða 52

Pólskur morðingi með enskt nafn Þrátt fyrir
sitt engilsaxneska nafn var George Chapman pólskur raðmorðingi. Hann
fæddist í Póllandi árið 1865 og hét upphaflega Seweryn Antonowicz Klosow-
ski. Þegar hann náði fullorðinsaldri flutti hann til Englands, tók upp nýtt nafn
og framdi glæpi. Hann var sakfelldur og líflátinn fyrir morð á þremur konum,
en er í dag einna helst minnst fyrir þá sök að yfirvöld þess tíma grunuðu hann
um að vera raðmorðinginn alræmdi Jack the Ripper, Kobbi kuti. Lesið um pólska
morðingjann með enska nafnið í næsta helgarblaði DV.
Varalitarmorðinginn
Eflaust má leiða líkur að því að orð sem móðir Williams Heirens lét falla þegar hann var ellefu ára hafi haft
áhrif á þankagang hans. William átti erfitt með eðlileg samskipti við kvenfólk og leitaði annarra leiða til að
upplifa kynferðislega fullnægju.
Í fyrstu hefði mátt ætla að Willi-
ams Heirens myndi bíða góð ævi.
William fæddist árið 1928 og var
eina barn foreldra sinna. Foreldr-
ar hans voru vel efnaðir og bjuggu
í Lincolnwood, úthverfi Chicago.
Kreppan mikla, um 1930, hafði ekki
teljandi áhrif á líf fjölskyldunnar og
ef William Heirens átti við einhver
vandamál að stríða voru þau ekki
veraldleg heldur sprottin úr huga
hans.
Ellefu ára að aldri varð Willi-
am vitni að atburði sem hrinti af
stað heldur óheillavænlegri þró-
un; hann sá fólk í samförum. Willi-
am sagði móður sinni frá upplifun-
inni og fékk þau svör að allt kynlíf
væri „óhreint“, og hann myndi fá
sjúkdóm ef hann snerti einhverja
stúlku.
Síðar meir þegar Williams kel-
aði við einhverja vinkonu átti hann
til að tárast fyrirvaralaust og kasta
upp fyrir framan hana. Fullur nið-
urlægingar lagði William á flótta
frá vinstúlkunum.
Þegar leið á unglingsárin fékk
William útrás fyrir gremju sína á
ýmsa vegu. Hann hóf að klæðast
kvenmannsfötum og fékk fullnæg-
ingu á meðan hann fletti í gegnum
úrklippubók með myndum af Ad-
olf Hitler og fleiri háttsettum nas-
istum.
Innbrot veita fullnægju
Árið 1942, þegar William var 13
ára, var hann handtekinn fyrir að
koma vopnaður hlaðinni byssu í
skólann. Foreldrar hans voru furðu
lostnir þegar lögregluna bar að
garði og ekki varð undrun þeirra
minni þegar riffill og þrjár skamm-
byssur fundust á bak við ísskáp-
inn og fjögur vopn til viðbótar falin
uppi á þaki.
Dómari féllst á skilorðsbund-
inn dóm að þeim skilyrðum upp-
fylltum að William yrði sendur á
unglingaheimili í Perú í Indíana-
ríki. Þegar William kom heim eft-
ir þriggja ára „nám“ settist hann
á skólabekk í háskóla Chicago. En
meðfram námi þar lagði hann rækt
við hæfileika sinn til innbrota, og
komst að því að hann fékk kynferð-
islega fullnægju við innbrot og þá
áhættu að brjótast inn í ókunn hí-
býli.
Raðfullnæging í kjölfar morðs
3. júní, 1945, var William Heirens í
miðju kafi við rán í íbúð í Chicago.
Eigandi íbúðarinnar, Josephine
Ross, vaknaði við aðfarir Williams
og kom honum að óvörum. Án
nokkurrar miskunnar réðist Willi-
ams á Josephine, skar á háls henn-
ar og stakk hana nokkrum sinn-
um.
Þegar hann sá blóðið virtist sem
hann midaðist og hann reyndi í
vonleysi að binda sárabindi um
háls hennar. Að því loknu ráfaði
Williams í reiðileysi um íbúðina í
tvo klukkutíma, úr einu herbergi í
annað, og naut fjölda fullnæginga.
Fjórum mánuðum síðar, 5.
október, kom herhjúkrunarkonan
Evelyn Peterson Willam að óvör-
um þegar hann var að snuðra í íbúð
hennar. William kýldi hana í gólf-
ið og flýði af vettvangi. Þrátt fyrir
að hann hafi skilið eftir sig fingra-
för láðist lögreglunni að bera þau
saman við skráð fingraför Williams
frá fyrri handtökum.
