Tímarit hjúkrunarfræðinga - 01.06.2010, Síða 51

Tímarit hjúkrunarfræ›inga – 3. tbl. 86. árg. 2010 47
Ritstjórar eru Barbara L. Nichols og
Catherine R. Davis en þær eru
báðar hjúkrunarfræðingar og gegna
ábyrgðarstöðum í CGFNS en það er
nefnd sem metur hæfni erlendra
hjúkrunarfræðinga sem æskja starfsleyfis
í Bandaríkjunum. Auk þeirra skrifa 8
manns í bókina, flestir hjúkrunarfræðingar.
Bókin er 404 blaðsíður og 11 kaflar auk
viðauka. Bókin er að mínu mati vel skrifuð
og hnitmiðuð og tekur á þeim málum
sem ég myndi vilja fá svör við hefði ég
hug á að starfa í Bandaríkjunum. Enda
þótt hún beinist fyrst og fremst að starfi
er hún gagnleg líka fyrir þá sem eru á leið
til náms. Kaflarnir eru misdjúpir, sumir
virka yfirborðskenndir en aðrir fyllri. Þetta
mat mitt gæti þó verið litað af mismikilli
þekkingu minni á efnum kaflanna.
Skilgreiningar og útskýringar á hugtökum
í upphafi hvers kafla finnast mér mjög
gagnlegar. Það sem ég sakna er fyllri
umræða um fjölmenningu. Bandaríkin
eru suðupottur menningarheima sem
birtist meðal skjólstæðinga okkar og
samstarfsfólks og er menningarhæfi efni
sem íslenskir hjúkrunarfræðingar þyrftu
að tileinka sér áður en utan er haldið.
Í fyrsta kafla er veitt stutt yfirlit
yfir innflytjendamál og erlenda
hjúkrunarfræðinga í Bandaríkjunum,
hlutverk CGFNS er útskýrt og rök færð
fyrir því hvers vegna lestur þessarar
bókar gæti verið nauðsynlegur. Annar
kafli fjallar um undirbúning í heimalandi.
Þriðji og fjórði kafli fjalla um leyfismál;
hvernig maður sækir um landvistarleyfi
og hjúkrunarleyfi en miklar kröfur eru
gerðar fyrir bæði þessi leyfi. Hér er margt
ólíkt Íslandi og mikilvægt að lesa þessa
kafla vel. Það er til dæmis ekki hægt
að fá leyfi fyrir öll Bandaríkin heldur þarf
að sækja um fyrir hvert ríki fyrir sig. Það
hefur þó ekki hindrað fjölmarga íslenska
hjúkrunarfræðinga í að starfa og mennta
sig í Bandaríkjunum. Annað sem er ólíkt er
að endurnýja þarf leyfin á 1–4 ára fresti en
mismiklar kröfur eru gerðar til þess að fá
endurnýjun. Umsækjandi þarf að gangast
What you need to know about nursing
and health care in the United States:
The official guide for foreign­educated
nurses. Ritstjórar: Barbara L. Nichols
og Catherine R. Davis. Útgefandi:
Springer Publishing Company, 2009.
ISBN: 978­0­8261­1065­7. Bókin er
404 bls.
undir enskupróf. Fimmti kafli fjallar um
atvinnumál. Gefin er leiðsögn um hvernig
sótt er um vinnu, um val á vinnustað og
helstu réttindi og skyldur á vinnumarkaði
skýrð út. Ráðlegt er að kynna sér vel
stéttarfélagsmál í hverju fylki. Athyglisvert
er að sumir vinnuveitendur virðast óspart
nota rétt sinn til að skylda starfsmenn til
yfirvinnu til þess fylla í ósetin stöðugildi.
Réttur til sumarfrís er mun minni en
á Íslandi og heilbrigðistryggingar eru
með allt öðru sniði en á Íslandi. Um
hið síðastnefnda fjallar hluti af næsta
kafla sem lýsir skipulagi heilbrigðiskerfis
Bandaríkjanna. Ég hefði gjarnan viljað
hafa þennan kafla mun lengri. Sjöundi
kaflinn fjallar um hjúkrun. Þetta er lengsti
kaflinn og fer vel á því. Mér finnst þessi
kafli mjög fróðlegur og kærkominn fyrir
mig sem vissi greinilega of lítið um hjúkrun
í Bandaríkjunum. Kafli átta fjallar um
samskipti í heilbrigðisþjónustu. Hann er
skemmtilega skrítinn. Talað er um óbeina
tjáningu, slangur og skammstafanir sem
eru mikilvægur hluti samskipta. Síðan
kemur stuttur og yfirborðslegur kafli
um hagnýt atriði er varða daglegt líf í
bandarísku samfélagi. Kafli 10 fjallar um
framhaldsnám og símenntun. Hann er
stuttur yfirlitskafli. Það er síðasti kaflinn
líka en mér fannst hann góð viðbót við
ýmis stéttarleg efni eins og einkenni
fagstétta og samtök hjúkrunarfræðinga. Í
viðaukum er ýmis form og eyðublöð.
Hildur Magnúsdóttir er hjúkrunarfræðingur
BSc, MSc og klínískur lektor í Háskóla
Íslands. Hún vinnur sem verkefnastjóri á
mannauðssviði á Landspítala.
Hildur Magnúsdóttir, hildurma@landspitali.is
BÓKARKYNNING
VERT AÐ VITA UM HJÚKRUN Í BANDARÍKJUNUM
Út er komin bók með leiðbeiningum fyrir hjúkrunarfræðinga sem vilja vinna í
Bandaríkjunum. Hildur Magnúsdóttir las bókina og niðurstaða hennar er að þetta sé
bók sem vert er að eiga fyrir þá hjúkrunarfræðinga sem hafa hug á að fara til starfa
eða náms í Bandaríkjunum.