Jökull - 01.12.1993, Side 88

FUNDIR
Að loknum aðalfundarstörfum 25. febrúar sagði Jör-
undur Guðmundsson frá skíðagönguferð um Öræfajökul og
Vatnajökul og sýndi myndir. Vorfundur félagsins var síð-
an haldinn 28. apríl. Þar hélt Björgvin Richardsson erindi
um áhrif ofkælingar á mannslíkamann og að loknu kaffihléi
sýndi hann myndband af framhlaupi Köldukvíslarjökuls.
Á haustfundi 27. október flutti Helgi Bjömsson fyrir-
lestur um niðurstöður nýlegra rannsókna á Breiðamerkur-
jökli, sem unnar vom af Raunvísindastofnun, Vegagerð og
Landsvirkjun í þeim tilgangi að fá fram kort af yfirborði og
botni jökulsins svo að fram kæmi landslag undir honum og
rennslisleiðir íss og vatns niður að jökulsporði og jökulán-
um á Breiðamerkursandi. Af niðurstöðum vakti sérstaklega
athygli að undir austasta hluta Breiðamerkuijökuls, upp af
Jökulsárlóni, er land undir sjávarmáli í um 20 km langri
rennu, 2-5 km breiðri. Á miðjum jöklinum, milli randanna
frá Esjufjöllum og Mávabyggðum, er landhæð yfir sjávar-
máli, en undir vesturhluta jökulsins skerast þröngir dalir inn
að rótum Öræfajökuls. Á haustfundinum sýndu Vilhjálmur
Freyr Jónsson og Magnús Bjömsson myndir frá vetrarferð-
um á jeppum um hálendið og jökla.
ÚTGÁFA JÖKULS
Ritstjórar voru Helgi Bjömsson og Leó Kristjánsson,
en Bryndís Brandsdóttir hafði umsjón með samantekt á ís-
lensku efni. Umbrot á 41. og 42. árgangi Jökuls fer fram
við Háskólaforlagið og hefur gengið afar hægt. Frá 14. júní
1993 leggst virðisaukaskatturað fullu á Jökul, eins og aðrar
bækur og tímarit. Fram að því fæst skatturinn endurgreiddur
og því verða bæði heftin að koma út á vormánuðum.
FRÉTTABRÉF
Oddur Sigurðsson, ritari félagsins, annaðist útgáfu
Fréttabréfsins og kom það reglulega út.
MYNDASAFNINGÓLFS ÍSÓLFSSONAR
Á árinu bauðst félaginu að kaupa jöklamyndir Ingólfs
ísólfssonar, sem varkunnurferðamaðurog ljósmyndari. Um
er að ræða filmur og pappírsmyndir, sem teknar vom á ýms-
um jöklum sunnanlands frá því um 1930 fram undir 1970 og
ná þær því yfir allt tímabilið þegar jöklar hörfuðu hraðast á
þessari öld. Myndimar em mikilvæg viðbót við myndasafn
félagsins, sem nú er stefnt að því að flokka.
SKÁLAMÁL
Skálanefnd vann á árinu mikið verk að viðhaldi skála.
Borið var utan á skálann í Kirkjubóli og hann lakkaður að
innan og sett plexigler í gluggahlera. Ástand hans er mjög
gott. I vorferð var gerð tilraun til þess að bera á Kverkfjalla-
skálann, en vegna veðurs tókst eingöngu að bera á listana.
Stefnt er að því að setja slitsterkt efni á gólf vegna þess hve
mikill leir berst þar inn, smíða stærri pall við innganginn og
setja plexígler í gluggahlera. Borið var á skálann á Goða-
hnúkum. Nú er skálinn í mjög góðu lagi og ekki er þar vottur
af raka eða fúkkalykt, þótt sum árin taki seint af honum snjó.
Esjufjallaskálinn er í góðu ástandi og borið var á hann að
utan. Breiðárskálann þarf að mála og ákveða hvort hann
verður endumýjaður. Á Grímsfjalli vom skálamir fúavarðir
í vorferðinni og dyttað var að ýmsu innanhúss. Nú er stefnt
að því að hefjast handa við að reisa geymslu á Fjallinu og
koma þar einnig upp salemi. Miklar endurbætur hafa ver-
ið gerðar á gamla skálanum í Jöklulheimum. Öll klæðning
ásamt innréttingu var fjarlægð og skálinn síðan einangraður
með steinull og klæddur að innan með grenikrossviði. Nýtt
gólf var lagt og lakkað og að utan var öll klæðning negld
upp og þétt eftir föngum. I nýja skálanum var öll klæðning
í lofti og veggjum forstofu fjarlægð og hún síðan einangmð
með steinull og klædd á ný með grenikrossviði, sem á var
borið fúavamarefni. Gluggar í skálanum vom lakkaðir og
fúavöm borin á pallinn. Spmngur í skorsteini utan húss vom
þéttar og síðan límdar á hann steinflögur líkt og gert hafði
verið inni í skálanum. Þá er hefur verið unnið að hönnun
á nýrri eldhúsinnréttingu í nýja skálann. Nokkrar umræður
hafa verið um þörf á nýrri bílaskemmu í Jökulheimum.
HÚSNÆÐISMÁL í REYKJAVÍK
Húsnæðismál félagsins í Reykjavík em nú komin í gott
lag með samningi við Ferðafélag Islands, undirrituðum 10.
mars s.l. til ársloka 1994, um leigu á fundarherbergi og
geymslu í Mörkinni 6 hér í Reykjavík. Geymslan í kjall-
ara er 25 m2 og þar eru nú birgðir okkar af Jökli og ýmis
gömul skjöl félagsins, svo sem ljósmyndir, gömul frímerki
sem stimpluð vom í Grímsvötnum og fmmgögn um sporða-
mælingar. I risi er fundarherbergið, sem við nýtum ásamt
Islenska alpaklúbbnum og Ferðaklúbbnum 4x4. Auk þess
höfum við aðgang að 60 manna sal með eldhúsi í risi hússins.
Með þessu húsnæði getum við aukið félagsstarfið, hist hálfs-
mánaðarlega yfir vetrarmánuðina og rætt þar fyrirhugaðar
jöklaferðir, sýnt myndir úr ferðum, grúskað saman í gömlum
skjölum og ljósmyndum af jöklum. Alexander Ingimarsson
er fulltrúi félagsins í húsnefnd.
86 JÖKULL, No. 43, 1993