19. júní - 19.06.2008, Blaðsíða 20

18
„Ég er mjög hrifin af þessari
aðferð,“ segir Halla. „Meðan ég
vann í mannauðsstjórnun vann
ég að margs konar verkefnum
sem miðuðu að því að breyta
fyrirtækjamenningu og kynntist
ég því hversu erfitt það er að
hnika einhverju til. Það tekur að
lágmarki fimm ár en oftast nær
fimmtán til tuttugu ár ef þú ætlar
að breyta rótgrónu fyrirtæki á
einhvern afgerandi máta. Ég
er því mjög hrifin af því að búa
til svona „parallel systems“. Við
gerðum það í raun og veru
þegar ég var hjá Háskólanum í
Reykjavík. Háskóli Íslands var þá
nánast eini skólinn og hafði gert
hlutina á nokkurn veginn sama
hátt í hundrað ár. HR verður til
og er flóin sem hoppar og gerir
hlutina öðruvísi. Smám saman
verður það til þess að HÍ fer að
skoða sín mál fer að breyta þeim
og bætir sig mikið. Eftir starf
mitt hjá HR er ég einna stoltust
af þeim breytingum sem hafa
orðið á HÍ vegna okkar starfs. Ég
tel það ofsalega jákvætt ef Auður
verður til þess að fjármálageirinn
eða viðskiptalífið fer að koma
með aðrar áherslur með
tímanum.
„Þetta snýst þó ekkert um það
að við ætlum að gjörbreyta
fjármálageiranum,“ segir Kristín.
„Auður er bara annar valkostur
og aðrir þurfa ekki að verða
eins og við. Þeir eru góðir í því
sem þeir eru að gera. Við höfum
einfaldlega aðra sýn og aðra
nálgun því samfélagið er að
breytast og ný tækifæri að verða
til vegna þess.“
„Við sjáum þetta sem „blue
ocean“ viðskiptatækifæri sem
þýðir að við viljum fremur fara
út á blátt haf sem ekki hefur