Iðjuþjálfinn - 01.05.2006, Blaðsíða 33
I‹JUÞJÁLFINN 1 / 2006 n
hreyfiþroskaröskun með eða án
ADHD.
Heimildayfirlit
Þátttaka
Þátttaka í fjölbreytilegri iðju hefur
margvísleg áhrif á einstaklinginn og
með iðju tekst fólk á við þær kröfur
sem lífið gerir (Polgar og Landry, 2004).
Þátttaka er háð ytri aðstæðum svo sem
umhverfi, persónubundnum þáttum og
félags og menningarlegum þáttum auk
þess sem þroski og líf og erfðafræðilegir
þættir hafa áhrif (Poulsen og Ziviani,
2004B). Iðja barna og unglinga er af
ýmsum toga svo sem eigin umsjá,
leikur, nám og tómstundastörf og er
þátttaka í daglegum viðfangsefnum
mikilvæg í þroskaferli þeirra.
Þátttaka hefur jákvæð áhrif á heilsu
og vellíðan og leiðir til ánægju og
aukinnar hæfni. Fólk sem ekki er fært
um að taka þátt finnur fyrir félagslegri
einangrun og vanlíðan. Þátttaka er
hluti af þroskaferli barna, þau vaxa úr
grasi og þroskast í gegnum skólastarf,
leik með félögum sínum, lestur, íþróttir
eða aðra tómstundaiðju. Leikir eru
mikilvægir fyrir félagslíf barna, en í
leikjum koma hópar saman og vin
skapur myndast (Law og King, 2000).
Rannsóknir sýna að vináttubönd
unglinga geti haft mikil áhrif á andlegan
og félagslegan þroska þeirra. Þeir
þjálfast í félagslegum samskiptum og
eiga betur með að virða skoðanir og
setja sig í spor annarra (Kristín
Björnsdóttir, 2003).
Gildi félags- og tómstundastarfs
Í skýrslu Menntamálaráðuneytisins
frá 2003 kom fram að þátttaka ungs
fólk í félagsog tómstundastarfi er
undirstaða uppbyggilegrar þátttöku
þeirra í samfélaginu. Það er því
mikilvægt að ungt fólk hafi vettvang
þar sem hæfileikar þeirra og
sköpunargleði fá að njóta sín. Gildi
félags og tómstundastarfs fyrir ungt
fólk er af ýmsum toga. Sem dæmi má
nefna uppeldislegt gildi, en þátttaka í
félagsstarfi kennir ungu fólki að vinna
saman og taka ákvarðanir í samstarfi
við aðra. Rannsóknir gefa sterkar
vísbendingar um að þátttaka í skipu
lögðu félagsstarfi hafi forvarnargildi
(Þórólfur Þórlindsson, Inga Dóra
Sigfúsdóttir, Jón Gunnar Bernburg og
Viðar Halldórsson, 1998). Skipulagt
félagsstarf skapar aukna festu í lífi
unglinga og þeir eru líklegri til að líta á
sig sem ábyrga þátttakendur í
samfélaginu. Þá vegur einnig þungt að
skipulagt félags og tómstundastarf er í
senn vettvangur fyrir afþreyingu og
félagsleg samskipti við jafnaldra, en
hvort tveggja er ungu fólki lífsnauðsyn
(Menntamálaráðuneytið, 2003).
Skortur á sjálfstrausti getur leitt til
þess að unglingar forðist félagsskap,
dragi sig í hlé og einangrist. Sjálfstraust
snýst meðal annars um hæfni til að
mynda heilbrigð og gefandi tengsl við
annað fólk (Erla Kristjánsdóttir, Jóhann
Ingi Gunnarsson og Sæmundur
Hafsteinsson, 2004). Í rannsókn Sig
ríðar Einarsdóttur (2003) kom fram
hve miklu máli þátttaka í frístundastarfi
skipti hvað varðar vináttutengsl. Það
að hafa öðlast færni á ákveðnu sviði
skipti sköpum um velgengni og virðingu
meðal skólafélaganna. Ennfremur kom
fram að styrkleikar einstaklinganna
tengdust oft áhugamálum, svo sem
frístundastarfi og íþróttum. Law (2002)
telur að þátttaka barna og unglinga í
tómstundaiðju minnki brottfall úr
skóla, bæti frammistöðu og auki
félagsleg tengsl þeirra við jafnaldra
sína.
