Vestfirska fréttablaðið - 17.01.1985, Qupperneq 2
vestíirska
f
rRETTABLASID
V Bstlirska Vestfirska fréttablaðið kemur út á fimmtudögum kl. 17:30. Ritstjórnarskrifstofa og auglýsingamóttaka að Hafnarstræti 14 er opin virka daga kl. 10:00 til 12:00 og 13: til 17:00. Síminn er 4011. Ritstjóri: Árni Sigurðsson. Blaðamaður Yngvi Kjartansson Stórholti 17. Fjármál og dreifing: Guðrún Halldórsdóttir. Útgefandi og ábyrgðarmaður: Árni Sigurðsson, Fagraholti 12, ísafirði, sími 3100. Prentun: Prentstofan (srún hf. ísafirði. Verð í lausasölu kr. 25,00. Auglýsingaverð kr. 130,00 dcm. Áskriftarverð er lausasöluverð reiknað hálfsárslega eftirá.
FRETTABLASID
Ritstjórnargrein
Áramótaleiðari
Á nýliðnu ári hefur ýmislegt gerst
hér, sem til framfara horfir í menn-
ingarlegu og atvinnulegu tilliti. Skip
hafa bæst í fiskiskipaflotann og ber
þar sérstaklega að geta Sólrúnar,
sem byggð var fyrir Bolvíkinga og
togarans Hafþórs, sem rækjuverk-
smiðjur á ísafirði gera út og ílendist
vonandi. Uppbygging hefur verið
mikil og ör hjá fiskvinnslustöðvun-
um, einkum þó í rækjuvinnslu. Vest-
firðingum er fyllilega Ijós sú stað-
reynd, að í fiskvinnslu og fiskveiðum
er vaxtarbroddurinn í atvinnulífi
fjórðungsins og því fagnaðarefni,
þegar áhugasamir athafnamenn
leggja sig fram um að ná árangri á
þessu sviði. Hitt má þó aldrei hverfa
úr huga okkar að við verðum með
öllum ráðum að efla aðra þætti
atvinnulífsins. Fyrir því verðum við
að berjast ódeigir, Vestfirðingar, að
atvinnutækifæri á öllum sviðum nú-
tíma þjóðlífs standi til boða í héraði.
Ýmislegt hefur verið gert af hálfu
opinberra aðila til þess að reyna að
blása lífi í iðnaðinn og má þar til nefna
stofnun iðnþróunarfélags, tækni-
miðstöðvar og iðnþróunarsjóðs.
Þetta hefur enn ekki skilað árangri og
mætti gjarnan standa til bóta. Ekki
hefur tekist að ráða iðnfulitrúa, þrátt
fyrir ítrekaðar tilraunir. Hins vegar
hefur árangur einstaklinga og hluta-
félaga í iðnrekstri verið góður og
töluverð uppbygging hefur verið hjá
slíkum aðilum, í framleiðslu- og
þjónustuiðnaði. Yfirstandandi og á-
formaðar byggingarframkvæmdir
gefa vonir um að ekki þurfi að skorta
verkefni á því sviði á þessu ári, þótt
það verði sennilega nokkuð misjafnt
í byggðarlögunum.
Verslunin hefur um langan aldur
verið áhyggjuefni manna hér um
slóðir. Ekki svo að skilja, að hörgull
hafi verið á neysluvörum. Heldur hitt,
að allt of stór hluti smásöluversl-
unarinnar fer fram við aðra lands-
hluta í formi póstverslunar. Bitnar
það að sjálfsögðu á takmörkuðum
vaxtarmöguleikum smásöluverslun-
arinnar á svæðinu og er neytendum
dýrt.
Innflutnings- Og útflutningsverslun
er þó sem betur fer nokkur á Vest-
fjörðum og hefur innflutningurinn
hjálpað til við að halda vöruverði
svipuðu og á öðrum markaðs-
svæðum landsins. Útflutningsversl-
un þeirri, sem rekin er héðan óx fisk-
ur um hrygg á árinu 1984 og er það
vísbending um, hvað koma skal.
Hinsvegar má það vera lýðum Ijóst,
að með því fyrirkomulagi, sem nú er
á gjaldeyrisskilum og gjaldeyris-
verslun, þar sem seljendur gjaldeyr-
is eiga enga möguleika á því að hafa
áhrif á sölu hans og verðlagningu og
þar sem framboð og eftirspurn eru
óþekkt hugtök, þá eru það hreinar
stjórnvaldaákvarðanir hvernig at-
vinnugreinarnar standa að vígi á hin-
um ýmsu tímum og þar með hvernig
afkoma fólks er í byggðarlögum,
sem búa við fábreytt atvinnulíf.