Ákall skrifað með varalit
Hin 33 ára Frances Brown var ekki
jafnheppin og Evelyn Peterson. 10.
desember, 1945, þegar hún kom
af baðherbergi heimilis síns gekk
hún beint í flasið á William þar sem
hann var að róta í veskinu hennar.
Um leið og hún öskraði skaut
William hana tveimur skotum. Síð-
an sótti hann hníf í eldhúsið til að
fullkomna verkið.
Síðan dró hann Frances inn á
baðherbergi og reyndi að þvo burt
blóðið. Hann skildi við hana í bað-
karinu, að hálfu hulda undir inni-
slopp. Á spegilinn skrifaði Willi-
am, með varalit fórnarlambsins: „Í
guðanna bænum náið mér áður en
ég drep fleiri. Ég hef ekki stjórn á
mér.“ Þessi orðsending varð til þess
að William fékk viðurnefnið Vara-
litsmorðinginn.
Um mánuði síðar, 7. janúar,
1946, réðst William Heirens inn í
svefnherbergi sex ára stúlku, Suz-
anne Degnan. William nam stúlk-
una á brott með sér og skildi eft-
ir miða þar sem krafist var 20.000
dala lausnargjalds. Krafan var ein-
göngu hugsuð til að rugla lögregl-
una í ríminu og veita William svig-
rúm. William leitaði ekki langt yfir
skammt og fór með Suzanne niður í
nærliggjandi kjallara þar sem hann
myrti hana og hlutaði lík henn-
ar sundur með veiðihníf. Líkams-
hlutunum pakkaði Williams inn í
dagblöð og kastaði niður í niðurföll
þegar hann ráfaði um götur borg-
arinnar í morgunhúminu.
Rotaður með blómapotti
Um mitt ár 1946 var lögreglan engu
nær því að leysa morðin á Jose-
phine, Frances og Suzanne, en 26.
júní dró til tíðinda. Lögreglan hafði
verið kölluð út í norðurhluta Chi-
cago vegna manns sem sýndi af sér
grunsamlega hegðun.
William Heirens lét sér ekki
bregða þrátt fyrir að standa frammi
fyrir einkennisklæddum lögreglu-
mönnum. Hann greip til byssunn-
ar og tók tvisvar í gikkinn, en byss-
an stóð á sér í bæði skiptin.
William beið ekki boðanna og
upphófust heiftúðug slagsmál á
milli hans og lögregluþjónanna
sem enduðu ekki fyrr en hann var
laminn í höfuðið með blómapotti.
George Murman gerði það
Í fangelsinu upplýsti William Heir-
ens lögregluna um morðin þrjú, en
skellti sökinni á „George Murman“,
sitt annað sjálf. Murman var stytting
á Murder Man, og sagði William að
Murman hefði framið morðin.
Þrátt fyrir að William hafi bor-
ið við geðveiki var hann sakfelldur
fyrir þrjú morð í september 1946 og
dæmdur til þriggja samfelldra lífs-
tíðardóma. Árið 1983 fyrirskipaði
dómari að William skyldi sleppt úr
fangelsi og skírskotaði til „endur-
hæfingar“ Williams, en úrskurðin-
um var ógiltur eftir áfrýjun af hálfu
saksóknara í febrúar 1984.
William Heirens dró síðar játn-
ingar sínar til baka og sagðist hafa
verið beittur þvingunum og að
hann hafi sætt ofbeldi af hendi lög-
reglunnar.
William mun enn vera fullviss
um tilvist George Murman. „Hann
er mjög raunverulegur fyrir mér,“
var haft eftir William sem seg-
ist einnig hafa talað við Murman
nokkrum sinnum og skrifað hon-
um orðsendingar. William Heirens
hefur verið í fangelsi í 63 ár sem er
talið met.
UmSJón: KoLbEinn ÞoRStEinSSon, kolbeinn@dv.is
52 föstudagur 11. desember 2009 sakamál
Varalitarmorðinginn Williams eftir að hafa slegist við lögregluna í júní 1946.
Hann hóf að klæðast kvenmannsfötum og fékk fullnæg-
ingu á meðan hann fletti í gegnum úrklippubók með
myndum af Adolf Hitler og fleiri háttsettum nasistum.
William Heirens Fékk þrjá samfellda lífstíðardóma árið 1946.