Lögmannablaðið - 01.10.2009, Blaðsíða 6

6 < LÖGMANNABLAÐIÐ 3 / 2009
Innanhúslögmenn fara verr
út úr hruni
Efnahagshrunið hefur haft áhrif á
vinnuumhverfi 56,4% lögmanna sem
svöruðu könnun Lögmannablaðsins,
þar af hafa 5% svarenda misst vinnu af
þess völdum. Innanhúslögmenn hafa
farið mun verr út úr hruninu þar sem
66% svarenda hafði orðið fyrir barðinu
á því á móti 50% lög manna á stofum.
Þar af hafði starf breyst hjá 55%
innanhúslögmanna, þriðjungur sagði
vinnustundum hafa fjölgað og hjá
tæplega helmingi hefur vinnuálag
aukist. Þá sögðust 64% hafa lækkað í
launum. Einungis átta af 138 innan-
húslögmönnum hafa hækkað í launum.
Þessar breytingar virðast hafa gengið
jafnt yfir alla, burt séð frá kyni, aldri
eða starfsaldri.
Lögmenn fjármálafyrirtækja,
fjárfestinga­ eða
tryggingafélaga
Nokkrar breytingar hafa orðið á starfs-
vettvangi innanhúslögmanna síðan
árið 2007. Þá starfaði helmingur þeirra
hjá fjármálafyrirtækjum, fjárfestinga-
eða tryggingafélögum en nú sögðust
43,5% starfa þar. Alls höfðu 26 af 60
lækkað í launum, eða 43%, á meðan
sjö hafa hækkað í launum, eða 12%. Á
sama tíma hefur vinnutími lengst hjá
þriðjungi þessa hóps og vinnuálag hjá
43%. Einungis þrír höfðu misst vinnu
vegna hrunsins.
Lögmenn ráðuneyta,
sveitarfélaga eða opinberra
stofnana
Af 41 lögmanni sem starfar hjá ráðu-
neytum, sveitarfélögum eða opinberum
stofnunum hafa 23 lækkað í launum,
eða 56%, á meðan einn hefur hækkað
í launum. Vinnustundum hefur fjölgað
hjá fjórðungi þessara lögmanna og
vinnuálag aukist hjá þriðjungi þeirra.
Einungis einn hafði misst vinnu vegna
hrunsins.
Lögmenn á lögmannsstofum
239 lögmenn á lögmannsstofum
svöruðu könnun Lögmannablaðsins af
482, en einungis 26% þeirra sögðu starf
sitt hafa breyst á móti 50% innanhús-
lögmanna. 19% sögðu vinnustundum
hafa fjölgað en 26% að vinnuálag hefði
aukist. Tæplega 17% hafa lækkað í
launum, en laun 6% hafa hækkað.
Könnun lögmannablaðsins
Mikil áhrif bankahrunsins
á störf lögmanna
7
52
34
9
45
8 8
64
12
63
45
13
62
8
14
40
Áhrif efnahagshruns á vinnuumhverfi lögmanna
Innanhúslögmenn (138 svör) Lögmenn á lögmannsstofum (239 svör)
30% lögmanna segja starf sitt hafa breyst í kjölfar efnahagshrunsins,
28% að vinnuálag hafi aukist, 21% að vinnustundum hafi fjölgað og
27,6% segja að laun þeirra hafi lækkað. Þetta kemur m.a. fram í
niðurstöðum könnunar sem gerð var meðal félagsmanna Lögmannafélags
Íslands í september síðastliðnum.