Bændur í V-Barðastrandarsýslu
urðu fyrir gífurlegum skaða, þegar
skorið var niður fé í heilu hreppunum
vegna gruns um riðuveiki. Það mun
taka mörg ár fyrir þá að ná upp nýjum
heilbrigðum fjárstofni og tjónið fæst
aldrei bætt til fulls. Að öðru leyti varð
árið bændum gott. veðurfar með
besta móti, heyskapur og skepnu-
höld góð.
Því miður hefur alltof lítið gerst í
fiskirækt á nýliðnu ári, hér á Vest-
fjörðum. Ber þar ýmislegt til, meðal
annars ómerkilegt þras um aukaatr-
iði milli aðiia, sem ekki er ætlað að
verða beinir þátttakendur í slíkum
atvinnurekstri. Hefur ýmsum fundist
sem bæjarstjórn ísafjarðar til
dæmis, hefði mátt beina kröftum
sínum markvissar að því að leysa
þau mál og fleiri, sem lúta að at-
vinnulífi og almennum framförum.
Nægir þar að minnast á málefni skól-
anna í bænum, sem eru í deiglu, og
fátt sem bendir á að til tíðinda dragi á
því sviði á næstunni.
Eins og svo oft áður fóru kyndil-
berar menningarinnar á kostum s.l.
ár. Ýmiskonar íþróttir, félagastarf-
semi, leiklist, tóniist, myndlist og
fleira var iðkað af kappi, og mætti
minnast á margt, sem sleppt verður
hér. Þó er vert að geta um tvær
hljómplötur og tvær bækur. Hljóm-
sveitirnar Kan í Bolungarvík og Grafík
á ísafirði sendu báðar frá sér hljóm-
plötur og fengu góða dóma fyrir.
Einkanlega þó Grafík, sem segja má
að slegið hafi rækilega í gegn. Tvær
bækur unnar hér fyrir vestan tóku
þátt í hinni árlegu jólakeppni bók-
anna. Það voru Ekkert slor, skáld-
saga Rúnars Vignissonar og Saga
ísafjarðar, sem Jón Þ. Þór, sagn-
fræðingur skrifaði. Báðar þessar
bækur fengu nokkuð góða dóma
gagnrýnenda og viðtökur lesenda
voru með ágætum.
Að svo mælti göngum við bjartsýn á
vit ársins 1985.
Árni Sigurðsson
Lesendadálkur
Hvaða skýringar hefur Karvel?
Á fjárlögum ríkisins fyrir árið
1985 eru veittar heilar 300 þús-
und krónur til íþróttahúss á ísa-
firði. Þá eru veittar krónur 0 til
hafnarframkvæmda á ísafirði, en
þess ber að geta að trúlega hafa
umsvif hvergi aukist jafn mikið á
síðustu misserum og einmitt í
ísafjarðarhöfn m.a. með tilkomu
úthafsrækjuveiðanna. Hefur
hafnarnefndin á fsafirði lagt
mikla áherslu á að bæta þyrfti úr
hið bráðasta svo ekki kæmi til
enn meira öngþveitis en orðið er.
(á sama tíma eru veittar 5 mill-
jónir króna til Bolungarvíkur-
hafnar svo dæmi séu nefnd). Þá
eru veittar heilar 5 þúsund krón-
ur til viðbyggingar við Grunn-
skólann á ísafirði (til stækkunar
skólans í Bolungarvík nemur
uþþhæðin nokkrum hundruðum
þúsunda).
Annars var ekki meiningin að
fara að metast við Bolvíkinga um
fjárveitingar úr ríkiskassanum,
en óneitanlega virðast Bolvík-
ingar eiga skeleggari málsvara í
fjárveitinganefndinni en ísfirð-
ingar. (Karvel virðist sem sé fyrst
og fremst þingmaður Bolvíkinga
en ekki Vestfirðinga allra og
kannski síst ísfirðinga).
