Iðjuþjálfinn - 01.06.1997, Blaðsíða 12

10
Oddrún Lilja Birgisdóttir, iðjuþjálfi
SauðárkrókS'bæjar - ið juþ jálfi
Hér á Sauðárkróki er ýmislegt um að vera
og nóg af verkefnum. í haust var ég ráðin
hjá Sauðárkróksbæ í 30% stöðu, til að kanna
félagsstarf aldraðra og vinna úr þeim upp-
lýsingum. Það verkefni var samstarf milli
Sauðárkróks og Skagafjarðar.
Niðurstaða könnunarinnar var
sú, að Félag eldri borgara á
staðnum er með öflugt félags-
starf í gangi, en vöntun var á
fleiri tilboðum fyrir íbúa dval-
arheimilisins. í framhaldi af
þessu var sett upp tómstunda-
aðstaða á dvalarheimilinu,
sem í augnablikinu er notuð
einu sinni í viku og þá ein-
göngu af íbúum dvalarheimil-
isins. Til að blanda betur sam-
an eldri borgurum staðarins og reyna að
eyða fordómum gagnvart íbúum dvalar-
heimilins eru haldin opin hús einu sinni í
mánuði. Á opnu húsi eru haldnir fræðandi
fyrirlestrar, dansað, sungið og drukkið kaffi.
Mitt hlutverk er að skipuleggja og samhæfa,
finna passandi fyrirlestra, fyrirlesara o.s. frv.
Rétt fyrir jólin byrjaði ég svo með hand-
leiðslu fyrir fólk sem starfar við liðveislu.
Þar er ég bæði með hóp- og einkahand-
leiðslu. Til stuðnings starfsfólki og skjól-
stæðingum þeirra hef ég hitt þá heima hjá
skólstæðingunum, þar farið í gegnum ADL
og athugað hvort hægt sé að bæta eða
breyta. Áformað er að ég geti þjálfað inni á
heimilinum í framhaldi af endurhæfingu.
Skjólstæðingarnir eru margir hverjir staðn-
aðir, eru jafnvel með hjálpartæki sem þeir
geyma inni í skáp vegna þess að þeir muna
ekki hvernig á að nota þau eða æfingaverk-
efni sem þeir eru búnir að gleyma hvemig
þeir eigi að gera rétt. Þau eru
óteljandi verkefnin á þessu sviði
og mikil þörf á að skapa eðlilegt
framhald frá stofnun til heim-
ilis.
í augnablikinu er ég rétt að byrja
á verkefni í sambandi við at-
vinnuleysið hér á staðnum. At-
vinnuleysi er töluvert eða um 120-
130 manns, en hér búa í kringum
2.800 manns. Við, það er Sauðár-
króksbær, Norðurlandsdeild
Rauða kross íslands og verkalýðs-
félögin á staðnum, erum að reyna að koma
upp ráðgjafar- og félagsmiðstöð fyrir fólk í
atvinnuleit. Þetta átaksverkefni er alveg í
grunnsporunum og erum við m. a. enn að
leita að húsnæði sem hentar og sækja um
fjármagn hingað og þangað. Svipaða mið-
stöðvar hafa verið settar upp víðsvegar um
landið með misgóðum árangri.
Ég er í 55% starfi og býst við að auka við
mig með haustinu. Þetta er frumkvöðuls-
starf og oft erfitt að átta sig á hvar faglegu
mörkin eru, sérstaklega þegar maður er
svona einn. Ég hef þó einn iðjuþjálfa hér á
Svæðisskrifstofu Norðurlands Vestra að
styðjast við og er það mikil hjálp.