Skagfirðingabók - 01.01.2001, Page 117
KOMSTU SKÁLD í SKAGAFJÖRÐ?
Kristinn Stefánsson
Kristinn Stefánsson fæddist 9.
júlí 1856 að Egilsá í Norðurár-
dal í Skagafirði. Foreldrar hans
voru hjónin Stefán læknir Tóm-
asson, bóndi á Egilsá, og Vigdís
Magnúsdóttir. Var Stefán sagð-
ur afburða gáfumaður og skáld
gott. En flest sem hann orti
mun nú glatað. Vigdís kona
hans var Eyflrðingur, ættuð úr
Öxnadal. Talin voru þau í röð efnaðri búenda í Skagafirði. Börn
þeirra voru þrjú: Sigurlaug, Kristbjörg og Kristinn. Föður sinn
missti Kristinn aðeins átta ára gamall. Vigdís móðir hans hélt
áfram búskap á Egilsá næstu fjögur ár, en brá þá búi, og fluttist
Kristinn með henni til Akureyrar árið 1868. Hún andaðist
fimm árum síðar, 4. apríl 1873. Um þær mundir voru Vestur-
heimsferðir að komast í algleyming. Tók Kristinn þá ákvörð-
un að kveðja ættjörð sína og hefja nýtt líf í fjarlægri heimsálfu,
þá aðeins 17 ára gamall. Þetta sama sumar lagði fjölmennur út-
flytjendahópur, alls nálægt 200 manns, af stað frá Akureyri
hinn 4. ágúst með hafskipinu Queen, sem sigldi til Skotlands.
Slóst Kristinn í förina með þeim hópi. I Skotlandi var fyrst kom-
ið til Granton. Þaðan fór hópurinn með járnbraut til Glasgow
og tók sér þar far með skipi, sem Manitoban hét. Þann 25.
ágúst var stigið á land í Québec í Kanada. Þaðan var haldið
suður til Toronto. Eftir nokkra dvöl þar lá leið þeirra, sem
hugðu á búsetu í Ontario, norður til Rosseau, bæjar í
Muskoka, og var Kristinn einn þeirra. Þar dvaldist hann um 8
115