Jökull - 01.12.1989, Blaðsíða 123

Að morgni laugardags var enn rakt veður þegar lagt
var í skoðunar- og gönguferðundir leiðsögn Elsu og
Snorra sem skýrðu út jarðsögu þess svæðis sem farið
var um. Ekið var norður undir Dórinn, gengið með
Nomakötlum vestur yfir Tröllahraun í Heljargjá, að
Gjáfjöllum og þaðan að bílnum. Tók ferðin um 6
stundir. Veður var í rakara lagi og urðu margir vel
blautir á göngunni. Aðrir urðu eftir í Jökulheimum
og máluðu veggi skálanna. Er menn höfðu jafnað sig
eftir göngu og málun var gengið til snæðings og upp
hafinn söngur o.fl. með gítarspili góðu þeirra Jór-
unnar og Snorra. Stóð fagnaður að vanda vel fram
yfir miðnætti. Sunnudagsmorgunn 11.9. rann upp
bjartur með vægu frosti. Málarar tóku til starfa og
maluðu þök allra húsanna, en gönguglaðir óku inn
undir Jökulkrók og skoðuðu sig þar um. Þeir sem
heima voru hreinsuðu einnig nágrenni skálanna, en
mikið var af alls konar umbúðum í hrauninu í kring.
Hvetja þarf ferðalanga sem leið eiga í Jökulheima
°g víðar um óbyggðir til að hafa með sér allt rusl til
baka. A heimleiðinni var farið norður að gígnum
Mána, en hann er nyrstur þriggja gíga sem eru í jarð-
falli norðaustur af Þórisvatni. Komið var í bæinn um
kl. 20 eftir vel heppnaða ferð. í för voru 22. Sérstak-
lega var ánægjulegt að sjá þar ungt fólk sem ekki
hefur áður tekið þátt í þessum ferðum en fyrsta „13.
september" ferðin var farin árið 1956.
ÚTGÁFA JÖKULS
Jökull 37. árgangur kom út á miðju ári 1988 og
var sendur til þeirra félaga sem greitt höfðu árgjald
1987. Heftið er 106 síður með sex vísindagreinum
um jarðfræðileg efni, yfirliti yfir jöklabreytingar
1964 - 1986 og snjóflóð á árunum 1984 - 1986. Þar
er einnig frásögn um gönguferð á Vatnajökul 1978
°g skýrslur formanna um starfsemi Jöklarannsókna-
félags og Jarðfræðafélags starfsárið 1986 - 1987.
Eftir að ritið var sent kom í ljós galli á kápu þess. í
lokafrágangi í prentsmiðju láðist að prenta innan á
kápuna ritstjómarrammann og leiðbeiningar til höf-
unda greina. Samið var við prentsmiðjuna að hún
bætti úr mistökunum með því að endurprenta káp-
una. Var þá ætlun stjómar að skipta á heftum og laga
þau sem út voru send. Mistök í skurði heftanna með
nÝju kápunni urðu þó til þess að hætta varð við
þessa fyrirætlan og prenta í þess stað laus blöð og
límsíður sem sendar yrðu áskrifendum með 38. ár-
gangi Jökuls.
Ýmsir erfiðleikar í viðskiptum við prentsmiðjur,
einkum langur dráttur á vinnu við setningu og um-
brot, hafa ýtt undir hugmyndir um breytt vinnu-
brögð. Ólafur Flóvenz, ritstjóri, lagði því til að reynt
yrði að flýta vinnu við þessa þætti og gera þá í
einkatölvum jafnóðum og efni berst. Vinna í prent-
smiðju takmarkast þá við filmugerð, prentun og bók-
band. Þessi háttur var nú hafður á við 38. árgang
Jökuls sem kom út í janúar sl. undir ritstjóm Tómas-
ar Jóhannessonar. Verður ekki annað séð en þar hafi
ágætlega tekist til í alla staði. Heftið er 112 síður
með sjö vísindagreinum um jarðfræðileg efni, yfirliti
yfir jöklabreytingar 1930 - 1987, snjóflóð 1986 -
1987, áætlun um verkefni Orkustofnunar í jökla-
rannsóknum, skýrslum formanna Jöklarannsóknafé-
lags og Jarðfræðafélags um starfsárið 1987 - 1988
og reikningum Jörfi 1986 og 1987. Enn sem fyrr er
of lítið um fróðleik sem vekur forvitni jöklamanna
en það stendur til bóta með næsta hefti sem verður
39. árgangur. Þá er stefnt að sérstöku afmælishefti
40. árgangs og verður ýmsum höfundum boðið að
rita í það yfirlitsgreinar á völdum sviðum jarðfræða,
þar sem veruleg framþróun hefur orðið á undanföm-
um árum. Jöklarannsóknafélagið og Jarðfræðafélag-
ið hafa rætt þetta hefti sín á milli og tilnefnt Bryn-
dísi Brandsdóttur, Hreggvið Norðdahl og Svein Jak-
obsson í sérstaka ritnefnd til að ákveða efni heftis-
ins, fá höfunda til að skrifa greinar, hafa milligöngu
um endurbætur á handritum og skila þeim í hendur
ritstjóra Jökuls til setningar og prentunar.
HÚSNÆÐISMÁL
Eins og vikið var að á síðasta aðalfundi hefur
komið til tals í stjóminni að félagið þarf að eignast
húsnæði undir eigur sínar og stjómarfundi, og jafn-
vel félagsfundi. Ferðafélag Islands hefur nú fengið
úthlutað lóð að Mörk nálægt Skeiðarvogi sunnan
Suðurlandsbrautar og mun hefja byggingu húss þar
innan skamms. Þar yrði 250 manna fundasalur og
gott geymslurými. Ferðafélagið hefur áhuga á sam-
vinnu við skyld félög áhugamanna um bygginguna
og því gæti Jöklarannsóknafélagi staðið til boða
JÖKULL, No. 39, 1989 121