Félagsleg þátttaka barna með
hreyfiþroskaröskun
Rannsóknir sýna að börn með
hreyfiþroskaröskun eigi oft í erfiðleikum
með félagslegt samneyti. Í Rannsókn
Smyth og Anderson (2000) kom fram
að börn með hreyfifrávik tóku minni
þátt í hreyfileikjum, höfðu síður jákvæð
samskipti við bekkjarfélaga og voru oft
ein á skólavellinum. Að mati foreldra
voru börnin einangruð, ómannblendin
og óþroskuð félagslega og foreldrar
höfðu iðulega meiri áhyggjur af
félagsfærni barnanna en hreyfigetu
þeirra (Chen og Cohn, 2003; Cohn,
2001).
Leikir geta reynst börnum með
hreyfiþroskaröskun erfiðir og dregið úr
þátttöku þeirra (Segal, Mandich,
Polatajko og Cook, 2002). Í rannsókn
Mandich, Polatajko og Rodger (2003)
kom fram að það að vera góður í
einhverju skipti miklu varðandi það að
vera viðurkenndur af félögum sínum
og vera hluti af hópi. Í grein eftir
Gresham og MacMillan (1997) kom
fram að börnum með frávik var frekar
hafnað af jafnöldrum sínum og að þau
fundu frekar fyrir einmanaleika,
þunglyndi og félagslegu óöryggi.
Rannsókn Piek og Skinner (2001) á
börnum með og án umtalsverða
hreyfierfiðleika leiddi í ljós að unglingar
með frávik höfðu minni trú á eigin getu
og lægra sjálfsmat en jafnaldrar þeirra.
Þótt drægi úr hreyfierfiðleikum með
aldrinum áttu unglingarnir oft í erfið
leikum sem tengdust námi og sál
félagslegum þáttum þegar þeir nálguðust
fullorðinsár (Poulsen og Ziviani,
2004A; Mandich, Polatajko og Rodger,
2003; Piek, Dworcan og Barett, 2000).
Að sögn Rögnu Freyju Karlsdóttur
(2001) verða nemendur með ADHD
oft fyrir aðkasti og einelti. Börn sem
lögð eru í einelti líta oft á skólann sem
ógnandi stað sem þeim finnst erfitt að
aðlagast. Þau eru einmana og kvíða
fyrir að fara í skólann (Kochenderfer
og Ladd, 1996).
Aðferðafræði
Í rannsókninni var notuð eigindleg
aðferð en hún gefur þátttakendum
tækifæri á að tjá eigin upplifun og
reynslu. Þessi aðferð gefur möguleika á
sveigjanleika hvað varðar umræðuefni
og byggir að stórum hluta á virkni
þátttakenda (Bogdan og Biklen,
1998).
Viðtöl voru tekin við 12 unglinga á
aldrinum 15–17 ára, níu stráka og þrjár
stelpur. Þau áttu það sameiginlegt að
hafa verið greind með frávik í
hreyfiþroska. Um var að ræða unglinga
búsetta á höfuðborgarsvæðinu, sem
notið höfðu þjónustu iðjuþjálfa á
ÆSLF. Í samræmi við val á rann
sóknaraðferð voru notuð óstöðluð opin
viðtöl við upplýsingaöflun.Viðfangsefni
sem komið var inn á voru meðal
annars skóli, vinir, fjölskylda, tóm
stundaiðja og hvað skipti viðmælendur
mestu máli í daglegu lífi.
Niðurstöður og umræða
Flestir viðmælenda okkar eru
ánægðir í skóla en nokkrir segja að sér
líði illa og vísa meðal annars til eineltis
í því sambandi.
n Niðurstöður rannsóknarinnar
benda til að gefa þurfi félagslegri
þátttöku aukið vægi, finna leiðir til
að efla félagsfærni barna og hvetja
þau til aukinnar tómstundaiðkunar.