Það hefur lengi verið Ijóst að
fjárveitinganefndin er ein valda-
mesta nefnd þingsins og fjár-
veitinganefndarmenn, jafnvel
þótt þeir séu í stjórnarandstöðu
hafa mikil völd og góða aðstöðu
til þess að koma fram málum, ef
viljann vantar ekki. Nú er það svo
að Vestfirðingar hafa talið sig
eiga skeleggan málsvara í fjár-
veitinganefnd þar sem er Karvel
Pálmason, enda verður því ekki
neitað að hann kemur fram mál-
um, ef viljann vantar ekki. Því er
nú sþurt: Er viljinn ekki fyrir
hendi, að því er varðar okkur (s-
firðinga? Er það bara Bolungar-
vík sem stjórnarandstöðuþing-
maðurinn getur náð fjárveiting-
um til í þessari stöðu? Eða er það
kannski svo að þingmanninum
sé ekki kunnugt um óskir ísfirð-
inga að því er varðar fjárveitingar
til nauðsynlegra mála úr ríkis-
kassanum? Hafa
„flokksbræður" hans ekki gert
honum grein fyrir því hvar skór-
inn krepþir helst hér á ísafirði.
Eða ætlast hann kannski til þess
að ísfirðingar sæki um alla fram-
tíð íþróttahúsið í Bolungarvík?
Nei, þingmanninum hefur oft
tekist betur til í störfum sínum í
fjárveitinganefndinni. Hann hefði
getað náð stærri upphæð en 300
þúsundum til þeirrar fram-
kvæmdar sem æskufólk á ísafirði
bíður eftir, og er búið að bíða allt
of lengi eftir, ef viljann hefði ekki
vantað.
Að maður tali nú ekki um rús-
ínuna í pylsuendanum: Að
gleyma ísafjarðarhöfn.
Vestfirðingur (ekki Bolvíkingur)
Smá-
auglýsingar
TIL SÖLU
Flauels-kerruvagn og barna-
rimlarúm með dýnu.
Upplýsingar í síma 3507.
TIL SÖLU
Yamaha orgel, 2 borða, borð-
stofuborð og 6 stólar og
barnakerra.
Upplýsingar í síma 7235.
BÍLL TILSÖLU
Wartburg árgerð 1980, ekinn
20.000 þús. km. í mjög góðu
lagi.
Upplýsingar í síma 3193 á
kvöldin.
TUNGUMÁL
Aðstoða skólafóik í íslensku,
dönsku, ensku og þýsku.
Kristín, sími 3818.
TIL SÖLU
Mazda 626 árgerð 1980. Vel
með farinn bíll.
Upplýsingar í síma 7481.
TIL SÖLU
Uppistöður 11/2” + 4” í ýmsum
lengdum. Töluvert magn.
Upplýsingar í síma 3341 eftir kl.
18:00.
TIL SÖLU
Toyota Cressida árgerð 1979,
ekinn 67 þús. km. Tveggja
dyra.
Upplýsingar í síma 3721.
ATHUGIÐ
Ef einhver vill styðja 28 ára
gamian mann í að verða sér út
um viðunandi húsakost, hafið
þá samband við Halldór í síma
4393 eftir klukkan 5. Ræð við
4 — 6 þús. á mánuði. 2 her-
bergja, helst á eyrinni.
ÍBÚÐ TIL LEIGU
4ra herb. íbúð til leigu á ísa-
firði. Leiguskipti á íbúð í
Reykjavík koma til álita.
Upplýsingar í sima 4107.
TIL SÖLU
einbýlishúsið að Bakkavegi
25. Bílskúr fylgir.
Upplýsingar í síma 3967.
TIL SÖLU
Til sölu Ford Bronco árgerð
1974 6 cyl. beinskiptur. Ath.
skipti á ódýrari bíl.
Upplýsingar í síma 3727.
TIL SÖLU
vel með farinn riffill, rússn-
eskur.
Upplýsingar i síma 4159 eftir kl.
18:00.
HJÁLPRÆÐISHERINN
Vegna viðgerða á samkomu-
sal okkar, falla allar samkom-
ur okkan niður, fram í byrjun
febrúar. Fylgist nánar með í
auglýsingum.
DAGBÓKIN
KIRKJA
l'safjarðarkirkja. Sími prests 3017
kl. 19:30 — 20:00. Viðtalstími föstu-
daga kl. 17:00 — 18:00 í Safnaðar-
heimilinu.
Almenn guðsþjónusta sunnudag kl.
14:00.
Hnifsdalskapella. Síðdegisguðs-
þjónusta sunnudag kl. 17:00.
LÖGREGLA — SLÖKKVILIÐ
Lögreglan á ísafirði. Sími 4222.
Lögreglan í Bolungarvík. Sími
7310.
Sjúkrabíll. Sími 3333.
Slökkvilið ísafjarðar. Sími 3333.
Slökkvilið Bolungarvíkur. Sími
7261.