Skagfirðingabók - 01.01.1997, Qupperneq 88

SKAGFIRÐINGABÓK
annars gamansömum auglýsingum eftir ísleif Gíslason, einnig
voru þar auglýsingar frá Jóni Þ. Björnssyni skólastjóra og fleir-
um. A neðra gangi voru myndir og línurit er sýndu mannfjölda
á ýmsum tímum, þróun ýmissa fyrirtækja og fleira. I fyrstu
stofu var krambúð með fornu sniði, meðal annars var þar tunna
á stokkum, en ýmsum mun nú hafa þótt sá mjöður í veikara
lagi. Þar héngu í loftum margs konar fornir gripir. Þar voru og
seldir minjagripir þeir er gerðir höfðu verið í tilefni hátíða-
haldanna. Umsjón með búðinni höfðu kvenfélagskonur í ís-
lenzkum búningum.
í næstu stofu var sýningardeild Kvenfélagsins, gat þar að líta
marga fagra og vel gerða muni er sýndu þróun heimilisiðnaðar
fyrr og nú. Þar var einnig hlóðaeldhús í fornum stíl, með forn-
um áhöldum og hangiketi í rótinni. Umsjón í þeirri deild önn-
uðust einnig konur úr Kvenfélaginu.
í þriðju stofunni á neðri hæð var sýningardeild Iðnaðar-
mannafélags Sauðárkróks. Þar var meðal annars smiðja í göml-
um stíl með fornlegum áhöldum. Þar var borvél smíðuð af
Ingimundi Bjarnasyni sem mun vera elztur af núlifandi iðnað-
armönnum á Sauðárkróki. Þar voru trésmíðaáhöld, fornleg
mjög, og einnig söðlasmíðaáhöld Ogmundar Magnússonar sem
var nýlega látinn í hárri elli.
A enda gangsins á neðri hæð var horn sem sýndi fuglatekju
og bjargsig við Drangey. A gangi efri hæðar voru margskonar
myndir og línurit, þar voru 20 svarthvítar myndir eftir ungan
teiknara frá Sauðárkróki, Pál Sigurðsson. Voru þær af elztu
húsum bæjarins. Myndir þessar gaf Páll bókasafni Skagfirð-
inga. I tveimur samliggjandi stofum var svo sýnd þróunarsaga
bæjarins í máli og myndum. Þar var líkan af staðnum eins og
hann var fyrir um það bil 50 árum. Leikfélag Sauðárkróks hafði
þar eina stofu til umráða. Þar voru sýnd ýmis líkön af leiksvið-
um og mikill fjöldi mynda úr leikritum er sýnd höfðu verið á
ýmsum tímum. Sýning þessi var opin á aðra viku og sótti hana
fjöldi manns.
86